Genesis 18:23

Ang Biblia 2011

Unya miduol si Abraham ug miingon kaniya, “Laglagon ba usab nimo ang mga matarong uban sa mga daotan?

Cross References

Genesis 18:24

Pananglit adunay 50 ka matarong sa sulod sa siyudad, laglagon ba diay nimo ug dili nimo sayloan ang dapit tungod sa 50 ka matarong nga anaa sa sulod niini?

Genesis 18:25

Malayo unta kanimo ang pagbuhat sa ingon niana nga patyon nimo ang mga matarong uban sa mga daotan, ug nga sa ingon niana ang mga matarong mahisama sa mga daotan. Malayo unta kana kanimo! Dili ba nga ang Maghuhukom sa tibuok nga yuta magbuhat man sa matarong?”

Genesis 20:4

Apan si Abimelek wala pa makaduol kaniya busa miingon siya, “Ginoo, patyon ba usab nimo ang katawhan nga walay sala?

2 Samuel 24:17

Unya si David misulti sa Ginoo sa diha nga nakita niya ang anghel nga mihampak sa katawhan ug miingon, “Ako nakasala ug ako nakahimo ug daotan, apan kining mga karnero, unsay ilang nabuhat? Ako naghangyo kanimo, himoa nga ang imong kamot makigbatok kanako ug makigbatok sa balay sa akong amahan.”

Job 34:17

Magmando ba kadtong nagdumot sa hustisya? Imo bang silotan kadtong matarong ug gamhanan,

Job 8:3

Nagtuis ba ang Dios sa hustisya? O nagtuis ba sa matarong ang Labing Gamhanan?

Salmo 73:28

Apan alang kanako, maayo ang pagpaduol ngadto sa Dios; Ang Ginoo nga Dios gihimo nako nga akong dalangpanan, aron isugilon nako ang tanan nimong mga buhat.

Exodo 23:7

Palayo gikan sa usa ka bakak nga sumbong ug ayaw patya ang walay sala ug ang matarong kay dili ko gayod palingkawason ang daotan.

Jeremias 30:21

Ang ilang pangulo usa gayod kanila, ang ilang tigmando maggikan sa taliwala nila; paduolon nako siya, ug siya moduol kanako, kay kinsa ba kining mangahas sa pagduol kanako? nag-ingon ang Ginoo.

Numeros 16:22

Ug sila mihapa ug miingon “O Dios, ang Dios sa mga espiritu sa tanan nga unod, kon makasala ang usa ka tawo, masuko ba ikaw sa tibuok nga katilingban?”

Mga Hebreo 10:22

busa manuol kita sa Dios uban ang matinud-anon nga kasingkasing uban sa hingpit nga kasigurohan sa pagtuo, human mahinlo ang atong mga kasingkasing pinaagi sa pagbisibis gikan sa daotan nga tanlag ug human mahugasi ang atong mga lawas sa lunsay nga tubig.

Santiago 5:16

Busa ngadto sa usa ug usa pagsinugiray kamo sa inyong mga sala ug pag-ampo kamo alang sa usa ug usa, aron kamo mangaayo. Ang pag-ampo sa tawong matarong dako ug kahimoan.

Santiago 5:17

Si Elias usa ka tawo nga sama kanato ug kinaiya, ug sa iyang pag-ampo, siya nag-ampo nga dili unta mag-ulan, ug wala kini moulan sa yuta sulod sa tulo ka tuig ug unom ka bulan.