Genesis 15:17

Ang Biblia 2011

Sa dihang misalop na ang adlaw ug ngitngit na, dihay usa ka nag-aso nga hudno ug usa ka nagdilaab nga sulo nga mitadlas sa taliwala sa inihaw.

Cross References

Genesis 15:10

Ug gidala kining tanan ni Abram ngadto kaniya ug gipikas ug gibutang tupad sa usa ug usa apan wala niya pikasa ang mga langgam.

2 Samuel 22:9

Miutbo ang aso gikan sa iyang mga ilong, ug ang nagdilaab nga kalayo gikan sa iyang baba; ang mga baga misilaob gikan kaniya.

1 Mga Hari 18:38

Unya ang kalayo sa Ginoo mikunsad, ug misunog sa halad nga sunogon ug sa kahoy ug sa mga bato ug sa abog, ug gihurot pagtilap ang tubig nga diha sa kanal.

1 Cronicas 21:26

Ug si David nagtukod didto ug usa ka halaran alang sa Ginoo, ug naghalad ug mga halad nga sunogon ug mga halad sa pakigdait ug nagtawag sa Ginoo. Ug ang Ginoo mitubag kaniya pinaagi sa kalayo gikan sa langit diha sa halaran sa halad nga sunogon.

Exodo 19:18

Ug ang tibuok Bukid sa Sinai nalukop sa aso kay ang Ginoo mikunsad sa ibabaw niini pinaagi sa kalayo ug ang aso niini miutbo sama sa aso sa usa ka hudno ug ang tibuok nga bukid nauyog sa hilabihan gayod.

Exodo 20:18

Unya sa namatikdan sa mga tawo ang mga dalugdog ug mga kilat ug ang tingog sa trumpeta ug nakita ang bukid nga nag-aso, ang mga tawo nangahadlok ug nangurog ug nagtindog sa layo.

Isaias 62:1

Tungod ug alang sa Zion dili ako mohilom, ug tungod ug alang sa Jerusalem dili ako mopahulay, hangtod nga ang iyang pagkamatarong mogula ingon sa kasanag, ug ang iyang kaluwasan ingon sa usa ka sulo nga nagsiga.

Jeremias 11:4

nga akong gisugo sa inyong mga katigulangan sa dihang gikuha nako sila gikan sa yuta sa Ehipto, gikan sa hudno nga tunawan sa puthaw, nga nag-ingon, Pamatia ninyo ang akong tingog, ug buhata ang tanan nga akong gisugo kaninyo. Busa kamo mahimo nga akong katawhan, ug ako mahimo nga inyong Dios,

Deuteronomio 4:20

Apan ang Ginoo nagkuha kaninyo ug nagpagula kaninyo gikan sa hudno nga puthaw, gikan sa Ehipto, aron mahimo kamo nga iyang kaugalingong katawhan sama niining adlawa.

Mga Maghuhukom 13:20

Ug sa diha nga ang siga miutbo ngadto sa langit gikan sa halaran, ang anghel sa Ginoo mikayab diha sa siga sa halaran samtang si Manoa ug ang iyang asawa nagtan-aw, ug sila nanghapa sa yuta.

Mga Maghuhukom 6:21

Unya ang anghel sa Ginoo mikab-ot pinaagi sa tumoy sa sungkod nga diha sa iyang kamot ug gitandog ang karne ug ang mga pan nga walay patubo, ug dihay migula nga kalayo gikan sa bato ug milamoy sa karne ug sa mga pan nga walay patubo. Ug ang anghel sa Ginoo nawala gikan sa iyang panan-aw.