Genesis 13:18

Ang Biblia 2011

Ug gibalhin ni Abram ang iyang tolda, ug miadto ug gipahimutang kini dapit sa dagkong mga kahoy ni Mamre nga nahimutang sa Hebron ug nagpabarog siya didto ug usa ka halaran alang sa Ginoo.

Cross References

Genesis 13:4

sa dapit diin sa una nagbuhat siya ug halaran. Ug didto si Abram nagtawag sa ngalan sa Ginoo.

Genesis 14:13

Apan dihay usa ka tawo nga nakaikyas nga miadto ug mipahibalo kang Abram nga Hebreo nga nagpuyo sa kakahoyan nga iya ni Mamre nga usa ka Amorihanon, igsoon ni Escol ug ni Aner, ug sila mga kaabin ni Abram.

Genesis 18:1

Ug ang Ginoo mipakita kang Abraham didto sa kakahoyan ni Mamre, samtang naglingkod siya dapit sa pultahan sa iyang tolda diha sa kainit sa adlaw.

Genesis 22:9

Sa dihang miabot sila sa dapit nga giingon kaniya sa Dios, si Abraham naghimo didto ug usa ka halaran ug gipahiluna niya pag-ayo ang kahoy ug gigapos niya si Isaac nga iyang anak ug gipahimutang niya siya sa halaran, sa ibabaw sa sugnod.

Genesis 23:2

Unya namatay si Sarah didto sa Kiriat-arba nga mao ang Hebron sa yuta sa Canaan ug si Abraham miadto aron sa pagbangutan alang kang Sarah ug sa paghilak alang kaniya.

Genesis 26:25

Busa si Isaac nagtukod didto ug usa ka halaran ug mitawag sa ngalan sa Ginoo, ug gipatindog niya didto ang iyang tolda ug ang mga sulugoon ni Isaac nagkalot ug usa ka atabay.

Genesis 35:27

Ug miadto si Jacob kang Isaac nga iyang amahan didto sa Mamre, sa lungsod sa Kiriat-arba nga mao ang Hebron, diin mipuyo si Abraham ug si Issac.

Genesis 37:14

Busa siya miingon kaniya, “Lakaw karon, tan-awa kon maayo ba ang imong mga igsoon ug ang mga kahayopan, ug balitai ako.” Busa gipagikan niya siya didto sa walog sa Hebron, ug mipaingon si Jose sa Sekem.

Genesis 8:20

Unya si Noe nagbuhat ug usa ka halaran alang sa Ginoo, ug nagkuha siya gikan sa tanan nga mananap nga hinlo ug sa tanan nga langgam nga hinlo ug naghalad siya ug mga halad nga sunogon didto sa halaran.

2 Samuel 2:1

Human niini si David nagpakisayod sa Ginoo, “Motungas ba ako ngadto sa bisan diin nga lungsod sa Juda?” Ug ang Ginoo miingon kaniya, “Tungas.” Ug si David miingon, “Asa man ako motungas?” Ug siya miingon, “Ngadto sa Hebron.”

Salmo 16:8

Gipahiluna nako kanunay ang Ginoo diha sa akong atubangan; tungod kay anaa siya sa akong tuong kamot, ako dili matarog.

Numeros 13:22

Mitungas sila dapit sa Negeb, ug miabot sila sa Hebron, ug didto si Ahiman, si Sesai ug si Talmai, ang mga kaliwat ni Anak. (Ang Hebron natukod pito ka tuig una kay sa Zoan didto sa Ehipto.)

1 Timoteo 2:8

Busa gitinguha nako nga sa tanang dapit ang mga lalaki mag-ampo nga magbayaw ug mga kamot nga balaan nga walay kasuko o pakiglalis.

Mga Hebreo 11:9

Tungod sa pagtuo siya mipuyo didto sa yuta sa saad, nga daw diha siya sa laing yuta, nagpuyo siya sa mga tolda uban kang Isaac ug Jacob nga mga manununod sa mao rang saad uban kaniya.

Josue 14:13

Unya gipanalanginan ni Josue si Caleb nga anak ni Jefone ug gihatag kaniya ang Hebron ingon nga iyang panulundon.

Josue 15:13

Sumala sa sugo sa Ginoo ngadto kang Josue, iyang gihatag ngadto kang Caleb nga anak ni Jefone ang usa ka bahin sa katawhan sa Juda, ang Kiriat-arba nga mao ang Hebron (si Arba mao ang amahan ni Anak).