Genesis 16:4

Ang Biblia 2011

Ug siya misulod ngadto kang Hagar ug siya nagsamkon. Ug sa pagkakita ni Hagar nga nagsamkon siya, gitan-aw niya ang iyang agalon nga babaye uban ang pagtamay.

Cross References

Genesis 16:3

Busa si Sarai nga asawa ni Abram mikuha kang Hagar nga iyang ulipon nga Ehiptohanon, ug gipaasawa siya kang Abram nga iyang bana. Kini nahitabo human si Abram makapuyo ug napulo ka tuig sa yuta sa Canaan.

Genesis 16:5

Unya si Sarai miingon kang Abram, “Ang sayop maanaa unta kanimo. Akong gihatag ang akong ulipon nga babaye sa imong mga bukton, ug sa pagkakita niya nga nagsamkon na siya, gitan-aw niya ako uban ang pagtamay. Maghukom unta ang Ginoo tali kanako ug kanimo.”

Genesis 19:31

Ug ang magulang miingon sa manghod, “Ang atong amahan tigulang na, ug walay lalaki sa yuta nga moduol kanato ingon sa nabatasan sa tibuok nga yuta.

Genesis 21:9

Nakita ni Sarah nga ang anak ni Hagar nga Ehiptohanon, nga iyang gipanganak kang Abraham, nagduladula uban sa iyang anak nga si Isaac.

Genesis 30:4

Busa iyang gihatag kaniya si Bilha nga iyang ulipon aron maasawa ug si Jacob misulod ngadto kaniya.

2 Samuel 6:16

Sa diha nga ang sudlanan sa kasabotan sa Ginoo miabot na sa siyudad ni David, si Mical nga anak ni Saul milantaw sa bintana ug nakakita kang Hari David nga nagluksolukso ug nagsayaw sa atubangan sa Ginoo ug siya mitamay kaniya sulod sa iyang kasingkasing.

Mga Panultihon 30:23

ang usa ka babaye nga wala higugmaa sa dihang makapamana siya ug ang usa ka sulugoon nga babaye sa dihang mopuli siya sa iyang agalon nga babaye.

1 Mga Taga-Corinto 4:6

Karon kining tanan, mga igsoon, akong gibutang sa akong kaugalingon ug kang Apolos tungod ug alang kaninyo aron nga pinaagi kanamo kamo makakat-on sa mga butang nga dili lapas sa unsay nasulat, aron wala kaninyoy manghambog alang sa usa batok sa usa.