Genesis 14:13

Ang Biblia 2011

Apan dihay usa ka tawo nga nakaikyas nga miadto ug mipahibalo kang Abram nga Hebreo nga nagpuyo sa kakahoyan nga iya ni Mamre nga usa ka Amorihanon, igsoon ni Escol ug ni Aner, ug sila mga kaabin ni Abram.

Cross References

Genesis 10:16

ug sa mga Jebusihanon, sa mga Amorihanon, sa mga Gergasihanon,

Genesis 13:18

Ug gibalhin ni Abram ang iyang tolda, ug miadto ug gipahimutang kini dapit sa dagkong mga kahoy ni Mamre nga nahimutang sa Hebron ug nagpabarog siya didto ug usa ka halaran alang sa Ginoo.

Genesis 14:24

Wala akoy kuhaon gawas sa gipangaon sa mga batan-on ug ang bahin sa mga tawo nga miuban kanako: si Aner, si Escol ug si Mamre. Ihatag kanila ang ilang bahin.”

Genesis 18:1

Ug ang Ginoo mipakita kang Abraham didto sa kakahoyan ni Mamre, samtang naglingkod siya dapit sa pultahan sa iyang tolda diha sa kainit sa adlaw.

Genesis 21:24

Ug si Abraham miingon, “Ako manumpa.”

Genesis 21:27

Ug nagkuha si Abraham ug mga karnero ug mga baka, ug gihatag niya kini kang Abimelek ug silang duha nagbuhat ug usa ka kasabotan.

Genesis 21:32

Busa nagbuhat sila ug usa ka kasabotan didto sa Beer-seba ug mitindog si Abimelek ug si Picol nga pangulo sa kasundalohan ug namauli ngadto sa yuta sa mga Filistihanon.

Genesis 39:14

gitawag niya ang mga lalaki sa iyang balay ug siya miingon kanila, “Tan-awa, gidad-an kita niya ug usa ka Hebreo aron sa pagpasipala kanato. Siya misulod nganhi kanako sa pagpakigdulog kanako ug ako misinggit ug kusog.

Genesis 40:15

Kay sa pagkatinuod, gikawat ako gikan sa yuta sa mga Hebreo, ug dinhi usab wala akoy nahimo nga kinahanglan ila akong bilanggoon.”

Genesis 41:12

Ug uban kanamo didto ang usa ka batan-ong Hebreo nga sulugoon sa kapitan sa mga bantay. Ug siya gisuginlan namo niini ug siya mihubad sa kahulogan sa among mga damgo. Sa matag usa kanamo gihubad niya ang kahulogan.

Genesis 43:32

Ug siya gidulotan nila nga siya ra, ug sila gidulotan usab nga sila ra, ug ang mga Ehiptohanon nga nagkaon uban kaniya gilain usab pagdulot kay ang mga Ehiptohanon dili mahimong makigsalo ug pagkaon uban sa mga Hebreo kay kana usa ka butang nga dulumtanan alang sa mga Ehiptohanon.

Job 1:15

ug ang mga Sabeanhon misulong kanila, gikuha sila ug ilang gipamatay ang mga sulugoon pinaagi sa sulab sa espada ug ako na lamang ang nakaikyas aron sa pagsugilon kanimo.”

Exodo 2:11

Usa niana ka adlaw, sa dihang midako na si Moises, miadto siya sa iyang katawhan ug misud-ong sa ilang mga paghago ug nakita niya ang usa ka Ehiptohanon nga midagmal sa usa ka Hebreo nga usa sa iyang mga kadugo.

Exodo 2:6

Sa dihang giablihan niya ang bukag, nakita niya ang bata nga naghilak. Ug naluoy siya sa bata ug miingon, “Usa kini sa mga bata sa mga Hebreo.”

Exodo 3:18

Sila mamati sa imong tingog ug ikaw ug ang mga pangulo sa Israel moadto sa hari sa Ehipto ug moingon kaniya, ‘Si Yahweh, ang Dios sa mga Hebreo, nagpakita kanamo, ug karon naghangyo kami kanimo sa pagtugot kanamo sa paglakaw ug tulo ka adlaw nga panaw ngadto sa kamingawan aron maghalad kami ngadto kang Yahweh nga among Dios.’

Jeremias 34:9

nga ang matag usa magbuhi sa iyang mga ulipon nga Hebreo, lalaki ug babaye, aron walay mag-ulipon ug usa ka Judio nga iyang igsoon.

Jonas 1:9

Siya miingon kanila, “Ako Hebreo ug ako mahadlokon sa Ginoo, ang Dios sa langit nga maoy nagbuhat sa dagat ug sa uga nga yuta.”

Numeros 13:23

Unya miabot sila sa Walog sa Escol ug didto nagputol sila ug usa ka sanga uban ang usa ka pungpong nga ubas, ug giyayongan nila kini sa usa ka yayongan taliwala sa duha ka tawo. Nagdala usab sila ug mga granada ug mga igos.

Numeros 21:21

Unya ang Israel nagpadala ug mga sulugoon ngadto kang Sihon nga hari sa mga Amorihanon ug miingon,

2 Mga Taga-Corinto 11:22

Mga Hebreo ba sila? Mao usab ako. Mga Israelinhon ba sila? Mao usab ako. Mga kaliwat ba sila ni Abraham? Mao usab ako.

Mga Taga-Filipos 2:5

Batoni kining hunahunaa diha kaninyo nga nabatonan ninyo diha kang Cristo Jesus,

1 Samuel 29:3

ang mga tigmando sa mga Filistihanon miingon “Unsay gibuhat niining mga Hebreo dinhi?” Ug si Akis miingon sa mga tigmando sa mga Filistihanon, “Dili ba kini si David, ang sulugoon ni Saul nga hari sa Israel, nga uban kanako sulod sa mga adlaw ug mga tuig? Sukad sa iyang pagtipon kanako, wala ako makakita ug sayop diha kaniya hangtod niining adlawa.”

1 Samuel 4:12

Dihay usa ka tawo sa Benjamin nga miikyas gikan sa panon sa kasundalohan ug miadto sa Silo sa maong adlaw, ang iyang bisti gisi ug may yuta sa ibabaw sa iyang ulo.