Genesis 16:6

Ang Biblia 2011

Apan si Abram miingon kang Sarai, “Tan-awa, ang imong ulipon nga babaye ubos sa imong gahom, buhata kaniya ang makalipay kanimo.” Ug si Sarai midaogdaog kaniya pag-ayo ug mikagiw siya gikan kaniya.

Cross References

Genesis 16:9

Ug ang anghel sa Ginoo miingon kaniya, “Balik ngadto sa imong agalon nga babaye ug pagpailalom kaniya.”

Genesis 24:10

Unya ang ulipon mikuha ug napulo ka kamilyo sa iyang agalon ug milakaw. Nagdala siya sa tanang matang sa mga piniling gasa gikan sa bahandi sa iyang agalon. Ug migikan siya ug miadto sa Mesopotamia, ngadto sa lungsod ni Nahor.

Job 2:6

Ang Ginoo miingon kang Satanas, “Tan-awa, anaa siya sa imong gahom, ilikay lamang ang iyang kinabuhi.”

Exodo 2:15

Ug sa pagkadungog sa Paraon mahitungod niini, nagtinguha siya sa pagpatay kang Moises. Apan si Moises mikagiw gikan sa Paraon ug mipuyo sa yuta sa Midian. Ug milingkod siya duol sa usa ka atabay.

Mga Panultihon 14:29

Siya nga hinay sa pagkasuko adunay dakong pagpanabot, apan ang madalidalion sa pagkasuko nagpasidungog sa kabuang.

Mga Panultihon 15:1

Ang tubag nga malumo makapahupay sa kasuko, apan ang pulong nga hait makapahagit sa kasuko.

Mga Panultihon 27:8

Sama sa usa ka langgam nga nasaag gikan sa iyang salag ang usa ka tawo nga nasaag gikan sa iyang balay.

Mga Panultihon 29:19

Ang usa ka sulugoon dili mapanton pinaagi sa mga pulong lamang, kay bisan pa kon makasabot siya, dili siya mamati.

Ecclesiastes 10:4

Kon ang kasuko sa pangulo moalsa batok kanimo, ayaw biyai ang imong dapit; kay ang kabugnaw sa buot makapakunhod sa dagkong kasaypanan.

Jeremias 38:5

Si Hari Zedekias miingon, “Tan-awa, siya anaa sa inyong kamot kay ang hari dili makabuhat ug bisan unsa batok kaninyo.”

Josue 9:25

Ug karon, tan-awa, ania kami sa inyong mga kamot, buhata sumala sa inyong gihunahuna ang maayo ug matarong sa imong panan-aw nga buhaton kanamo.”

1 Pedro 3:7

Kamo usab nga mga bana, sa dihang magpuyo kamo uban sa inyong mga asawa sumala sa kahibalo, ingon nga siya binuhat nga huyang kay kanimo, pasidunggi siya ingon nga isigkamanununod sa gasa sa kinabuhi, aron dili kababagan ang inyong mga pag-ampo.