Genesis 17:11

Ang Biblia 2011

Busa kinahanglan nga tulion ang inyong yamis, ug kini mao ang timaan sa kasabotan tali kanako ug kaninyo.

Cross References

Genesis 9:12

Ug miingon ang Dios, “Kini mao ang timaan sa kasabotan nga akong gihimo tali kanako ug kaninyo ug sa tanan nga binuhat nga buhi nga anaa uban kaninyo, alang sa mga kaliwatan nga umaabot.

2 Samuel 3:14

Unya si David nagpadala ug mga sinugo ngadto kang Isboset nga anak ni Saul, nga nag-ingon, “Ihatag kanako ang akong asawa nga si Mical nga akong naasawa tungod sa usa ka gatos ka yamis sa mga Filistihanon.”

Exodo 12:48

Ug sa diha nga ang usa ka langyaw mopuyo uban kanimo ug magsaulog sa Pagsaylo ngadto sa Ginoo, ipatuli ang tanan niyang mga lalaki unya makaduol siya ug makasaulog niini, mahimo siyang sama sa usa ka lumad sa maong yuta. Apan walay si bisan kinsa nga dili tinuli nga makakaon niini.

Exodo 4:25

Unya si Zipora mikuha ug usa ka hait nga bato ug gituli niya ang iyang anak nga lalaki ug ang panit nga naputol gipahid niya sa tiil ni Moises ug miingon, “Sa pagkatinuod, ikaw usa ka bana sa dugo alang kanako!”

Mga Buhat 7:8

Busa gihatag sa Dios kaniya ang kasabotan mahitungod sa pagtuli. Ug si Abraham nahimong amahan kang Isaac, ug kini iyang gituli sa ikawalo nga adlaw; ug si Isaac nahimong amahan kang Jacob ug si Jacob sa napulo ug duha ka patriarka.

Roma 4:11

Gidawat niya ang pagtuli ingon nga usa ka ilhanan o silyo sa pagkamatarong nga iyang naangkon pinaagi sa pagtuo, bisan sa wala pa siya matuli. Kini aron mahimo siya nga amahan sa tanang magtutuo bisan ug dili tinuli ug aron maisip ngadto kanila ang pagkamatarong.

Deuteronomio 10:16

Busa putlia ninyo ang inyong mga kasingkasing ug ayaw na kamo pagpagahi.

Josue 5:3

Busa si Josue nagbuhat ug mga kutsilyo nga hait ug gituli niya ang katawhan sa Israel didto sa Gibeat-haaralot.