Genesis 17:18

Ang Biblia 2011

Ug si Abraham miingon sa Dios, “O hinaot unta nga si Ismael mabuhi sa atubangan nimo!”

Cross References

Genesis 17:17

Unya si Abraham mihapa sa yuta ug mikatawa, ug miingon sa iyang kaugalingon, “Sa lalaki nga usa na ka gatos ka tuig, matawo pa ba ang usa ka anak? Ug si Sarah nga 90 na ka tuig, manganak pa ba?”

Genesis 17:19

Ug ang Dios miingon, “Dili, apan si Sarah nga imong asawa manganak ug usa ka batang lalaki, ug nganlan siya ug Isaac ug lig-onon nako ang akong kasabotan uban kaniya, usa ka kasabotan nga dayon alang sa iyang kaliwatan sunod kaniya.

Genesis 21:11

Ug ang maong butang nakapasubo pag-ayo kang Abraham tungod sa iyang anak.

Genesis 4:12

Sa dihang mag-ugmad ikaw sa yuta, dili na kini maghatag kanimo sa iyang kusog. Maglatagaw ug magtagotago ikaw sa kalibotan.”

Genesis 4:14

Giabog nimo ako niining adlawa gikan niining yutaa, ug ako matago gikan sa imong atubangan, maglatagaw ug magtagotago ako sa kalibotan ug mahitabo nga si bisan kinsa nga makakita kanako, mopatay kanako.”

Salmo 4:6

Daghan ang mga nag-ingon, “Makakita unta kami ug maayo! Ibanwag ang kahayag sa imong nawong ngari kanamo, O Ginoo!”

Salmo 41:12

Apan ikaw nagsapnay kanako tungod sa akong kaligdong, ug nagpahimutang kanako diha sa imong atubangan hangtod sa kahangtoran.

Isaias 59:2

apan ang inyong mga kasal-anan maoy nakapahimulag kaninyo ug sa inyong Dios, ug ang inyong mga sala nakapatago sa iyang nawong gikan kaninyo, nga tungod niana siya dili makadungog.

Jeremias 32:39

Hatagan nako sila ug usa ka kasingkasing ug usa ka dalan, aron sila mangahadlok kanako hangtod sa kahangtoran, alang sa ilang kaayohan ug sa kaayohan sa ilang mga anak sunod kanila.

Mga Buhat 2:39

Kay ang saad alang kaninyo ug sa inyong mga anak ug sa tanan nga atua sa layo, ang matag usa nga gitawag sa Ginoo nga atong Dios ngadto kaniya.”