Genesis 17:10

Ang Biblia 2011

Kini mao ang akong kasabotan nga inyong ampingan, tali kanako ug kanimo ug sa imong kaliwatan nga sunod kanimo: Ang tanan ninyong mga lalaki kinahanglan nga tulion.

Cross References

Genesis 17:11

Busa kinahanglan nga tulion ang inyong yamis, ug kini mao ang timaan sa kasabotan tali kanako ug kaninyo.

Genesis 17:23

Unya si Abraham mikuha kang Ismael nga iyang anak ug sa tanan nga mga ulipon nga natawo sa iyang balay, ug sa tanan nga iyang pinalit, ang tanan nga lalaki sa mga tawo sa balay ni Abraham. Ug gituli niya ang unod sa ilang yamis niadto gayong adlawa, sumala sa giingon sa Dios kaniya.

Genesis 17:27

Ug ang tanan nga mga lalaki sa iyang balay, ang natawo sa iyang balay ug ang iyang pinalit gikan sa dumuduong, gituli sila uban kaniya.

Genesis 21:4

Ug gituli ni Abraham ang iyang anak nga si Isaac sa dihang walo na siya ka adlaw, sumala sa sugo sa Dios.

Genesis 34:15

Niini lamang nga paagi nga modawat kami kaninyo, nga kamo mahimong sama kanamo ug tulion ang tanan ninyong mga lalaki.

Genesis 34:22

Apan niining usa lamang ka paagi nga itugot niining mga tawhana nga sila magpuyo uban kanato, aron mahimo nga usa ka katawhan, nga ang tanang mga lalaki nato magpatuli, sama kanila nga mga tinuli.

Exodo 12:48

Ug sa diha nga ang usa ka langyaw mopuyo uban kanimo ug magsaulog sa Pagsaylo ngadto sa Ginoo, ipatuli ang tanan niyang mga lalaki unya makaduol siya ug makasaulog niini, mahimo siyang sama sa usa ka lumad sa maong yuta. Apan walay si bisan kinsa nga dili tinuli nga makakaon niini.

Exodo 4:25

Unya si Zipora mikuha ug usa ka hait nga bato ug gituli niya ang iyang anak nga lalaki ug ang panit nga naputol gipahid niya sa tiil ni Moises ug miingon, “Sa pagkatinuod, ikaw usa ka bana sa dugo alang kanako!”

Jeremias 4:4

Bag-oha ang inyong kaugalingon alang sa Ginoo, ug putlia ang inyong mga kasingkasing, O mga tawo sa Juda ug mga nagpuyo sa Jerusalem; kay tingali unya ug mogula ang akong kapungot sama sa kalayo ug mosunog nga walay makapalong niini, tungod sa kadaotan sa inyong mga binuhatan.”

Juan 7:22

Si Moises naghatag kaninyo sa pagtuli, dili tungod kay gikan kini kang Moises kondili gikan sa mga katigulangan, ug kamo nagtuli ug tawo sa adlaw nga igpapahulay.

Mga Buhat 7:8

Busa gihatag sa Dios kaniya ang kasabotan mahitungod sa pagtuli. Ug si Abraham nahimong amahan kang Isaac, ug kini iyang gituli sa ikawalo nga adlaw; ug si Isaac nahimong amahan kang Jacob ug si Jacob sa napulo ug duha ka patriarka.

Roma 2:28

Kay ang pagka-Judio dili diha sa dayag lamang o sa dayag nga pagtuli sa unod.

Roma 3:25

nga gitanyag sa Dios ingon nga halad aron mapasaylo ang sala pinaagi sa iyang dugo, halad nga dawaton pinaagi sa pagtuo. Kini maoy pagpakita sa pagkamatarong sa Dios, kay tungod sa pagkamainantoson sa Dios gisayloan niya ang kasal-anan nga nahimo kaniadto;

Roma 3:28

Kay maoy atong panghunahuna nga ang tawo himoong matarong pinaagi sa pagtuo, ug dili pinaagi sa pagtuman sa Balaod.

Roma 3:30

tungod kay usa ra man ang Dios ug iyang himoong matarong ang mga tinuli sumala sa ilang pagtuo ug ang mga dili tinuli tungod sa pagtuo.

Mga Taga-Galacia 3:28

Walay Judio o Grego, walay ulipon o gawasnon, walay lalaki o babaye, kay kamong tanan usa ra diha kang Cristo Jesus.

Mga Taga-Galacia 6:12

Sila nga nagtinguha sa paghimo ug maayong pagpasundayag sa unod mao ang buot magpugos kaninyo sa pagpatuli ug kini aron lamang nga sila dili lutoson tungod sa krus ni Cristo.

Mga Taga-Efeso 2:11

Busa hinumdomi ninyo nga kaniadto kamo mga Gentil sa unod, gitawag nga mga dili tinuli niadtong gitawag nga mga tinuli diha sa unod pinaagi sa mga kamot,

Deuteronomio 10:16

Busa putlia ninyo ang inyong mga kasingkasing ug ayaw na kamo pagpagahi.

Deuteronomio 30:6

Ug ang Ginoo nga inyong Dios magbag-o sa inyong kasingkasing ug sa kasingkasing sa inyong kaliwatan aron inyong higugmaon ang Ginoo nga inyong Dios sa tibuok ninyong kasingkasing ug sa tibuok ninyong kalag aron mabuhi kamo.

Mga Taga-Filipos 3:3

Kay kita mao ang mga tinuli, kita nagsimba sa Espiritu sa Dios, ug nagpasigarbo diha kang Cristo Jesus ug wala magsalig sa unod.

Josue 5:2

Niadtong panahona ang Ginoo miingon kang Josue, “Pagbuhat ug hait nga mga kutsilyo ug tulia pag-usab ang katawhan sa Israel sa ikaduhang higayon.”

Josue 5:4

Mao kini ang hinungdan ngano nga gituli sila ni Josue: ang tanang mga lalaki sa katawhan nga nanggula gikan sa Ehipto, ang mga lalaki nga manggugubat nangamatay sa dalan sa kamingawan human sila makagula gikan sa Ehipto.