Genesis 15:18

Ang Biblia 2011

Niadtong adlawa ang Ginoo naghimo ug usa ka kasabotan uban kang Abram, nga nag-ingon, “Sa imong mga kaliwat ihatag nako kining yutaa, gikan sa suba sa Ehipto hangtod sa dako nga suba, ang suba nga Eufrates,

Cross References

Genesis 12:7

Unya, ang Ginoo mipakita kang Abram ug miingon kaniya, “Sa imong kaliwat ihatag nako kining yutaa.” Ug nagtukod siya didto ug usa ka halaran alang sa Ginoo nga nagpakita kaniya.

Genesis 13:15

Kay ang tanang yuta nga imong nakita, ihatag nako kanimo ug sa imong kaliwatan hangtod sa kahangtoran.

Genesis 2:14

Ug ang ngalan sa ikatulo nga suba Hidekel. Kini midagayday sa silangan sa Asiria. Ug ang ikaupat nga suba mao ang Eufrates.

Genesis 24:7

Ang Ginoo, ang Dios sa langit, nga mikuha kanako gikan sa balay sa akong amahan ug gikan sa yuta nga akong natawhan ug misulti kanako ug nanumpa kanako, ‘Ngadto sa imong kaliwatan ihatag nako kining yutaa,’ siya magsugo sa iyang anghel una kanimo ug ikaw magkuha ug maasawa sa akong anak gikan didto.

Genesis 26:4

Padaghanon nako ang imong mga kaliwat sama sa mga bituon sa langit ug ihatag nako sa imong kaliwatan kining tanang mga yuta, ug ang tanang mga nasod sa yuta mapanalanginan tungod sa imong kaliwat,

Genesis 28:4

Ihatag unta niya ang panalangin ni Abraham nganha kanimo ug sa imong kaliwat uban kanimo aron mapanununod nimo ang yuta nga imong gilangyawan nga gihatag sa Dios kang Abraham.”

Genesis 35:12

Ug ang yuta nga gihatag nako kang Abraham ug kang Isaac, ihatag nako kanimo ug sa imong mga kaliwat sunod kanimo.”

Genesis 50:24

Ug si Jose miingon sa iyang mga igsoon nga lalaki, “Hapit na ako mamatay apan ang Dios magduaw kaninyo ug magdala kaninyo gikan niining yutaa ngadto sa yuta nga gisaad niya kang Abraham, kang Isaac ug kang Jacob.”

2 Samuel 23:5

Oo, dili ba ingon niini ang pagbarog sa akong balay uban sa Dios? Kay siya naghimo uban kanako sa usa ka walay kataposan nga kasabotan, maayong pagkahan-ay ug dili mausab. Kay dili ba niya palamboon ang tanan nakong tabang ug tinguha?

2 Samuel 8:3

Gibuntog usab ni David si Hadadeser nga anak ni Rehob ug hari sa Zoba, sa diha nga miadto siya aron sa pagbawi sa iyang gahom sa suba sa Eufrates.

1 Mga Hari 4:21

Ug si Solomon naghari sa tanang mga gingharian gikan sa Euphrates ngadto sa yuta sa mga Filistihanon ug ngadto sa utlanan sa Ehipto. Sila nagdala ug buhis ug nag-alagad kang Solomon sa tanang mga adlaw sa iyang kinabuhi.

1 Mga Hari 5:1

Unya si Hiram, nga hari sa Tiro nagpadala sa iyang mga sulugoon ngadto kang Solomon, sa diha nga nakabalita siya nga sila nagdihog kaniya nga hari puli sa iyang amahan, kay si Hiram kanunay nga nahigugma kang David.

1 Cronicas 16:16

ang kasabotan nga iyang gihimo uban kang Abraham, ang iyang saad nga gipanumpa kang Isaac,

1 Cronicas 5:9

Siya mipuyo dapit sa silangan hangtod sa ganghaan sa kamingawan sa kilid sa Eufrates tungod kay ang ilang mga baka midaghan man didto sa yuta sa Gilead.

2 Cronicas 7:8

Niadtong panahona gihimo ni Solomon ang kasaulogan sulod sa pito ka adlaw, ug ang tibuok Israel uban kaniya, usa ka dako kaayong tigom, sukad sa agianan sa Hamat hangtod sa Sapa sa Ehipto.

2 Cronicas 8:7

Ang tanang katawhan nga nahibilin sa mga Hitihanon, sa mga Amorihanon, sa mga Perisihanon, sa mga Hibihanon ug sa mga Jebusihanon nga dili sa Israel,

2 Cronicas 9:26

Siya nagmando sa tanang mga hari gikan sa Eufrates hangtod sa yuta sa mga Filistihanon ug ngadto sa utlanan sa Ehipto.

Esdras 4:20

Mga gamhanang hari ang nagmando sa Jerusalem, naghari sa tibuok nga lalawigan tabok sa Suba diin ang buhis, alkabala, ug bayranan alang sa dalan gibayad ngadto kanila.

Nehemias 9:8

Ug nakita nimo ang iyang kasingkasing nga matinumanon sa imong atubangan ug naghimo ikaw ug usa ka kasabotan uban kaniya sa paghatag sa yuta sa mga Canaanhon, sa mga Hitihanon, sa mga Amorihanon, sa mga Perisihanon, sa mga Jebusihanon ug sa mga Gergasihanon ngadto sa iyang mga kaliwat ug imong gituman ang imong mga saad kay ikaw matarong.

Salmo 105:11

nga nag-ingon, “Kanimo ihatag nako ang yuta sa Canaan, ingon nga inyong bahin nga panulondon.”

Exodo 13:11

“Sa dihang dad-on na kamo sa Ginoo ngadto sa yuta sa mga Canaanhon, ingon sa iyang gipanumpa kaninyo ug sa inyong mga katigulangan, ug ihatag kini nganha kaninyo,

Exodo 2:24

Ug sa dihang nadungog sa Dios ang ilang mga pag-agulo, nahinumdom siya sa iyang kasabotan uban kang Abraham, kang Isaac ug kang Jacob.

Exodo 23:23

“Kon ang akong anghel mag-una kaninyo ug magdala kaninyo ngadto sa mga Amorihanon, sa mga Hitihanon, sa mga Perisihanon, sa mga Canaanhon, sa mga Hibihanon, sa mga Jebusihanon, ug wagtangon nako sila,

Exodo 3:8

Busa nanaog ako sa pagluwas kanila gikan sa kamot sa mga Ehiptohanon, ug sa pagkuha kanila gikan niadtong yutaa ngadto sa usa ka maayo ug lapad nga yuta, sa yuta diin nag-agas ang gatas ug dugos, sa mga dapit sa mga Canaanhon, sa mga Hitihanon, sa mga Amorihanon, sa mga Perisihanon, sa mga Hibihanon ug sa mga Jebusihanon.

Exodo 32:13

Hinumdomi si Abraham, si Isaac ug si Israel nga imong mga alagad, nga imong gipanumpaan sa imong kaugalingon, ug ikaw miingon kanila, ‘Padaghanon nako ang inyong kaliwat sama sa mga bituon sa langit ug kining tibuok nga yuta nga akong gisaad, akong ihatag sa inyong kaliwatan, ug sila makapanunod niini hangtod sa kahangtoran.’ ”

Exodo 34:11

“Tumana ang akong gisugo kaninyo niining adlawa. Akong hinginlan gikan sa inyong atubangan ang mga Amorihanon, ang mga Canaanhon, ang mga Hitihanon, ang mga Perisihanon, ang mga Hibihanon ug ang mga Jebusihanon.

Exodo 34:24

Kay akong hinginlan ang mga nasod gikan sa inyong atubangan ug palapdon nako ang inyong mga utlanan, ug walay si bisan kinsa nga magtinguha sa inyong yuta sa dihang motungas kamo aron sa pagpakita sa atubangan sa Ginoo nga inyong Dios makatulo sa usa ka tuig.

Exodo 6:4

Gihimo usab nako ang akong kasabotan uban kanila, aron sa paghatag kanila sa yuta sa Canaan, ang yuta nga ilang gipuy-an ingon nga mga langyaw.

Exodo 6:8

Ug dad-on ko kamo ngadto sa yuta nga akong gipanumpa nga ihatag kang Abraham, kang Isaac ug kang Jacob ug ihatag ko kini kaninyo ingon nga panulundon. Ako mao ang Ginoo.”

Isaias 27:12

Nianang adlawa, gikan sa sapa sa Eufrates ngadto sa suba sa Ehipto, ang Ginoo maggiok sa trigo ug kamo tapokon sa tinagsa, O katawhan sa Israel.

Isaias 55:3

Ikiling ang imong igdulungog ug ngari kanako; pamati ug ang imong kalag mabuhi; ug ako magbuhat ug usa ka walay kataposang kasabotan uban kaninyo, ang akong walay paglubad ug kasaligan nga gugma alang kang David.

Jeremias 32:22

Ikaw naghatag kanila niining yutaa nga imong gipanumpa sa ilang mga katigulangan nga ihatag kanila, yuta diin nag-agas ang gatas ug dugos;

Jeremias 32:40

Buhaton nako uban kanila ang walay kataposang kasabotan, nga dili ako mobiya sa pagbuhat ug maayo kanila ug akong ibutang ang pagkahadlok kanako diha sa ilang mga kasingkasing, aron dili sila mobiya kanako.

Levitico 26:42

hinumdoman nako ang akong kasabotan uban kang Jacob ug akong hinumdoman ang akong kasabotan uban kang Isaac ug ang akong kasabotan uban kang Abraham ug akong hinumdoman ang yuta.

Levitico 26:45

kondili, tungod kanila hinumdoman nako ang kasabotan uban sa ilang mga katigulangan nga akong gikuha gikan sa yuta sa Ehipto, diha sa panan-aw sa mga nasod aron ako mahimong ilang Dios: ako mao ang Ginoo.”

Numeros 34:5

ug ang utlanan moliko gikan sa Asmon ngadto sa sapa sa Ehipto ug ang kinutoban niini adto sa Dagat.

Mga Buhat 7:5

Apan wala niya siya hatagi ug panulundon dinhi bisan na lang ug igong katumban sa tiil, apan nagsaad nga ihatag kini ngadto kaniya ingon nga iyaha ug ngadto sa iyang kaliwatan nga mosunod kaniya, bisan pa ug wala siyay anak.

Deuteronomio 11:24

Ang tanang dapit nga tumban sa lapalapa sa inyong mga tiil mainyo, ang inyong kayutaan magsukad sa kamingawan ngadto sa Lebanon, gikan sa Suba, sa suba sa Eufrates hangtod sa dagat sa kasadpan.

Deuteronomio 12:20

“Sa diha nga padak-an sa Ginoo nga inyong Dios ang inyong kayutaan sumala sa iyang gisaad kaninyo, ug kamo miingon, ‘Mokaon ako ug unod,’ kay nangandoy kamo ug unod, makakaon kamo ug unod kutob sa inyong gitinguha.

Deuteronomio 19:8

Ug kon padak-on sa Ginoo nga inyong Dios ang inyong utlanan sumala sa iyang gipanumpa sa inyong katigulangan ug ihatag kaninyo ang tanang yuta nga gisaad nga ihatag sa inyong katigulangan,

Deuteronomio 34:4

Ug miingon kaniya ang Ginoo, “Kini mao ang yuta nga gipanumpa nako kang Abraham, kang Isaac ug kang Jacob, nga ako nag-ingon, ‘Ihatag nako kini sa imong kaliwatan.’ Gipatan-aw ko ikaw niini sa imong mga mata apan dili ikaw makaadto didto.”

Deuteronomio 7:1

“Sa diha nga ang Ginoo nga inyong Dios magdala kaninyo ngadto sa yuta nga inyong adtoan aron sa pagpanag-iya niini ug mag-abog sa daghang mga nasod gikan sa inyong atubangan, sa Hitihanon, sa Gergasihanon, sa Amorihanon, sa Canaanhon, sa Perisihanon, sa Hibihanon ug sa Jebusihanon, pito ka nasod nga dagko ug gamhanan kay kaninyo.

Mga Hebreo 13:20

Karon hinaot nga ang Dios sa kalinaw nga nagbanhaw sa atong Ginoong Jesus, ang dakong magbalantay sa mga karnero, pinaagi sa dugo sa dayon nga kasabotan,

Josue 13:3

sukad sa Sihor nga silangang bahin sa Ehipto, ngadto sa amihanang bahin sa utlanan sa Ekron nga giila nga Canaanhon. Adunay lima ka pangulo sa mga Filistihanon sa Gaza, sa Asdod, sa Askelon, sa Gat ug sa Ekron, lakip usab ang ila sa mga Avihanon,

Josue 15:4

Ug kini mipadayon ngadto sa Asmon ug migula ngadto sa sapa sa Ehipto ug misangko sa kinatumyan niini diha sa dagat. Kini mao ang imong utlanan sa habagatan.

Gipadayag 9:14

nga nag-ingon sa ikaunom nga anghel nga may trumpeta, “Buhii ang upat ka anghel nga gigapos didto sa dakong suba sa Eufrates.”