Genesis 16:11

Ang Biblia 2011

Ang anghel sa Ginoo miingon usab, “Tan-awa, ikaw nagsamkon, ug manganak ikaw ug usa ka batang lalaki, ug nganlan nimo siya ug Ismael kay gipatalinghogan sa Ginoo ang imong kagul-anan.

Cross References

Genesis 17:19

Ug ang Dios miingon, “Dili, apan si Sarah nga imong asawa manganak ug usa ka batang lalaki, ug nganlan siya ug Isaac ug lig-onon nako ang akong kasabotan uban kaniya, usa ka kasabotan nga dayon alang sa iyang kaliwatan sunod kaniya.

Genesis 21:17

Ug nadungog sa Dios ang tingog sa bata ug ang anghel sa Dios mitawag kang Hagar gikan sa langit, ug miingon kaniya, “Unsay nakapaguol kanimo, Hagar? Ayaw kahadlok, kay ang Dios nakadungog sa tingog sa bata diin atua siya.

Genesis 37:25

Unya nanglingkod sila aron mangaon ug giyahat ang ilang mga mata ug nakita nila ang usa ka panon sa mga Ismaelinhon nga nagpadulong kanila gikan sa Gilead uban ang ilang mga kamilyo nga nagkarga ug mga tagok sa tanom, haplas ug mira nga dad-on nila padulong sa Ehipto.

Job 38:41

Kinsa ba ang nag-andam ug makaon alang sa uwak, sa diha nga ang iyang mga kuyabog nagsangpit sa Dios, ug nangasaag tungod sa kakulang sa pagkaon?

Salmo 22:24

Kay wala niya tamaya o kasilagi ang kagul-anan sa sinakit; wala usab niya tagoa ang iyang nawong gikan kaniya, apan nagpatalinghog siya sa diha nga nagtuaw siya ngadto kaniya.

Exodo 3:7

Unya ang Ginoo miingon, “Nakita nako ang kasakit sa akong katawhan nga atua sa Ehipto ug nadungog nako ang ilang pagtuaw tungod sa mga tigdumala sa buhat ug nahibaloan nako ang ilang kasakitan.

Exodo 3:9

Ug karon ang pagtuaw sa katawhan sa Israel miabot kanako ug nakita nako kon giunsa sila pagdaogdaog sa mga Ehiptohanon.

Isaias 7:14

Busa ang Ginoo gayod maoy maghatag kaninyo ug usa ka ilhanan. Tan-awa, ang usa ka batan-ong babaye magsamkon, ug manganak ug usa ka batang lalaki, ug tawgon ang iyang ngalan ug Emmanuel.

Lucas 1:13

Apan ang anghel miingon kaniya, “Ayaw kahadlok, Zacarias, kay ang imong pag-ampo gidungog, ug si Elisabet nga imong asawa manganak ug usa ka batang lalaki alang kanimo, ug nganlan nimo siya ug Juan.

Lucas 1:31

Ug ikaw magsamkon ug manganak ug usa ka batang lalaki, ug siya imong nganlan ug Jesus.

Lucas 1:63

Unya si Zacarias nangayo ug sulatanan ug gisulat niya kini, “Ang iyang ngalan si Juan.” Ug nahibulong silang tanan.

1 Samuel 1:20

Sa pag-abot sa tukmang panahon, si Hana nanamkon ug nanganak ug usa ka batang lalaki nga ginganlan niya ug Samuel, tungod kay siya miingon, “Gipangayo nako kining bataa sa Ginoo.”