Genesis 15:6

Ang Biblia 2011

Ug mituo siya sa Ginoo, ug kini giisip kaniya ingon nga pagkamatarong.

Cross References

Nehemias 9:8

Ug nakita nimo ang iyang kasingkasing nga matinumanon sa imong atubangan ug naghimo ikaw ug usa ka kasabotan uban kaniya sa paghatag sa yuta sa mga Canaanhon, sa mga Hitihanon, sa mga Amorihanon, sa mga Perisihanon, sa mga Jebusihanon ug sa mga Gergasihanon ngadto sa iyang mga kaliwat ug imong gituman ang imong mga saad kay ikaw matarong.

Salmo 106:31

Ug kadto giisip alang kaniya ingon nga pagkamatarong, gikan sa kaliwatan ngadto sa laing kaliwatan hangtod sa kahangtoran.

Roma 4:11

Gidawat niya ang pagtuli ingon nga usa ka ilhanan o silyo sa pagkamatarong nga iyang naangkon pinaagi sa pagtuo, bisan sa wala pa siya matuli. Kini aron mahimo siya nga amahan sa tanang magtutuo bisan ug dili tinuli ug aron maisip ngadto kanila ang pagkamatarong.

Roma 4:9

Kining maong kabulahanan, alang ba lamang sa mga tinuli o alang ba usab sa mga dili tinuli? Kita nag-ingon nga ang pagtuo giisip alang kang Abraham ingon nga pagkamatarong.

2 Mga Taga-Corinto 5:19

ingon nga ang Dios diha kang Cristo nagpasig-uli sa kalibotan ngadto sa iyang kaugalingon sa walay pag-isip batok kanila sa ilang kalapasan. Ug siya nagpiyal kanamo sa mensahe sa pagpasig-uli.

Mga Hebreo 11:8

Tungod sa pagtuo si Abraham mituman sa diha nga gitawag siya sa pag-adto sa usa ka dapit nga iyang madawat ingon nga panulundon, ug siya miadto nga wala mahibalo kon asa siya paingon.

Santiago 2:23

Ang kasulatan natuman nga nag-ingon, “Si Abraham mituo sa Dios, ug kini giisip kaniya nga pagkamatarong,” ug siya gitawag nga higala sa Dios.