Genesis 13:9

Ang Biblia 2011

Dili ba anaa man ang tibuok nga yuta sa atubangan nimo? Naghangyo ako kanimo, bulag gikan kanako. Kon adto ikaw sa wala, ako adto sa tuo, kon ikaw sa tuo, ako sa wala.”

Cross References

Genesis 13:10

Giyahat ni Lot ang iyang mga mata, ug nakita niya nga ang kapatagan sa Jordan daghan ug tubig sama sa tanaman sa Ginoo, sama sa yuta sa Ehipto paingon sa Zoar. Kini sa wala pa laglaga sa Ginoo ang Sodoma ug ang Gomora.

Genesis 13:8

Unya si Abram miingon kang Lot, “Hinaot unta nga walay panagbingkil tali kanimo ug kanako, sa akong mga tigbantay ug sa imo, kay kita kadugo ra.

Genesis 20:15

Ug si Abimelek miingon, “Tan-awa, ang yuta nako anaa sa atubangan nimo, puyo sa bisan asa nga dapit niini nga imong mauyonan.”

Genesis 34:10

Kamo makapuyo uban kanamo ug ang yuta bukas alang kaninyo. Puyo ug pamatigayon kamo dinhi ug panag-iya kamo ug kabtangan dinhi.”

Salmo 120:7

Ako alang sa pakigdait; apan sa dihang ako mosulti, sila alang sa gubat!

Jeremias 40:4

Karon ania, gibuhian ko ikaw niining adlawa gikan sa mga kadena sa imong mga kamot. Kon daw maayo alang kanimo ang pag-uban kanako ngadto sa Babilonia, dali ug ako mag-atiman kanimo pag-ayo, apan kon daw sayop alang kanimo ang pag-uban kanako ngadto sa Babilonia, ayaw pag-adto. Tan-awa, ang tibuok nga yuta anaa sa atubangan nimo. Lakaw bisan asa nga imong gihunahuna nga maayo ug angay nga adtoan.

Roma 12:18

Kon mahimo, sumala sa inyong maarangan, pagpuyo nga makidaiton uban sa tanang tawo.

1 Mga Taga-Corinto 6:7

Busa karon kamong tanan nangapakyas gayod, tungod kay kamo aduna may mga kiha batok sa usa ug usa. Ngano man diay ug kahimoan kamo ug sayop? Nganong dili man lang ninyo antoson nga kamo malimbongan?

Mga Hebreo 12:14

Tinguhaa ang pagpakigdait uban sa tanang tawo ug ang pagkabalaan nga kon wala kini walay si bisan kinsa nga makakita sa Ginoo.