Genesis 17:13

Ang Biblia 2011

Siya nga natawo sa imong balay ug siya nga inyong pinalit kinahanglang tulion. Ug ang akong kasabotan nga anaa sa inyong unod mahimong usa ka kasabotan nga walay kataposan.

Cross References

Genesis 14:14

Ug sa pagkadungog ni Abram nga ang iyang pag-umangkon nahimong binihag, gimandoan niya ang iyang mga binansay nga mga tawo nga nangatawo sa iyang panimalay, 318 ka buok ug ilang giagpas sila hangtod sa Dan.

Genesis 15:3

Ug si Abram miingon, “Tan-awa, wala nimo ako hatagi ug liwat. Ug ang ulipon nga natawo sa akong panimalay maoy mahimo nga akong manununod.”

Genesis 17:7

Ug himoon nako ang akong kasabotan tali kanako ug kanimo ug sa imong mga kaliwat sunod kanimo sa tanan nilang kaliwatan alang sa usa ka kasabotan nga dayon aron ako mahimong Dios nganha kanimo ug sa imong kaliwatan sunod kanimo.

Genesis 37:27

Ibaligya hinuon nato siya sa mga Ismaelinhon ug dili nato bakyawon ang atong mga kamot batok kaniya kay ato siyang igsoon, atong unod.” Ug mipatuo kaniya ang iyang mga igsoon.

Genesis 37:36

Ug si Jose gibaligya sa mga Medianhon didto sa Ehipto, ngadto kang Potifar, ang sinaligan sa Paraon ug kapitan sa mga bantay.

Genesis 39:1

Ug si Jose gidala ngadto sa Ehipto, ug si Potifar nga usa ka tinugyanan sa Paraon, ang kapitan sa mga bantay, usa ka Ehiptohanon, mipalit kaniya gikan sa mga Ismaelinhon nga maoy nagdala kaniya didto.

Genesis 9:16

Sa diha nga ang bangaw anaa sa panganod, tan-awon nako kini aron hinumdoman nako ang kasabotan nga dayon tali sa Dios ug sa tanang binuhat nga buhi, sa tanang matang sa unod nga anaa ibabaw sa yuta.”

Nehemias 5:5

Karon ang among unod sama sa unod sa among mga kaigsoonan, ang among mga anak sama sa ilang mga anak, gani gipugos namo ang among mga anak nga lalaki ug ang among mga anak nga babaye aron mahimong ulipon, ug ang uban sa among mga anak nga babaye naulipon na. Apan wala sa among gahom ang pagtabang niini kay laing mga tawo ang nanag-iya sa among kaumahan ug sa among kaparasan.”

Nehemias 5:8

ug ako miingon kanila, “Kami sumala sa among nahimo naglukat sa among mga kaigsoonan nga mga Judio nga gipamaligya ngadto sa mga nasod, apan kamo nagbaligya hinuon sa inyong mga kaigsoonan aron sila mabaligya nganhi kanamo!” Nangahilom sila ug wala makakita ug pulong nga ikasulti.

Exodo 12:44

Apan ang tanan nga ulipon nga pinalit ug salapi makakaon niini human nimo siya matuli.

Exodo 21:16

“Si bisan kinsa nga mangdagit ug tawo, ibaligya man kini niya o nakaplagan nga diha sa iyang mga kamot, kinahanglan nga patyon.

Exodo 21:2

Sa dihang mopalit kamo ug ulipon nga Hebreo, kinahanglan nga mag-alagad siya ug unom ka tuig, ug sa ikapito nga tuig mogawas siya nga walay bayad.

Exodo 21:4

Kon ang iyang agalon maghatag kaniya ug asawa ug kini manganak kaniya ug mga anak nga lalaki o mga anak nga babaye, ang iyang asawa ug ang iyang mga anak mapanag-iya sa iyang agalon, ug siya mogawas nga siya ra.

Levitico 22:11

Apan kon ang pari magpalit ug ulipon aron iyang panag-iyahon, ang ulipon makakaon niana ug ang mangatawo sulod sa iyang balay makakaon sa iyang pagkaon.

Mateo 18:25

ug kay dili man siya makabayad, ang iyang agalon nagsugo nga ibaligya siya, uban ang iyang asawa ug mga anak ug ang tanan niyang butang aron kabayran ang utang.