Genesis 15:9

Ang Biblia 2011

Ug siya miingon kaniya, “Dad-i ako ug usa ka baye nga nating baka nga tulo na ka tuig, usa ka kanding nga baye nga tulo na ka tuig, usa ka karnero nga laki nga tulo na ka tuig, usa ka tukmo ug usa ka salampati nga bata pa.”

Cross References

Genesis 15:10

Ug gidala kining tanan ni Abram ngadto kaniya ug gipikas ug gibutang tupad sa usa ug usa apan wala niya pikasa ang mga langgam.

Genesis 15:8

Apan siya miingon, “O Ginoong Dios, unsaon man nako pagkasayod nga maako kini?”

Genesis 22:13

Unya giyahat ni Abraham ang iyang mga mata ug siya mitan-aw, ug iyang nakita nga sa iyang likod dihay usa ka laking karnero nga ang mga sungay nasangit sa kasampinitan. Ug miadto si Abraham ug gikuha niya ang karnero nga laki ug kini iyang gihalad ingon nga halad nga sunogon puli sa iyang anak.

Salmo 50:5

“Tigoma ang akong mga balaan nganhi kanako, kadtong mga naghimo ug kasabotan uban kanako pinaagi sa halad!”

Awit sa mga Awit 2:12

Ang kabulakan nanungha ibabaw sa yuta, ang panahon sa pag-awit miabot na, ug ang tingog sa tukmo nadungog dinhi sa atong yuta.

Isaias 15:5

Ang akong kasingkasing nagtuaw alang sa Moab; ang iyang mga kagiw nangikyas ngadto sa Zoar, sa Eglat-selisiya. Kay diha sa tungasan sa Luhit sila mitungas nga naghilak; sa agianan sa Horonaim sila mipatugbaw ug usa ka pagtuaw sa kalaglagan;

Levitico 1:10

“Kon ang iyang halad alang sa halad nga sunogon gikan sa panon, sa mga karnero o sa mga kanding, ang iyang ihalad laki nga walay tatsa.

Levitico 1:14

“Kon ang iyang halad alang sa Ginoo usa ka halad nga sunogon nga mga langgam, kinahanglan nga ang iyang ihalad tukmo o mga kuyabog sa salampati.

Levitico 1:3

“Kon ang iyang halad usa ka halad nga sunogon nga gikan sa mga baka, ihalad niya ang usa ka laki nga walay tatsa, ihalad niya kini didto sa pultahan sa tolda nga tagboanan aron siya dawaton sa atubangan sa Ginoo.

Levitico 12:6

“Kon ang mga adlaw sa pagputli kaniya matuman na, tungod ba sa anak nga lalaki o tungod sa anak nga babaye, kinahanglang magdala siya ug usa ka nating karnero nga usa ka tuig ang kagulangon ingon nga halad nga sunogon, ug usa ka kuyabog sa salampati o usa ka tukmo ingon nga halad tungod sa sala. Dad-on kini ngadto sa pultahan sa tolda nga tagboanan ngadto sa pari.

Levitico 12:8

Kon dili siya makaabot sa pagdala ug usa ka nating karnero, magdala siya ug duha ka tukmo o duha ka kuyabog sa salampati, ang usa alang sa halad nga sunogon ug ang usa sa halad tungod sa sala. Ug ang pari maghimo sa pagtabon sa sala alang kaniya ug mahinlo siya.”

Levitico 14:22

ug duha ka tukmo o duha ka kuyabog sa salampati nga iyang maabot, ang usa alang sa halad tungod sa sala ug ang usa alang sa halad nga sunogon.

Levitico 14:30

Ihalad usab niya ang usa sa mga tukmo o sa mga kuyabog sa salampati sumala sa iyang maabot,

Levitico 3:1

“Kon ang iyang halad usa ka inihaw nga halad sa pakigdait, kon siya maghalad gikan sa panon sa mga baka, laki o baye, maoy ihalad niya ang walay tatsa sa atubangan sa Ginoo.

Levitico 3:6

“Kon ang iyang halad inihaw nga halad sa pakigdait alang sa Ginoo gikan sa panon sa karnero, laki o baye, ihalad niya kini nga walay tatsa.

Levitico 9:2

Ug siya miingon kang Aaron, “Pagkuha ug usa ka nating baka nga laki alang sa halad tungod sa sala ug usa ka laking karnero alang sa halad nga sunogon, ang duha walay tatsa, ug ihalad kini sa atubangan sa Ginoo.

Levitico 9:4

ug usa ka baka ug usa ka laking karnero alang sa mga halad sa pakigdait nga ihawon ninyo sa atubangan sa Ginoo, ug usab usa ka halad nga pagkaon nga sinagolan ug lana, kay ang Ginoo magpakita karon kaninyo.’ ”

Lucas 2:24

ug maghatag sila ug halad sumala sa giingon sa balaod sa Ginoo, “usa ka parisan nga tukmo, o duha ka salampati nga kuyabog.”