Unya si Abraham mihapa sa yuta ug mikatawa, ug miingon sa iyang kaugalingon, “Sa lalaki nga usa na ka gatos ka tuig, matawo pa ba ang usa ka anak? Ug si Sarah nga 90 na ka tuig, manganak pa ba?”
Giyahat niya ang iyang mga mata, ug mitan-aw siya ug nakita niya nga dihay tulo ka tawo nga nagtindog atbang kaniya, ug sa iyang pagkakita kanila, midagan siya gikan sa pultahan sa iyang tolda aron sa pagtagbo kanila ug siya mihapa sa yuta.
Ug siya miingon, “Ako mao ang Dios sa imong amahan, ang Dios ni Abraham, ang Dios ni Isaac ug ang Dios ni Jacob.” Unya gitago ni Moises ang iyang nawong kay siya nahadlok nga motan-aw sa Dios.
Sama sa dagway sa bangaw nga anaa sa panganod sa adlaw nga may ulan, mao usab ang dagway sa kasanag nga naglibot. Ingon niini ang dagway sa himaya sa Ginoo. Ug sa diha nga nakita nako kini, ako mihapa ug nadungog nako ang usa ka tingog sa usa nga nagsulti.
Busa ako mitindog ug miadto sa kapatagan ug nakita nako ang himaya sa Ginoo didto, sama sa himaya nga akong nakita daplin sa suba sa Kebar, ug ako mihapa.
Ug samtang nanigbas sila, ug ako lamang ang nahibilin, ako mihapa ug mituaw, “Ah, Ginoong Dios! laglagon ba nimo ang tanan nga nahibilin sa Israel sa pagbubo nimo sa imong kaligutgot ngadto sa Jerusalem?”
Unya nadungog nako ang tingog sa iyang mga pulong ug sa pagkadungog nako sa tingog sa iyang mga pulong, nahinanok ako sa lalom nga pagkatulog nga ang akong nawong nagduko ngadto sa yuta.
Ug sila mihapa ug miingon “O Dios, ang Dios sa mga espiritu sa tanan nga unod, kon makasala ang usa ka tawo, masuko ba ikaw sa tibuok nga katilingban?”
Ug siya miingon, “Dili, apan ingon nga tigmando sa kasundalohan sa Ginoo, mianhi ako karon.” Ug si Josue mihapa sa yuta ug misimba ug miingon kaniya, “Unsa ba ang isugo sa akong agalon ngadto sa iyang ulipon?”
Sa pagkakita nako kaniya, natumba ako nga daw patay diha sa iyang tiilan. Ug gitapion niya kanako ang iyang tuo nga kamot ug miingon siya kanako, “Ayaw kahadlok! Ako mao ang sinugdan ug ang kataposan
Ug sa diha nga ang siga miutbo ngadto sa langit gikan sa halaran, ang anghel sa Ginoo mikayab diha sa siga sa halaran samtang si Manoa ug ang iyang asawa nagtan-aw, ug sila nanghapa sa yuta.
