Genesis 15:13

Ang Biblia 2011

Ug ang Ginoo miingon kang Abram, “Hibaloi gayod kini nga ang imong mga kaliwat mahimong dumuduong sa usa ka yuta nga dili ila ug sila mahimong mga ulipon didto ug sila daogdaogon sulod sa upat ka gatos ka tuig.

Cross References

Genesis 15:16

Ug sa ikaupat nga kaliwatan mobalik sila dinhi kay ang pagkadaotan sa Amorihanon wala pa mahingpit.”

Genesis 17:8

Ug ihatag nako nganha kanimo ug sa imong kaliwatan nga sunod kanimo ang yuta diin ikaw milangyaw, ang tibuok nga yuta sa Canaan aron mapanag-iya ninyo sa dayon, ug ako mahimo nga ilang Dios.”

Genesis 47:4

Ug sila miingon sa Paraon, “Nanglangyaw kami niining yutaa kay wala nay masibsib ang mga panon sa mga karnero sa imong mga sulugoon kay ang gutom dako kaayo sa yuta sa Canaan. Busa, naghangyo kami karon kanimo, nga papuy-on unta ang imong mga sulugoon didto sa yuta sa Gosen.”

Salmo 105:42

Kay nahinumdom siya sa iyang balaan nga saad, ug kang Abraham nga iyang alagad.

Exodo 1:11

Busa gibutangan nila sila ug mga tigdumala sa buhat aron sa paglisodlisod kanila pinaagi sa mga bug-at nga palas-anon. Ug nagtukod sila alang sa Paraon ug mga siyudad nga tigomanan sa mga bahandi nga mao ang Pitom ug Raamses.

Exodo 1:13

Busa ilang gipaalagad pag-ayo ang Israel

Exodo 1:14

ug gihimo ang ilang mga kinabuhi nga makaluluoy tungod sa bug-at nga buhat, sa pagmasa ug yuta, sa pagbuhat ug tisa ug sa tanang matang sa buhat diha sa uma, ug sa tanan nilang buluhaton gipabuhat sila sa walay kaluoy.

Exodo 2:24

Ug sa dihang nadungog sa Dios ang ilang mga pag-agulo, nahinumdom siya sa iyang kasabotan uban kang Abraham, kang Isaac ug kang Jacob.

Exodo 22:21

“Ayaw buhati ug daotan ang usa ka langyaw o magdaogdaog kaniya, kay kamo mga langyaw kaniadto sa yuta sa Ehipto.

Exodo 23:9

“Ayaw gayod ninyo daogdaoga ang usa ka dumuduong. Nahibalo kamo kon unsay bation sa usa ka dumuduong kay mga dumuduong man kamo kaniadto sa yuta sa Ehipto.

Exodo 3:10

Busa, dali, paadtoon ko ikaw ngadto sa Paraon aron kuhaon nimo ang akong katawhan, ang mga anak ni Israel gikan sa Ehipto.”

Exodo 3:17

Ug ako nagsaad sa pagkuha kaninyo gikan sa kalisdanan sa Ehipto ngadto sa yuta sa mga Canaanhon, sa mga Hitihanon, sa mga Amorihanon, sa mga Perisihanon, sa mga Hibihanon ug sa mga Jebusihanon, usa ka yuta diin nag-agas ang gatas ug dugos.” ’

Exodo 3:8

Busa nanaog ako sa pagluwas kanila gikan sa kamot sa mga Ehiptohanon, ug sa pagkuha kanila gikan niadtong yutaa ngadto sa usa ka maayo ug lapad nga yuta, sa yuta diin nag-agas ang gatas ug dugos, sa mga dapit sa mga Canaanhon, sa mga Hitihanon, sa mga Amorihanon, sa mga Perisihanon, sa mga Hibihanon ug sa mga Jebusihanon.

Levitico 19:34

Ang dumuduong nga nagpuyo uban kaninyo isipon ninyo ingon nga lumad taliwala ninyo ug higugmaa ninyo siya sama sa inyong kaugalingon, kay kamo langyaw didto sa yuta sa Ehipto. Ako mao ang Ginoo nga inyong Dios.

Numeros 20:15

nga ang among katigulangan miadto sa Ehipto ug mipuyo kami sa Ehipto sa dugay nga panahon ug ang mga Ehiptohanon midaogdaog kanamo ug sa among katigulangan.

Mga Buhat 7:17

“Sa nagkaduol na ang panahon nga tumanon sa Dios ang iyang gisaad kang Abraham, ang mga tawo miuswag ug midaghan didto sa Ehipto

Mga Taga-Galacia 3:17

Apan ako magsulti niini: ang Balaod nga ulahing miabot human sa 430 ka tuig, dili makasalikway sa kasabotan nga giuyonan nang daan sa Dios, aron nga mapapas ang saad.

Deuteronomio 10:19

Busa higugmaa ninyo ang dumuduong kay kamo mga dumuduong didto sa yuta sa Ehipto.

Deuteronomio 5:15

Hinumdomi nga kaniadto mga ulipon kamo didto sa yuta sa Ehipto ug nga ang Ginoo nga inyong Dios nagkuha kaninyo gikan didto pinaagi sa gamhanang kamot ug bukton nga tinuy-od. Tungod niana ang Ginoo nga inyong Dios nagsugo kaninyo sa pagtuman sa adlaw nga igpapahulay.