Genesis 16:3

Ang Biblia 2011

Busa si Sarai nga asawa ni Abram mikuha kang Hagar nga iyang ulipon nga Ehiptohanon, ug gipaasawa siya kang Abram nga iyang bana. Kini nahitabo human si Abram makapuyo ug napulo ka tuig sa yuta sa Canaan.

Cross References

Genesis 16:16

Ug ang panuigon ni Abram 86 ka tuig sa pagpanganak ni Hagar kang Ismael.

Genesis 16:4

Ug siya misulod ngadto kang Hagar ug siya nagsamkon. Ug sa pagkakita ni Hagar nga nagsamkon siya, gitan-aw niya ang iyang agalon nga babaye uban ang pagtamay.

Genesis 16:5

Unya si Sarai miingon kang Abram, “Ang sayop maanaa unta kanimo. Akong gihatag ang akong ulipon nga babaye sa imong mga bukton, ug sa pagkakita niya nga nagsamkon na siya, gitan-aw niya ako uban ang pagtamay. Maghukom unta ang Ginoo tali kanako ug kanimo.”

Genesis 21:21

Ug nagpuyo siya sa kamingawan sa Paran ug ang iyang inahan nagpili alang kaniya ug usa ka asawa gikan sa yuta sa Ehipto.

Genesis 25:6

Apan ngadto sa mga anak nga lalaki sa iyang mga puyopuyo, si Abraham mihatag kanila ug mga gasa. Ug sa dihang buhi pa siya gipalakaw niya sila layo kang Isaac nga iyang anak, ngadto sa silangan nga kayutaan.

Genesis 28:9

Busa miadto si Esau kang Ismael ug nangasawa ug dugang sa iyang mga asawa, kang Mahalat nga anak ni Ismael nga anak ni Abraham, ug igsoon nga babaye ni Nebaiot.

Genesis 30:4

Busa iyang gihatag kaniya si Bilha nga iyang ulipon aron maasawa ug si Jacob misulod ngadto kaniya.

Genesis 30:9

Sa pagtan-aw ni Lea nga mihunong na siya sa pagpanganak, iyang gikuha si Zilpa nga iyang ulipon nga babaye ug iyang gipaasawa kang Jacob.

Genesis 32:22

Niadtong gabhiona nangandam siya ug gikuha niya ang iyang duha ka asawa, ug ang iyang duha ka sulugoon nga babaye ug ang iyang napulo ug usa ka anak ug mitabok sa labnganan sa Jabok.

Genesis 35:22

Samtang nagpuyo si Israel niadtong yutaa, si Ruben misulod ug mihigda uban kang Bilha nga puyopuyo sa iyang amahan ug nadunggan kini ni Israel. Ang mga anak nga lalaki ni Israel napulo ug duha.

2 Samuel 5:13

Unya si David mikuha ug dugang nga mga puyopuyo ug mga asawa alang kaniya gikan sa Jerusalem human siya moabot gikan sa Hebron, ug nadugangan ang iyang mga anak nga lalaki ug mga anak nga babaye nga nangatawo kang David.

1 Mga Hari 11:3

Ug aduna siyay pito ka gatos ka asawa nga mga princesa, ug tulo ka gatos ka mga puyopuyo, ug ang iyang mga asawa nakapasimang sa iyang kasingkasing.

Mga Taga-Galacia 4:25

Ug si Hagar mao ang Bukid sa Sinai sa Arabia. Kini siya natukma sa Jerusalem nga mao karon, tungod kay siya naulipon man karon kauban sa iyang mga anak.