Genesis 17:8

Ang Biblia 2011

Ug ihatag nako nganha kanimo ug sa imong kaliwatan nga sunod kanimo ang yuta diin ikaw milangyaw, ang tibuok nga yuta sa Canaan aron mapanag-iya ninyo sa dayon, ug ako mahimo nga ilang Dios.”

Cross References

Genesis 12:7

Unya, ang Ginoo mipakita kang Abram ug miingon kaniya, “Sa imong kaliwat ihatag nako kining yutaa.” Ug nagtukod siya didto ug usa ka halaran alang sa Ginoo nga nagpakita kaniya.

Genesis 13:15

Kay ang tanang yuta nga imong nakita, ihatag nako kanimo ug sa imong kaliwatan hangtod sa kahangtoran.

Genesis 13:17

Tindog, lakaw sa gitas-on ug sa gilapdon niini nga yuta kay ihatag ko kini kanimo.”

Genesis 23:4

“Langyaw ako ug dumuduong sa taliwala ninyo. Hatagi ako ninyo ug luna nga kalubngan nako sa akong minatay nga layo sa akong panan-aw.”

Genesis 26:24

Ug mipakita kaniya ang Ginoo niadtong gabhiona ug miingon, “Ako mao ang Dios ni Abraham nga imong amahan. Ayaw kahadlok kay ako nag-uban kanimo ug ikaw panalanginan nako, ug padaghanon nako ang imong mga kaliwat tungod kang Abraham nga akong sulugoon.”

Genesis 28:4

Ihatag unta niya ang panalangin ni Abraham nganha kanimo ug sa imong kaliwat uban kanimo aron mapanununod nimo ang yuta nga imong gilangyawan nga gihatag sa Dios kang Abraham.”

Genesis 35:27

Ug miadto si Jacob kang Isaac nga iyang amahan didto sa Mamre, sa lungsod sa Kiriat-arba nga mao ang Hebron, diin mipuyo si Abraham ug si Issac.

Genesis 36:7

Kay ang ilang kabtangan hilabihan ka daghan kon mag-usa sila sa pagpuyo, ug ang yuta nga ilang gilangyawan dili makapaigo kanila tungod sa ilang mga baka.

Genesis 37:1

Si Jacob nagpuyo sa yuta nga gilangyawan sa iyang amahan, sa yuta sa Canaan.

Genesis 48:4

Ug siya miingon kanako, ‘Tan-awa, ikaw himoon nako nga mabungahon, ug ikaw akong padaghanon ug himoon nga usa ka panon sa mga katawhan. Ug ihatag ko kining yutaa sa imong mga kaliwat nga mosunod kanimo ingon nga panulundon nga dayon.’

2 Samuel 23:5

Oo, dili ba ingon niini ang pagbarog sa akong balay uban sa Dios? Kay siya naghimo uban kanako sa usa ka walay kataposan nga kasabotan, maayong pagkahan-ay ug dili mausab. Kay dili ba niya palamboon ang tanan nakong tabang ug tinguha?

1 Cronicas 16:18

nga nag-ingon, “Kanimo ihatag nako ang yuta sa Canaan ingon nga imong bahin nga panulundon.”

Salmo 103:17

Apan ang gugmang walay paglubad sa Ginoo naggikan sa walay sinugdan hangtod sa walay kataposan ngadto kanila nga may kahadlok kaniya, ug ang iyang pagkamatarong ngadto sa mga anak sa mga anak;

Salmo 105:11

nga nag-ingon, “Kanimo ihatag nako ang yuta sa Canaan, ingon nga inyong bahin nga panulondon.”

Salmo 105:9

ang kasabotan nga iyang gihimo uban kang Abraham, ang iyang gipanumpa nga saad ngadto kang Isaac,

Exodo 13:11

“Sa dihang dad-on na kamo sa Ginoo ngadto sa yuta sa mga Canaanhon, ingon sa iyang gipanumpa kaninyo ug sa inyong mga katigulangan, ug ihatag kini nganha kaninyo,

Exodo 21:6

dad-on siya sa iyang agalon ngadto sa Dios, ug dad-on siya sa agalon ngadto sa pultahan o sa haligi sa pultahan ug lungagan sa iyang agalon ang iyang dalunggan pinaagi sa usa ka tusok, ug siya mag-alagad sa iyang agalon sa tibuok niyang kinabuhi.

Exodo 29:45

Ug mopuyo ako uban sa katawhan sa Israel ug mahimo ako nga ilang Dios.

Exodo 32:13

Hinumdomi si Abraham, si Isaac ug si Israel nga imong mga alagad, nga imong gipanumpaan sa imong kaugalingon, ug ikaw miingon kanila, ‘Padaghanon nako ang inyong kaliwat sama sa mga bituon sa langit ug kining tibuok nga yuta nga akong gisaad, akong ihatag sa inyong kaliwatan, ug sila makapanunod niini hangtod sa kahangtoran.’ ”

Exodo 40:15

Dihogi sila sama sa pagdihog nimo sa ilang amahan aron sila mag-alagad kanako ingon nga mga pari ug ang pagdihog kanila maghimo kanila nga pari sa dayon hangtod sa tanan nilang mga kaliwatan.”

Exodo 6:4

Gihimo usab nako ang akong kasabotan uban kanila, aron sa paghatag kanila sa yuta sa Canaan, ang yuta nga ilang gipuy-an ingon nga mga langyaw.

Exodo 6:7

Kuhaon ko kamo ingon nga akong katawhan ug ako mahimo nga inyong Dios. Ug kamo mahibalo nga ako, ang Ginoo nga inyong Dios, nagpagula kaninyo gikan sa mga kabug-at nga gipapas-an kaninyo sa mga Ehiptohanon.

Jeremias 25:5

sa pag-ingon, ‘Pamiya kamo karon, ang matag usa kaninyo gikan sa iyang daotang pamaagi, ug sayop nga mga binuhatan ug pamuyo kamo sa yuta nga gihatag sa Ginoo kaninyo ug sa inyong mga katigulangan, sukad sa kakaraanan ug hangtod sa kahangtoran;

Jeremias 31:1

“Nianang panahona, nag-ingon ang Ginoo, ako mahimong Dios sa tanang mga banay sa Israel, ug sila mahimo nga akong katawhan.”

Ezequiel 11:20

aron sila maglakaw diha sa akong mga lagda ug magtamod sa akong mga tulumanon ug magtuman niini, sila mahimo nga akong katawhan ug ako mahimo nga ilang Dios.

Ezequiel 33:24

“Anak sa tawo, ang mga nagpuyo nianang kamingawan sa yuta sa Israel nagpunay ug ingon, ‘Si Abraham usa lamang ka tawo, ug siya nakaangkon sa yuta, apan kita daghan, ang yuta gihatag gayod kanato aron mapanag-iya.’

Levitico 14:34

“Sa dihang mosulod kamo sa yuta sa Canaan nga akong gihatag kaninyo aron inyong mapanag-iya ug butangan nako ug agup-op ang usa ka balay sa yuta nga inyong napanag-iya,

Levitico 16:34

Kini mahimong lagda nga walay kataposan alang kaninyo, sa paghimo sa pagtabon sa sala alang sa katawhan sa Israel tungod sa tanan nilang mga sala, makausa sa matag tuig.” Ug gibuhat kini ni Moises sumala sa gisugo kaniya sa Ginoo.

Levitico 26:12

Ug maglakaw ako sa taliwala ninyo ug ako mahimong inyong Dios ug kamo mahimo nga akong katawhan.

Zacarias 8:8

ug sila dad-on nako aron magpuyo taliwala sa Jerusalem ug sila mahimong akong katawhan, ug ako mahimong ilang Dios, diha sa pagkamatinumanon ug diha sa pagkamatarong.”

Numeros 10:29

Ug si Moises miingon kang Hobab, ang anak ni Reuel nga Midianhon ug ugangan ni Moises, “Kami manglakaw padulong sa dapit nga giingon sa Ginoo, ‘Ihatag ko kini kaninyo.’ Uban kanamo ug magbuhat kami ug maayo kanimo kay ang Ginoo nagsulti ug maayo mahitungod sa Israel.”

Numeros 25:13

ug kini alang kaniya ug sa iyang kaliwat nga mosunod kaniya, ang kasabotan sa pagkapari nga walay kataposan tungod kay siya adunay kainit alang sa Dios, ug naghimo ug pagtabon sa sala alang sa katawhan sa Israel.’ ”

Numeros 27:12

Ang Ginoo miingon kang Moises, “Tungas niining bukira sa Abarim ug tan-awa ang yuta nga akong gihatag sa katawhan sa Israel.

Mga Buhat 7:5

Apan wala niya siya hatagi ug panulundon dinhi bisan na lang ug igong katumban sa tiil, apan nagsaad nga ihatag kini ngadto kaniya ingon nga iyaha ug ngadto sa iyang kaliwatan nga mosunod kaniya, bisan pa ug wala siyay anak.

Deuteronomio 14:2

Kay kamo usa ka katawhan nga balaan ngadto sa Ginoo nga inyong Dios ug ang Ginoo nagpili kaninyo aron mahimo nga usa ka katawhan alang sa iyang kaugalingong pagpanag-iya gikan sa tanan nga mga katawhan nga anaa sa ibabaw sa nawong sa yuta.

Deuteronomio 26:18

Ug ang Ginoo nagsulti niining adlawa nga kamo mao ang katawhan alang kaniya sumala sa iyang gisaad kaninyo ug nga kinahanglang magtuman kamo sa tanan niyang sugo

Deuteronomio 29:13

aron siya maglig-on kaninyo niining adlawa ingon nga iyang katawhan ug nga siya mahimo nga inyong Dios sumala sa iyang gisaad kaninyo, ug ingon nga siya nanumpa sa inyong katigulangan, ngadto kang Abraham, kang Isaac ug kang Jacob.

Deuteronomio 32:49

“Tungasa kining bukira sa Abarim, ang bukid sa Nebo nga anaa sa yuta sa Moab, atbang sa Jerico, ug tan-awa ang yuta sa Canaan nga akong gihatag aron mapanag-iya sa katawhan sa Israel.

Deuteronomio 32:8

Sa diha nga gihatag sa Labing Halangdon ngadto sa mga nasod ang ilang panulundon, sa diha nga gibahinbahin niya ang mga anak sa mga tawo, gibutang niya ang mga utlanan sa mga katawhan sumala sa gidaghanon sa mga anak sa Dios.

Deuteronomio 34:4

Ug miingon kaniya ang Ginoo, “Kini mao ang yuta nga gipanumpa nako kang Abraham, kang Isaac ug kang Jacob, nga ako nag-ingon, ‘Ihatag nako kini sa imong kaliwatan.’ Gipatan-aw ko ikaw niini sa imong mga mata apan dili ikaw makaadto didto.”

Deuteronomio 4:37

Ug tungod kay siya nahigugma sa inyong mga katigulangan ug nagpili sa ilang kaliwatan sunod kanila ug nagpagula kaninyo uban kaniya gikan sa Ehipto, pinaagi sa iyang dakong gahom,

Deuteronomio 9:5

Dili tungod sa inyong pagkamatarong o sa pagkaligdong sa inyong kasingkasing nga makasulod kamo aron sa pagpanag-iya sa ilang yuta, kondili tungod sa pagkadaotan niining mga nasod nga ang Ginoo nga inyong Dios naghingilin kanila gikan sa inyong atubangan ug nga aron mapamatud-an niya ang pulong nga gipanumpa sa Ginoo sa inyong katigulangan, kang Abraham, kang Isaac ug kang Jacob.

Mga Hebreo 9:15

Busa siya mao ang tigpataliwala sa usa ka bag-ong kasabotan, aron ang mga gipanawag makadawat sa gisaad nga panulundon nga dayon, kay nahitabo man ang usa ka kamatayon nga nagtubos kanila gikan sa mga kalapasan nga nahimo ilalom sa unang kasabotan.

Josue 1:2

“Si Moises nga akong alagad, patay na, busa karon, tindog ug tabok niining Jordan, ikaw ug kining tanang katawhan, ngadto sa yuta nga akong ihatag kanila, ngadto sa katawhan sa Israel.

Gipadayag 21:7

Ang magmadaogon makapanunod niini ug ako mahimo nga iyang Dios ug siya mahimo nga akong anak.