Genesis 18:2

Ang Biblia 2011

Giyahat niya ang iyang mga mata, ug mitan-aw siya ug nakita niya nga dihay tulo ka tawo nga nagtindog atbang kaniya, ug sa iyang pagkakita kanila, midagan siya gikan sa pultahan sa iyang tolda aron sa pagtagbo kanila ug siya mihapa sa yuta.

Cross References

Genesis 17:3

Unya si Abram mihapa ug ang Dios miingon kaniya,

Genesis 18:16

Unya ang mga tawo mitindog gikan didto ug milantaw ngadto sa Sodoma ug si Abraham mikuyog sa paghatod kanila ngadto sa dalan.

Genesis 18:22

Unya ang mga tawo miliko gikan didto ug mipaingon sa Sodoma apan si Abraham nagtindog pa sa atubangan sa Ginoo.

Genesis 18:3

Ug miingon siya, “Akong agalon, kon ako nakakaplag ug kahimuot diha sa imong atubangan, dili unta kamo mosaylo sa inyong ulipon.

Genesis 19:1

Unya ang duha ka anghel miabot didto sa Sodoma sa pagkagabii ug si Lot naglingkod didto sa ganghaan sa Sodoma. Sa dihang nakita sila ni Lot, mitindog siya sa pagdawat kanila ug mihapa siya sa yuta.

Genesis 23:12

Unya si Abraham miyukbo usab sa atubangan sa mga tawo sa yuta.

Genesis 23:7

Si Abraham mitindog ug miyukbo sa mga Hitihanon, ang katawhan niadtong yutaa.

Genesis 24:63

Ug migula si Isaac aron sa pagpamalandong didto sa kapatagan sa sayong kagabhion. Ug giyahat niya ang iyang mga mata ug nalantawan niya nga dihay mga kamilyo nga nagpaingon kaniya.

Genesis 32:24

Ug nahibilin si Jacob nga nag-inusara, ug dihay tawo nga nakiglayog kaniya hangtod sa pagbanagbanag sa adlaw.

Genesis 42:6

Niadtong panahona si Jose maoy gobernador sa yuta, siya mao ang nagbaligya sa pagkaon ngadto sa tanang katawhan sa yuta. Ug ang mga igsoong lalaki ni Jose nangabot, ug miyukbo atubangan kaniya ug ang ilang mga nawong paatubang sa yuta.

Genesis 43:26

Sa dihang miabot na si Jose sa balay, ilang gidala kaniya sa sulod sa balay ang mga gasa nga diha kanila ug miyukbo sila kaniya ngadto sa yuta.

Genesis 43:28

Ug sila miingon, “Ang imong ulipon nga among amahan maayo man, buhi pa siya.” Ug miduko sila sa paghatag ug katahoran.

Genesis 44:14

Sa dihang si Juda ug ang iyang mga igsoon miabot sa balay ni Jose, didto pa siya ug sila mihapa sa yuta sa atubangan niya.

Genesis 48:12

Ug sila gikuha ni Jose gikan sa iyang mga tuhod ug giyukbo niya ang iyang kaugalingon ngadto sa yuta.

2 Mga Hari 2:15

Unya sa pagkakita kaniya sa pundok sa mga propeta nga didto sa Jerico atbang kaniya, sila miingon, “Ang espiritu ni Elias anaa kang Eliseo.” Ug sila nangadto sa pagtagbo kaniya ug miyukbo diha sa yuta sa atubangan niya.

Roma 12:13

Hatag kamo alang sa mga panginahanglan sa mga balaan; batasana ninyo ang pagkamaabiabihon.

Mga Hebreo 13:2

Ayaw ninyo kalimti ang pag-abiabi sa mga dumuduong, kay pinaagi niini adunay nakaalagad ug mga anghel nga wala lang nila hibaloi.

Josue 5:13

Sa diha nga si Josue duol na sa Jerico, iyang giyahat ang iyang mga mata ug mitan-aw ug nakita niya nga may usa ka tawo nga nagtindog sa iyang atubangan nga nagdala ug usa ka espada nga gihulbot gikan sa sakoban diha sa iyang kamot ug si Josue miduol kaniya ug miingon kaniya, “Dapig ba ikaw kanamo o sa among mga kaaway?”

1 Pedro 4:9

Batasana ninyo ang pag-abiabi sa usa ug usa sa walay pagbagulbol.

Mga Maghuhukom 13:3

Ug ang anghel sa Ginoo mipakita sa babaye, ug miingon kaniya, “Tan-awa, ikaw dili makaanak ug walay anak apan magsamkon ikaw ug manganak ug usa ka anak nga lalaki.

Ruth 2:10

Unya si Ruth miyukbo, ug miduko ngadto sa yuta ug miingon kaniya, “Nganong nakakaplag man ako ug kaluoy sa imong mga mata, nga ikaw motagad kanako nga ako usa man ka langyaw?”