Genesis 15:14

Ang Biblia 2011

Apan akong silotan ang nasod nga ilang alagaran ug human niini manggawas sila uban sa daghang mga kabtangan.

Cross References

Genesis 48:21

Unya si Israel miingon kang Jose, “Tan-awa, hapit na ako mamatay, apan ang Dios mag-uban kaninyo ug siya magpabalik kaninyo ngadto sa yuta sa inyong mga katigulangan.

Genesis 50:24

Ug si Jose miingon sa iyang mga igsoon nga lalaki, “Hapit na ako mamatay apan ang Dios magduaw kaninyo ug magdala kaninyo gikan niining yutaa ngadto sa yuta nga gisaad niya kang Abraham, kang Isaac ug kang Jacob.”

Salmo 105:42

Kay nahinumdom siya sa iyang balaan nga saad, ug kang Abraham nga iyang alagad.

Salmo 135:14

Kay ang Ginoo manalipod sa iyang katawhan, ug kaluy-an niya ang iyang mga alagad.

Salmo 135:9

nga diha sa imong taliwala, O Ehipto, nagpadala siya ug mga ilhanan ug mga katingalahan batok sa Paraon, ug sa tanan niyang mga alagad;

Salmo 51:4

Batok kanimo, kanimo lamang, nakasala ako, ug nagbuhat ug daotan diha sa imong panan-aw, busa ikaw giila nga matarong diha sa imong pagsulti, ug nga dili masaway diha sa imong paghukom.

Exodo 12:29

Sa pagkatungang gabii gipamatay sa Ginoo ang tanang kamagulangan sa yuta sa Ehipto, gikan sa kamagulangan sa Paraon nga naglingkod sa iyang trono hangtod sa kamagulangan sa bihag nga anaa sa bilanggoan ug sa tanang kamagulangan sa kahayopan.

Exodo 3:10

Busa, dali, paadtoon ko ikaw ngadto sa Paraon aron kuhaon nimo ang akong katawhan, ang mga anak ni Israel gikan sa Ehipto.”

Mga Buhat 7:7

‘Apan akong hukman ang nasod nga ilang alagaran,’ nag-ingon ang Dios, ‘ug human niana sila mamiya gikan didto ug magsimba kanako dinhi niining dapita.’

Deuteronomio 4:20

Apan ang Ginoo nagkuha kaninyo ug nagpagula kaninyo gikan sa hudno nga puthaw, gikan sa Ehipto, aron mahimo kamo nga iyang kaugalingong katawhan sama niining adlawa.

Deuteronomio 6:22

Ug ang Ginoo mipakita ug mga ilhanan ug mga katingalahan, dagko ug makalilisang, batok sa Ehipto ug batok sa Paraon ug sa tibuok niyang panimalay sa atubangan sa among mga mata.

Josue 24:17

Kay ang Ginoo nga atong Dios, mao ang nagkuha kanato ug sa atong mga ginikanan gikan sa yuta sa Ehipto, gikan sa balay sa pagkaulipon ug siya maoy naghimo niadtong dagkong mga ilhanan nga atong nakita, ug nagbantay kanato sa tanang dalan nga atong giagian, ug taliwala sa tanang mga katawhan nga atong giagian.

1 Samuel 12:8

Sa pag-adto ni Jacob sa Ehipto ug ang mga Ehiptohanon nagdaogdaog kanila, ang inyong mga katigulangan nagtuaw sa Ginoo, unya ang Ginoo nagpadala kang Moises ug kang Aaron nga maoy nagpagula sa inyong katigulangan gikan sa Ehipto ug nagpapuyo kanila niining dapita.