Genesis 16:13

Ang Biblia 2011

Unya gitawag niya ang ngalan sa Ginoo nga nakigsulti kaniya, “Ikaw mao ang Dios nga nagtan-aw,” kay siya miingon, “Nakakita ba gayod ako sa Dios ug nagpabiling buhi human ako nakakita kaniya?”

Cross References

Genesis 16:7

Unya ang anghel sa Ginoo nakakita kaniya tupad sa usa ka tuboran sa tubig didto sa kamingawan, ang tuboran nga diha sa dalan paingon sa Sur.

Genesis 22:14

Busa ginganlan ni Abraham kadtong dapita nga “Ang Ginoo mag-andam”, ingon nga kini gisulti hangtod karon, “Sa bungtod sa Ginoo kini ihatag.”

Genesis 28:17

Ug nahadlok siya ug miingon, “Pagkamakalilisang niining dapita! Kini walay lain kondili ang balay sa Dios ug kini mao gayod ang ganghaan sa langit.”

Genesis 31:42

Kon ang Dios sa akong amahan, ang Dios ni Abraham, ug ang kahadlok ni Isaac wala pa mag-uban kanako, sa pagkatinuod, palakton unta nimo ako karon nga walay dala. Ang Dios nakakita sa akong kasakit ug sa kabudlay sa akong mga kamot ug ikaw gibadlong niya kagabii.”

Genesis 32:30

Ug ginganlan ni Jacob kadtong dapita ug Peniel, nga nag-ingon, “Nakita nako ang Dios sa nawong ug nawong ug nagpabilin ako nga buhi.”

Genesis 32:31

Ug nasidlakan siya sa adlaw sa iyang pagsaylo sa Peniel ug nagtakiang siya tungod sa iyang bat-ang.

Exodo 24:11

Ug wala niya bakyawa ang iyang mga kamot ngadto sa mga kadagkoan sa katawhan sa Israel, ug nakakita sila sa Dios ug nangaon sila ug nanginom.

Mga Panultihon 15:3

Ang mga mata sa Ginoo anaa sa tanang dapit, nagbantay sa daotan ug sa maayo.

Mga Panultihon 5:21

Kay ang mga dalan sa tawo anaa sa atubangan sa mga mata sa Ginoo ug nagbantay siya sa tanan niyang mga agianan.

Mga Maghuhukom 6:24

Unya si Gideon naghimo ug usa ka halaran didto alang sa Ginoo ug gitawag kini, Ang Ginoo mao ang kalinaw. Hangtod niining adlawa nagtindog pa kini didto sa Opra nga ila sa mga kaliwat ni Abieser.