Genesis 18:14

Ang Biblia 2011

Aduna bay mga butang nga lisod alang sa Dios? Sa gitakda nga panahon mobalik ako kanimo, sa tingpamulak, ug si Sarah makabaton ug usa ka anak nga lalaki.”

Cross References

Genesis 17:16

Ako magpanalangin kaniya ug hatagan ko usab ikaw ug anak nga lalaki gikan kaniya. Ako magpanalangin kaniya ug siya mahimo nga inahan sa mga nasod ug ang mga hari sa mga katawhan maggikan kaniya.”

Genesis 17:21

Apan lig-onon nako ang akong kasabotan uban kang Isaac nga ipanganak ni Sarah kanimo niining panahona sa mosunod nga tuig.”

Genesis 18:10

Unya siya miingon, “Mobalik gayod ako kanimo kon moabot na ang panahon ug tan-awa, si Sarah nga imong asawa makabaton ug usa ka anak nga lalaki.” Ug si Sarah naminaw didto sa pultahan sa tolda nga diha sa likod ni Abraham.

Genesis 18:13

Unya ang Ginoo miingon kang Abraham, “Nganong mikatawa si Sarah nga miingon, ‘Tinuod ba gayod nga ako manganak, karon nga tigulang na ako?’

Genesis 18:15

Unya si Sarah milimod nga nag-ingon, “Wala ako mokatawa,” kay nahadlok man siya. Siya miingon, “Dili, mikatawa gayod ikaw.”

Genesis 21:1

Ang Ginoo miduaw kang Sarah sumala sa gisulti niya ug ang Ginoo mibuhat ngadto kang Sarah sumala sa iyang gisaad.

Genesis 21:2

Ug nagsamkon si Sarah ug nanganak ug usa ka bata nga lalaki kang Abraham sa tigulang na siya, sa panahon nga gisulti sa Dios kaniya.

2 Mga Hari 4:16

Ug siya miingon, “Niining panahona, sumad karon, ikaw magkugos ug usa ka anak nga lalaki.” Ug siya miingon, “Dili, akong agalon, O tawo sa Dios, ayaw pagbakak sa imong sulugoon.”

Job 36:5

“Tan-awa, ang Dios gamhanan, ug wala magtamay kang bisan kinsa; siya gamhanan diha sa kalig-on sa pagpanabot.

Job 42:2

“Ako nahibalo nga makahimo ikaw pagbuhat sa tanang mga butang, ug nga walay katuyoan nimo nga matuis.

Salmo 90:13

Balik, O Ginoo! Hangtod kanus-a ba? Kaluy-i ang imong mga alagad!

Salmo 93:1

Ang Ginoo naghari, nagbisti siya sa pagkahalangdon; ang Ginoo nagbisti, siya nagbakos sa kalig-on. Gipahimutang usab ang kalibotan; kini dili matarog;

Salmo 95:3

Kay ang Ginoo bantogan nga Dios, ug bantogan nga Hari ibabaw sa tanang mga dios.

Isaias 50:2

Ngano man nga sa akong pag-abot walay tawo? Sa akong pagtawag, walay usa nga mitubag? Gipamub-an ba ang akong kamot nga kini dili makalukat? O wala ba akoy gahom aron sa pagluwas? Tan-awa, tungod sa akong pagbadlong gipauga nako ang dagat, gihimo nako ang mga sapa nga usa ka kamingawan; ang ilang mga isda nangabaho, tungod kay wala nay tubig ug nangamatay tungod sa kauhaw.

Jeremias 32:17

‘O Ginoong Dios! Ikaw mao ang nagbuhat sa langit ug sa yuta pinaagi sa imong dakong gahom ug pinaagi sa tinuy-od nimong mga bukton! Walay bisan unsa nga lisod kaayo alang kanimo,

Jeremias 32:27

“Tan-awa, ako mao ang Ginoo, ang Dios sa tanang unod; aduna bay lisod alang kanako?

Daniel 6:20

Sa pagduol niya sa langob diin didto si Daniel, misinggit siya sa usa ka tingog nga masulob-on ug miingon kang Daniel, “O Daniel, alagad sa Dios nga buhi, ang imong Dios nga imong gialagaran sa kanunay nagluwas ba kanimo gikan sa mga liyon?”

Miqueas 7:18

Kinsa ba ang Dios nga sama kanimo, nga nagpasaylo sa kasal-anan ug mopalabay lamang sa mga kalapasan sa salin sa iyang panulundon? Siya wala maghupot sa iyang kasuko hangtod sa kahangtoran, kay siya malipay diha sa gugmang walay paglubad.

Zacarias 8:6

Mao kini ang giingon sa Ginoo sa mga panon: Kon kahibulongan kini sa panan-aw sa mga salin niining katawhan niining mga adlawa, kahibulongan ba usab kini sa akong mga panan-aw, nag-ingon sa Ginoo sa mga panon?

Numeros 11:23

Ug ang Ginoo miingon kang Moises, “Mubo ba diay ug kamot ang Ginoo? Karon makita nimo kon mahitabo ba kanimo ang akong gipamulong o dili.”

Mateo 14:31

Dihadiha gituy-od ni Jesus ang iyang kamot ug iyang gikuptan si Pedro ug giingnan, “O tawong gamay ug pagtuo, nganong nagduhaduha man ikaw?”

Mateo 19:26

Si Jesus mitan-aw kanila ug miingon, “Sa tawo, dili kini mahimo apan sa Dios ang tanan mahimo.”

Mateo 3:9

ug ayaw kamo panghambog sa pag-ingon sa inyong kaugalingon, ‘Si Abraham mao ang among amahan’, kay sultihan ko kamo nga ang Dios makahimo sa pagpabarog ug mga anak alang kang Abraham gikan niining mga bato.

Marcos 10:27

Ug si Jesus misud-ong kanila ug miingon, “Sa mga tawo dili gayod kini mahimo, apan sa Dios mahimo, kay sa Dios mahimo man ang tanan.”

Lucas 1:13

Apan ang anghel miingon kaniya, “Ayaw kahadlok, Zacarias, kay ang imong pag-ampo gidungog, ug si Elisabet nga imong asawa manganak ug usa ka batang lalaki alang kanimo, ug nganlan nimo siya ug Juan.

Lucas 1:18

Unya si Zacarias miingon sa anghel, “Unsaon man nako pagkahibalo nga mahimo kini? Kay ako tigulang na ug ang akong asawa tigulang na usab.”

Lucas 1:37

Kay sa Dios walay dili mahimo.”

Lucas 8:50

Apan si Jesus nga nakadungog niini miingon kang Jairo, “Ayaw kahadlok, salig lamang ug mamaayo ra siya.”

Roma 4:21

masaligon sa hingpit nga ang Dios makatuman gayod sa iyang saad.

Mga Taga-Efeso 3:20

Ug ngadto kaniya, nga pinaagi sa gahom nga naglihok sulod kanato makahimo ug labaw pa gayod kay sa tanan natong gipangayo ug gihunahuna,

Deuteronomio 30:3

ang Ginoo nga inyong Dios magpahiuli kaninyo sa maayong kahimtang ug maluoy kaninyo, ug magtigom siya pag-usab kaninyo gikan sa tanang katawhan diin kamo gipatibulaag sa Ginoo nga inyong Dios.

Deuteronomio 7:21

Ayaw kamo kahadlok kanila kay ang Ginoo nga inyong Dios anaa sa taliwala ninyo, ang Dios nga dako ug makalilisang.

Mga Taga-Filipos 3:21

Siya mao ang mag-usab sa atong kabos nga lawas aron kini mahisama sa iyang mahimayaong lawas, pinaagi sa gahom nga nakahimo kaniyang takos bisan sa pagpailalom sa tanang butang sa iyang kaugalingon.

Mga Taga-Filipos 4:13

Mahimo nako ang tanang butang diha kaniya nga naglig-on kanako.

Mga Hebreo 11:19

Iyang giisip nga ang Dios makahimo pagbanhaw sa mga tawo gikan sa mga patay, nga tungod niana, sa sinambingay nga pagkasulti, iyang nadawat pagbalik si Isaac.

Mga Maghuhukom 13:3

Ug ang anghel sa Ginoo mipakita sa babaye, ug miingon kaniya, “Tan-awa, ikaw dili makaanak ug walay anak apan magsamkon ikaw ug manganak ug usa ka anak nga lalaki.

1 Samuel 14:6

Unya si Jonatan miingon ngadto sa batan-ong lalaki nga maoy nagdala sa iyang hinagiban, “Tana, mangadto kita sa kampo sa mga dili tinuli, basin ug ang Ginoo molihok alang kanato kay walay makapugong sa Ginoo sa pagluwas pinaagi sa daghan o pinaagi sa diyotay.”