Genesis 17:9

Ang Biblia 2011

Ang Dios miingon usab kang Abraham, “Mahitungod kanimo, ampingi ang akong kasabotan, ikaw ug ang imong kaliwatan nga sunod kanimo, hangtod sa ilang mga kaliwatan.

Cross References

Genesis 17:23

Unya si Abraham mikuha kang Ismael nga iyang anak ug sa tanan nga mga ulipon nga natawo sa iyang balay, ug sa tanan nga iyang pinalit, ang tanan nga lalaki sa mga tawo sa balay ni Abraham. Ug gituli niya ang unod sa ilang yamis niadto gayong adlawa, sumala sa giingon sa Dios kaniya.

Genesis 18:19

Dili, kay gipili nako siya aron magsugo sa iyang mga anak ug panimalay nga sunod kaniya aron magsubay sila sa dalan sa Ginoo, pinaagi sa pagbuhat sa pagkamatarong ug sa hustisya, aron ang Ginoo magpadangat kang Abraham niadtong gisaad kaniya.”

Salmo 103:18

ngadto kanila nga nagtuman sa iyang kasabotan ug nahinumdom sa pagbuhat sa iyang kasugoan.

Salmo 25:10

Ang tanang agianan sa Ginoo gugmang walay paglubad ug pagkamatinud-anon, alang niadtong nagtuman sa iyang kasabotan ug sa iyang mga pagpamatuod.

Exodo 19:5

Busa karon, kon magtuman kamo sa akong tingog ug magsubay sa akong kasabotan kaninyo, kamo mahimo nga akong kaugalingong bahandi taliwala sa tanang katawhan kay ang tibuok kalibotan akoa man.