Genesis 16:8

Ang Biblia 2011

Ug siya miingon, “Hagar, ulipon ni Sarai, diin ka gikan ug asa ka paingon?” Ug siya mitubag, “Mikagiw ako gikan kang Sarai nga akong agalon.”

Cross References

Genesis 16:1

Unya si Sarai nga asawa ni Abram wala makaanak alang kaniya. Siya may usa ka ulipon nga babaye nga Ehiptohanon nga ginganlan ug Hagar.

Genesis 16:4

Ug siya misulod ngadto kang Hagar ug siya nagsamkon. Ug sa pagkakita ni Hagar nga nagsamkon siya, gitan-aw niya ang iyang agalon nga babaye uban ang pagtamay.

Genesis 16:9

Ug ang anghel sa Ginoo miingon kaniya, “Balik ngadto sa imong agalon nga babaye ug pagpailalom kaniya.”

Genesis 21:17

Ug nadungog sa Dios ang tingog sa bata ug ang anghel sa Dios mitawag kang Hagar gikan sa langit, ug miingon kaniya, “Unsay nakapaguol kanimo, Hagar? Ayaw kahadlok, kay ang Dios nakadungog sa tingog sa bata diin atua siya.

Genesis 3:9

Apan ang Ginoong Dios mitawag sa tawo ug miingon kaniya, “Hain ka?”

Genesis 4:10

Ug ang Ginoo miingon, “Unsa man ang imong gibuhat? Ang tingog sa dugo sa imong igsoon nagtuaw kanako gikan sa yuta.

1 Mga Hari 19:13

Ug sa pagkadungog ni Elias niini, iyang gitabonan ang iyang nawong sa iyang kupo ug migula ug mitindog sa baba sa langob. Ug dihay miabot nga usa ka tingog ug miingon, “Unsay imong gibuhat dinhi, Elias?”

1 Mga Hari 19:9

Ug siya miadto sa usa ka langob ug mipahulay didto, ug unya ang pulong sa Ginoo midangat kaniya ug siya miingon kaniya, “Unsay imong gibuhat dinhi, Elias?”

2 Mga Hari 5:25

Unya misulod siya ug mitindog sa atubangan sa iyang agalon. Ug si Eliseo miingon kaniya, “Diin ka man gikan, Gihasi?” Ug siya miingon, “Ang imong sulugoon wala molakaw sa laing dapit.”

Ecclesiastes 10:4

Kon ang kasuko sa pangulo moalsa batok kanimo, ayaw biyai ang imong dapit; kay ang kabugnaw sa buot makapakunhod sa dagkong kasaypanan.

Mga Maghuhukom 19:17

Ug giyahat niya ang iyang mga mata ug nakita niya ang langyaw nga tawo didto sa plasa sa siyudad ug ang tigulang nga tawo miingon, “Asa man ikaw paingon ug diin ikaw gikan?”

1 Samuel 26:19

Busa karon, papamatia ang akong agalon nga hari sa mga pulong sa iyang sulugoon. Kon ang Ginoo mao ang nag-aghat kanimo batok kanako, dawaton unta niya ang usa ka halad, apan kon ang mga tawo, tunglohon unta sila sa atubangan sa Ginoo, kay ako ilang gipapahawa niining adlawa aron nga ako dili mabahinan sa panulundon sa Ginoo, ug sila nag-ingon, ‘Lakaw, pag-alagad ug laing mga dios.’