Genesis 17:12

Ang Biblia 2011

Ug ang bata nga walo na ka adlaw kinahanglang tulion, ang tanan nga lalaki sa tibuok ninyong kaliwatan nga natawo sa inyong balay o kadtong gipalit gikan kang bisan kinsa nga dumuduong nga dili imong kaliwat.

Cross References

Genesis 17:23

Unya si Abraham mikuha kang Ismael nga iyang anak ug sa tanan nga mga ulipon nga natawo sa iyang balay, ug sa tanan nga iyang pinalit, ang tanan nga lalaki sa mga tawo sa balay ni Abraham. Ug gituli niya ang unod sa ilang yamis niadto gayong adlawa, sumala sa giingon sa Dios kaniya.

Genesis 21:4

Ug gituli ni Abraham ang iyang anak nga si Isaac sa dihang walo na siya ka adlaw, sumala sa sugo sa Dios.

Exodo 12:44

Apan ang tanan nga ulipon nga pinalit ug salapi makakaon niini human nimo siya matuli.

Exodo 22:30

Buhata usab ninyo kini sa inyong mga baka ug sa inyong mga karnero. Pito ka adlaw nga magpabilin ang kamagulangan diha sa iyang inahan ug sa ikawalo nga adlaw, ihatag kini kanako.

Levitico 12:3

Ug sa ikawalo nga adlaw tulion ang unod sa yamis sa bata.

Lucas 1:59

Ug sa ikawalo nga adlaw sila nangabot aron sa pagtuli sa bata, ug nganlan unta nila siya ug Zacarias, sama sa iyang amahan.

Lucas 2:21

Sa milabay na ang walo ka adlaw, sa dihang gituli siya, ilang ginganlan siya ug Jesus, ang ngalan nga gihatag kaniya sa anghel sa wala pa siya isamkon.

Mga Buhat 7:8

Busa gihatag sa Dios kaniya ang kasabotan mahitungod sa pagtuli. Ug si Abraham nahimong amahan kang Isaac, ug kini iyang gituli sa ikawalo nga adlaw; ug si Isaac nahimong amahan kang Jacob ug si Jacob sa napulo ug duha ka patriarka.

Roma 2:28

Kay ang pagka-Judio dili diha sa dayag lamang o sa dayag nga pagtuli sa unod.

Mga Taga-Filipos 3:5

Gituli ako sa ikawalo nga adlaw, gikan sa kaliwatan ni Israel, sa banay ni Benjamin, Hebreo nga gikan sa mga Hebreo, sumala sa Balaod, usa ka Pariseo.