Genesis 13:2

Ang Biblia 2011

Niadtong panahona si Abram dato kaayo sa kahayopan, sa plata ug sa bulawan.

Cross References

Genesis 12:16

Ug tungod kaniya, si Abram gitagad pag-ayo sa Paraon ug siya nakabaton ug mga karnero, mga baka, mga laki nga asno, mga ulipon nga lalaki ug babaye, mga asno nga baye ug mga kamilyo.

Genesis 13:6

Busa ang yuta dili paigo kanila nga magtipon pagpuyo didto, kay ang ilang mga kabtangan hilabihan ka daghan ug dili mahimo nga sila magtipon pagpuyo.

Genesis 24:1

Unya si Abraham tigulang na ug taas na kaayo ang panuigon, ug ang Ginoo nagpanalangin kang Abraham sa tanang butang.

Genesis 24:35

Ang Ginoo nagpanalangin pag-ayo sa akong agalon ug nahimo siyang bantogan ug gihatagan niya siya ug mga panon sa kahayopan, ug plata ug bulawan, mga sulugoon nga lalaki ug babaye, mga kamilyo ug mga asno.

Genesis 26:14

Nakapanag-iya siya ug mga panon sa nagkalainlaing kahayopan ug dako nga panimalay busa nasina kaniya ang mga Filistihanon.

Genesis 30:43

Busa ang tawo midato pag-ayo ug nakabaton ug dagkong mga panon sa mga kahayopan, ug mga ulipon nga babaye ug mga ulipon nga lalaki ug mga kamilyo ug mga asno.

Job 1:10

Wala ba ikaw magbutang ug ali libot kaniya ug sa iyang balay ug sa tanan niyang butang, sa tanang dapit? Gipanalanginan nimo ang buhat sa iyang mga kamot, ug ang iyang mga katigayonan nagkadaghan sa ibabaw sa yuta.

Job 1:3

Aduna siyay pito ka libo ka karnero, tulo ka libo ka kamilyo, lima ka gatos ka paris nga baka, ug lima ka gatos ka baye nga asno ug daghan kaayo ug mga sulugoon, mao nga kining tawhana maoy labing bantogan sa tibuok katawhan sa silangan.

Mga Panultihon 10:22

Ang panalangin sa Ginoo makapadato, ug siya wala magdugang ug kasubo niini.

Mateo 6:33

Apan maoy unaha ninyo pagpangita ang gingharian sa Dios ug ang iyang pagkamatarong ug kining tanan idugang kaninyo.

Deuteronomio 8:18

Apan hinumdomi ang Ginoo nga inyong Dios kay siya mao ang naghatag ug gahom sa pagbaton sa mga bahandi, aron mapamatud-an niya ang iyang kasabotan nga gipanumpa niya sa inyong katigulangan sama niining adlawa.

1 Timoteo 4:8

kay ang lawasnon nga pagbansay may kapuslanan usab, apan ang pagkadiosnon mapuslanon gayod sa tanang paagi, ingon nga kini adunay saad sa kinabuhi karon ug sa umaabot.

1 Samuel 2:7

Ang Ginoo maghimo sa tawo nga kabos ug dato; siya ang mopaubos sa tawo, siya usab ang motuboy.