Genesis 18:19

Ang Biblia 2011

Dili, kay gipili nako siya aron magsugo sa iyang mga anak ug panimalay nga sunod kaniya aron magsubay sila sa dalan sa Ginoo, pinaagi sa pagbuhat sa pagkamatarong ug sa hustisya, aron ang Ginoo magpadangat kang Abraham niadtong gisaad kaniya.”

Cross References

Genesis 12:2

Ug akong buhaton gikan kanimo ang usa ka dako nga nasod, ug ikaw panalanginan nako ug himoong bantogan ang imong ngalan, aron ikaw mahimo nga usa ka panalangin.

Genesis 12:3

Panalanginan nako ang nagpanalangin kanimo ug ang nagtunglo kanimo tunglohon usab nako ug pinaagi kanimo panalanginan ang tanang kabanayan sa yuta.”

Genesis 17:9

Ang Dios miingon usab kang Abraham, “Mahitungod kanimo, ampingi ang akong kasabotan, ikaw ug ang imong kaliwatan nga sunod kanimo, hangtod sa ilang mga kaliwatan.

Genesis 22:18

Ug pinaagi sa imong kaliwat ang tanang nasod sa yuta magpanalangin sa ilang kaugalingon kay gituman man nimo ang akong tingog.”

Genesis 35:2

Busa si Jacob miingon sa iyang panimalay ug sa tanan nga uban kaniya, “Isalikway ninyo ang laing mga dios nga anaa kaninyo, ug panghinlo kamo sa inyong kaugalingon ug pag-ilis kamo sa inyong mga bisti.

2 Samuel 22:22

Kay gisubay nako ang mga pamaagi sa Ginoo, ug wala mobiya gikan sa akong Dios ngadto sa pagkadaotan.

2 Samuel 7:20

Ug unsa pa ang ikasulti ni David kanimo? Kay ikaw nakaila sa imong sulugoon, O Ginoong Dios!

1 Cronicas 28:9

“Ug ikaw, Solomon nga akong anak, ilha ang Dios sa imong amahan ug alagari siya uban ang tibuok nimong kasingkasing ug uban sa usa ka masinugtanon nga kasingkasing, kay ang Ginoo nagsusi sa tanang mga kasingkasing, ug nakasabot sa tanang mga laraw ug mga hunahuna. Kon imo siyang pangitaon, imo siyang makit-an, apan kon imo siyang biyaan, isalikway ikaw niya hangtod sa kahangtoran.

2 Cronicas 14:3

Iyang gikuha ang mga halaran sa mga langyaw ug ang mga habog nga dapit ug gigun-ob ang mga haligi ug giputol ang mga Asera.

Nehemias 9:7

Ikaw mao ang Ginoo, ang Dios, nga nagpili kang Abram ug nagdala kaniya gikan sa Ur sa mga Caldeanhon ug naghatag kaniya sa ngalan nga Abraham.

Job 1:5

Ug sa molabay na ang mga adlaw sa ilang mga pagsaulog, si Job magpaadto ug magbalaan kanila, ug mosayo siya pagmata inigkabuntag ug maghalad ug mga halad nga sunogon, sumala sa gidaghanon nilang tanan kay miingon si Job, “Tingali ug nakasala ang akong mga anak, ug nagpasipala sa Dios diha sa ilang mga kasingkasing.” Mao kini ang himoon ni Job sa kanunay.

Salmo 1:6

kay ang Ginoo nahibalo sa dalan sa mga matarong, apan ang dalan sa mga daotan mahanaw.

Salmo 11:4

Ang Ginoo anaa sa iyang Templo nga balaan; ang trono sa Ginoo atua sa langit; ang iyang mga mata nagtan-aw, ang iyang pagsud-ong nagsusi sa mga anak sa mga tawo.

Salmo 34:15

Ang mga mata sa Ginoo anaa sa matarong, ug ang iyang mga dalunggan sa ilang pagtuaw.

Mga Panultihon 22:6

Bansaya ang bata diha sa dalan nga iyang laktan, ug sa diha nga matigulang siya, dili siya mobiya gikan niini.

Isaias 38:19

Ang buhi, ang buhi, siya magdayeg kanimo, sama sa akong gihimo niining adlawa; ang amahan mopaila ngadto sa iyang mga anak sa imong pagkamatinumanon.

Levitico 14:42

Unya sila magkuha ug laing mga bato ug ilang ihulip kini sa dapit nga gikuhaan sa mga bato ug magkuha sila ug laing apog nga minasa ug buliton nila ang balay.

Amos 3:2

“Kamo lamang ang akong nailhan sa tanang mga panimalay sa yuta; busa silotan ko kamo tungod sa tanan ninyong mga kasal-anan.

Mateo 25:17

Ang nakadawat ug duha ka talanton nakaganansya usab ug laing duha ka talanton.

Juan 10:14

Ako mao ang maayong magbalantay sa karnero. Ako nakaila sa akoa ug ang akoa nakaila kanako,

Juan 21:17

Ug siya miingon kaniya sa ikatulong higayon, “Simon, anak ni Juan, gihigugma ba nimo ako?” Ug gikasubo ni Pedro ang iyang pag-ingon kaniya sa ikatulong higayon, “Gihigugma ba nimo ako?” Ug siya miingon kaniya, “Ginoo, nasayod ikaw sa tanan, nasayod ikaw nga gihigugma ko ikaw.” Si Jesus miingon kaniya, “Pakan-a ang akong mga karnero.

Mga Buhat 27:31

si Pablo miingon sa kapitan ug sa mga sundalo, “Kon kining mga tawhana dili magpabilin sa barko, dili gayod kamo maluwas.”

Mga Taga-Efeso 6:4

Ug kamong mga amahan, ayaw ninyo hagita sa pagkasuko ang inyong mga anak, kondili matutoa hinuon ninyo sila diha sa pagpanton ug pagtulun-an sa Ginoo.

Deuteronomio 32:46

siya miingon kanila, “Ibutang ninyo sa inyong kasingkasing ang tanang mga pulong nga gimando kaninyo niining adlawa nga isugo ninyo sa inyong mga anak aron sila magmatngon sa pagbuhat sa tanang mga pulong niini nga Balaod.

1 Timoteo 3:12

Ang mga alagad sa iglesia kinahanglang tagsa lamang ang asawa ug maayong modumala sa ilang mga anak ug sa ilang mga panimalay,

2 Timoteo 1:5

Nahinumdom ako sa imong matinud-anong pagtuo nga sa sinugdan diha sa imong apohang babaye nga si Loida ug sa imong inahan nga si Eunice ug nga karon, nagtuo ako nga anaa usab kanimo.

2 Timoteo 2:19

Apan ang lig-on nga patukoranan sa Dios nagpabilin sa pagbarog, nagdala niining timaan, “Ang Ginoo nakaila sa mga iya,” ug “Ang matag usa nga nagsangpit sa ngalan sa Ginoo kinahanglang mobiya sa pagkadaotan.”

2 Timoteo 3:15

ug nga sukad sa imong pagkabata nakahibalo ikaw sa balaan nga kasulatan nga takos sa pagtudlo kanimo ngadto sa kaluwasan pinaagi sa pagtuo kang Cristo Jesus.

Josue 24:15

Ug kon dili kamo buot moalagad sa Ginoo, pagpili kamo niining adlawa kon kinsa ang inyong alagaran, ang mga dios ba nga gialagaran sa inyong katigulangan didto sa unahan sa Suba o ang mga dios ba sa mga Amorihanon nga ang yuta mao ang inyong gipuy-an. Apan alang kanako ug sa akong panimalay, mag-alagad kami sa Ginoo.”

Mga Maghuhukom 13:12

Si Manoa miingon, “Karon kon matinuod na unya ang imong gisulti, unsa ba ang mahimong matang sa kinabuhi sa bata ug unsa man ang iyang buhaton?”