Genesis 15:7

Ang Biblia 2011

Ug siya miingon kaniya, “Ako mao ang Ginoo nga nagdala kanimo gikan sa Ur sa mga Caldeanhon aron sa paghatag kanimo niining yutaa, ug maimo kini.”

Cross References

Genesis 12:1

Unya ang Ginoo miingon kang Abram, “Lakaw gikan sa imong yuta ug gikan sa imong kadugo ug sa balay sa imong amahan ngadto sa yuta nga akong ipakita kanimo.

Genesis 12:7

Unya, ang Ginoo mipakita kang Abram ug miingon kaniya, “Sa imong kaliwat ihatag nako kining yutaa.” Ug nagtukod siya didto ug usa ka halaran alang sa Ginoo nga nagpakita kaniya.

Genesis 28:4

Ihatag unta niya ang panalangin ni Abraham nganha kanimo ug sa imong kaliwat uban kanimo aron mapanununod nimo ang yuta nga imong gilangyawan nga gihatag sa Dios kang Abraham.”

Genesis 50:24

Ug si Jose miingon sa iyang mga igsoon nga lalaki, “Hapit na ako mamatay apan ang Dios magduaw kaninyo ug magdala kaninyo gikan niining yutaa ngadto sa yuta nga gisaad niya kang Abraham, kang Isaac ug kang Jacob.”

Salmo 105:11

nga nag-ingon, “Kanimo ihatag nako ang yuta sa Canaan, ingon nga inyong bahin nga panulondon.”

Salmo 105:42

Kay nahinumdom siya sa iyang balaan nga saad, ug kang Abraham nga iyang alagad.

Salmo 105:44

Iyang gihatag kanila ang mga yuta sa kanasoran, ug gipanag-iya nila ang mga bunga sa paghago sa mga katawhan,

Exodo 32:13

Hinumdomi si Abraham, si Isaac ug si Israel nga imong mga alagad, nga imong gipanumpaan sa imong kaugalingon, ug ikaw miingon kanila, ‘Padaghanon nako ang inyong kaliwat sama sa mga bituon sa langit ug kining tibuok nga yuta nga akong gisaad, akong ihatag sa inyong kaliwatan, ug sila makapanunod niini hangtod sa kahangtoran.’ ”

Numeros 33:53

ug panag-iyahon ninyo ang yuta ug magpuyo didto kay gihatag na nako ang yuta aron inyong panag-iyahon.

Roma 4:13

Ang saad ngadto kang Abraham ug sa iyang mga kaliwat, nga sila manununod sa kalibotan, wala moabot pinaagi sa Balaod kondili pinaagi sa pagkamatarong sa pagtuo.

Deuteronomio 3:18

“Ug niadtong panahona nagsugo ako kaninyo nga nag-ingon, ‘Ang Ginoo nga inyong Dios mihatag kaninyo niining yutaa aron inyong mapanag-iya. Kinahanglan nga ang tanang tawo nga isog molabang nga sangkap sa hinagiban sa atubangan sa inyong mga kaigsoonan, ang katawhan sa Israel.

Deuteronomio 9:5

Dili tungod sa inyong pagkamatarong o sa pagkaligdong sa inyong kasingkasing nga makasulod kamo aron sa pagpanag-iya sa ilang yuta, kondili tungod sa pagkadaotan niining mga nasod nga ang Ginoo nga inyong Dios naghingilin kanila gikan sa inyong atubangan ug nga aron mapamatud-an niya ang pulong nga gipanumpa sa Ginoo sa inyong katigulangan, kang Abraham, kang Isaac ug kang Jacob.