Genesis 14:1

Ang Biblia 2011

Sa panahon ni Amrafel nga hari sa Sinar, si Arioc nga hari sa Elasar, si Chedorlaomer nga hari sa Ela ug si Tidal nga hari sa Goyim,

Cross References

Genesis 10:10

Ang sinugdan sa iyang gingharian mao ang Babel ug ang Erec ug ang Acad, ang tanan anaa sa yuta sa Sinar.

Genesis 10:22

Ang mga anak nga lalaki ni Sem: si Elam, si Asur, si Arpacsad, si Lud ug si Aram.

Genesis 11:2

Ug nahitabo nga sa dihang mipanaw sila gikan sa silangan, nakakaplag sila ug usa ka patag sa yuta sa Sinar ug didto mipuyo sila.

Genesis 14:9

batok kang Chedorlaomer nga hari sa Elam, kang Tidal nga hari sa Goyim, kang Amrafel nga hari sa Sinar ug kang Arioc nga hari sa Elasar, upat ka hari batok sa lima.

Isaias 11:11

Nianang adlawa ang Ginoo magbakyaw sa iyang kamot sa ikaduhang higayon aron sa pagbawi sa salin sa iyang katawhan nga nahibilin, gikan sa Asiria, sa Ehipto, sa Patros, sa Etiopia, sa Elam, sa Sinar, sa Hamat, ug gikan sa mga pulo sa dagat.

Isaias 21:2

Usa ka makalilisang nga panan-awon gisugilon kanako, ang mabudhion magbudhi ug ang tiglaglag manglaglag. Tungas, O Elam, sulong, O Media; ang tanang pag-antos nga iyang nahimo taposon nako.

Isaias 22:6

Si Elam nagdala sa baslayan uban ang mga karwahi ug ang mga nagdala niini ug gibuksan ni Kir ang taming.

Isaias 37:12

Nakaluwas ba kanila ang mga dios sa mga nasod nga gipanglaglag sa akong katigulangan: ang Gosan, ang Haran, ang Resef, ug ang katawhan sa Eden nga diha sa Telesar?

Jeremias 25:25

ang tanang mga hari sa Zimri, ang tanang mga hari sa Elam, ug ang tanang mga hari sa Media;

Ezequiel 32:24

“Ang Elam atua usab ug ang tibuok niyang panon sa katawhan naglibot sa iyang lubnganan. Silang tanan gipamatay, nangapukan pinaagi sa espada, dili tinuli nga nanganaog ngadto sa kalibotan sa ilalom, sila nga nakapalisang sa yuta sa mga buhi ug nagpas-an sa ilang kaulaw uban kanila nga nanganaog sa Gahong.

Daniel 1:2

Ang Ginoo mitugyan kang Jehoiakim nga hari sa Juda ngadto sa iyang kamot uban ang pipila ka mga galamiton sa balay sa Dios, ug gidala niya sila ngadto sa yuta sa Sinar, sa balay sa iyang diosdios, ug gibutang ang mga galamiton diha sa tipiganan sa iyang diosdios.

Daniel 8:2

May nakita ako diha sa panan-awon, ug sa akong pagkakita, didto ako sa Susa nga ulohang siyudad nga atua sa lalawigan sa Elam ug nakita nako sa panan-awon nga ako didto sa daplin sa suba sa Ulai.

Zacarias 5:11

Siya miingon kanako, “Ngadto sa yuta sa Sinar, aron sa pagtukod ug balay alang niini, ug sa diha nga andam na kini, ipahiluna nila ang sudlanan didto sa tungtonganan niini.”

Josue 12:23

ang hari sa Dor, sa Nafat-dor, usa; ang hari sa Goiim didto sa Gilgal, usa;