Genesis 16:15

Ang Biblia 2011

Ug si Hagar nanganak ngadto kang Abram ug usa ka batang lalaki ug Ismael ang gingalan ni Abram sa iyang anak kang Hagar.

Cross References

Genesis 16:11

Ang anghel sa Ginoo miingon usab, “Tan-awa, ikaw nagsamkon, ug manganak ikaw ug usa ka batang lalaki, ug nganlan nimo siya ug Ismael kay gipatalinghogan sa Ginoo ang imong kagul-anan.

Genesis 16:14

Tungod niana ang atabay ginganlan ug Beer-lahai-roi, ug anaa kini sa taliwala sa Kades ug sa Bered.

Genesis 16:16

Ug ang panuigon ni Abram 86 ka tuig sa pagpanganak ni Hagar kang Ismael.

Genesis 17:18

Ug si Abraham miingon sa Dios, “O hinaot unta nga si Ismael mabuhi sa atubangan nimo!”

Genesis 17:20

Ug mahitungod usab kang Ismael, ikaw gipatalinghogan nako. Tan-awa panalanginan nako siya ug himoon nga mabungahon ug padaghanon sa hilabihan gayod. Mahimo siyang amahan sa napulo ug duha ka pangulo ug buhaton nako siya nga usa ka dakong nasod.

Genesis 25:12

Kini mao ang mga kaliwat ni Ismael, anak ni Abraham kang Hagar nga Ehiptohanon, ang ulipon nga babaye ni Sarah.

Genesis 25:9

Ug siya gilubong ni Isaac ug ni Ismael nga iyang mga anak didto sa langob sa Macpela, didto sa kapatagan ni Efron nga anak ni Zoar nga Hitihanon, sa silangan sa Mamre,

Genesis 28:9

Busa miadto si Esau kang Ismael ug nangasawa ug dugang sa iyang mga asawa, kang Mahalat nga anak ni Ismael nga anak ni Abraham, ug igsoon nga babaye ni Nebaiot.

Genesis 37:27

Ibaligya hinuon nato siya sa mga Ismaelinhon ug dili nato bakyawon ang atong mga kamot batok kaniya kay ato siyang igsoon, atong unod.” Ug mipatuo kaniya ang iyang mga igsoon.

1 Cronicas 1:28

Ang mga anak nga lalaki ni Abraham mao si Isaac ug si Ismael.