Genesis 13:16

Ang Biblia 2011

Buhaton nako ang imong mga kaliwat nga ingon sa abog sa yuta, nga kon adunay tawo nga makaihap sa abog sa yuta, ang imong kaliwatan usab mahimong maihap.

Cross References

Genesis 15:5

Ug gipagula niya siya ug giingnan, “Hangad sa langit ug ihapa ang mga bituon kon makahimo ka ba sa pag-ihap kanila.” Ug siya miingon kaniya, “Ingon usab niana ang imong kaliwatan.”

Genesis 16:10

Ang anghel sa Ginoo miingon usab kaniya, “Padaghanon nako pag-ayo ang imong mga kaliwat, nga kini dili maihap tungod sa kadaghan.”

Genesis 17:16

Ako magpanalangin kaniya ug hatagan ko usab ikaw ug anak nga lalaki gikan kaniya. Ako magpanalangin kaniya ug siya mahimo nga inahan sa mga nasod ug ang mga hari sa mga katawhan maggikan kaniya.”

Genesis 17:2

Ug maghimo ako sa akong kasabotan tali kanako ug kanimo, ug ikaw padaghanon sa hilabihan gayod.”

Genesis 17:20

Ug mahitungod usab kang Ismael, ikaw gipatalinghogan nako. Tan-awa panalanginan nako siya ug himoon nga mabungahon ug padaghanon sa hilabihan gayod. Mahimo siyang amahan sa napulo ug duha ka pangulo ug buhaton nako siya nga usa ka dakong nasod.

Genesis 17:6

Padaghanon ko ikaw sa hilabihan gayod ug maghimo ako ug mga nasod gikan kanimo, ug ang mga hari maggikan kanimo.

Genesis 18:18

nga si Abraham mahimo man gayod nga usa ka dako ug lig-on nga nasod, ug diha kaniya panalanginan ang tanang mga nasod sa yuta?

Genesis 21:13

Ug gikan usab sa anak sa ulipon nga babaye himoon nako ang usa ka nasod, tungod kay siya imong kaliwat.”

Genesis 22:17

ikaw panalanginan gayod nako ug akong padaghanon ang imong mga kaliwat sama sa mga bituon sa langit ug ingon sa balas nga anaa sa baybayon sa dagat, ug ang imong mga kaliwat manag-iya sa ganghaan sa ilang mga kaaway.

Genesis 26:4

Padaghanon nako ang imong mga kaliwat sama sa mga bituon sa langit ug ihatag nako sa imong kaliwatan kining tanang mga yuta, ug ang tanang mga nasod sa yuta mapanalanginan tungod sa imong kaliwat,

Genesis 28:14

Ug ang imong mga kaliwat mahimong sama sa abog sa yuta ug mokatap kamo ngadto sa kasadpan, sa silangan, sa amihanan ug sa habagatan. Ug pinaagi kanimo ug sa imong kaliwatan panalanginan ang tanan nga mga kabanayan sa yuta.

Genesis 28:3

Ug ang Dios nga Labing Gamhanan sa tanan magpanalangin kanimo ug maghimo kanimo nga mabungahon ug magpadaghan kanimo aron ikaw mahimo nga usa ka panon sa mga katawhan.

Genesis 32:12

Apan ikaw gayod miingon, ‘Sa pagkatinuod, buhaton nako ang maayo ug ang imong mga kaliwat himoon nakong sama sa balas sa dagat nga dili maihap tungod sa kadaghan.’ ”

Genesis 32:13

Busa nagpabilin siya didto niadtong gabhiona ug nagkuha siya gikan sa mga butang nga diha kaniya, usa ka gasa alang kang Esau nga iyang igsoon:

Genesis 35:11

Ug ang Dios miingon kaniya, “Ako mao ang Dios nga Labing Gamhanan, pagmabungahon ka ug sanay, usa ka nasod ug pundok sa mga nasod maggikan kanimo ug ang mga hari maggikan kanimo.

Genesis 46:3

Unya siya miingon, “Ako mao ang Dios, ang Dios sa imong amahan. Ayaw kahadlok sa pag-adto sa Ehipto kay didto himoon ko ikaw nga usa ka dakong nasod.

1 Mga Hari 3:8

Ug ang imong sulugoon anaa sa taliwala sa imong katawhan nga imong pinili, usa ka dakong katawhan nga dili maisip o maihap tungod sa kadaghan.

1 Mga Hari 4:20

Ang Juda ug Israel ingon ka daghan sa balas nga anaa sa dagat, sila nangaon ug nanginom ug nangalipay.

2 Mga Hari 13:23

Apan ang Ginoo nagmaluluy-on kanila ug nagmapuangoron kanila ug nagtagad kanila, tungod sa iyang kasabotan uban kang Abraham, Isaac ug kang Jacob, ug wala maglaglag kanila o magsalikway kanila gikan sa iyang atubangan hangtod karon.

1 Cronicas 21:5

Ug si Joab mihatag sa lista sa gidaghanon sa katawhan ngadto kang David. Sa tibuok Israel adunay 1,100,000 ka tawo nga naggamit ug espada ug sa Juda 470,000 ka tawo nga naggamit ug espada.

1 Cronicas 27:23

Wala ipha ni David kadtong ubos sa 20 ka tuig ang panuigon kay ang Ginoo nagsaad nga iyang himoon ang Israel nga sama kadaghan sa mga bituon sa langit.

2 Cronicas 1:9

O Ginoo nga Dios, himoa nga matuman karon ang imong saad kang David nga akong amahan kay ikaw naghimo kanako nga hari sa usa ka katawhan nga sama ka daghan sa abog sa yuta.

Job 5:25

Ikaw masayod usab nga ang imong mga kaliwat modaghan, ug ang imong mga anak sama sa mga sagbot sa yuta.

Exodo 1:7

Apan ang mga kaliwat ni Israel nagmabungahon ug midaghan pag-ayo ug misanay ug nahimong lig-on sa hilabihan gayod ug nalukop nila ang yuta.

Exodo 32:13

Hinumdomi si Abraham, si Isaac ug si Israel nga imong mga alagad, nga imong gipanumpaan sa imong kaugalingon, ug ikaw miingon kanila, ‘Padaghanon nako ang inyong kaliwat sama sa mga bituon sa langit ug kining tibuok nga yuta nga akong gisaad, akong ihatag sa inyong kaliwatan, ug sila makapanunod niini hangtod sa kahangtoran.’ ”

Jeremias 33:22

Ingon nga ang panon sa langit dili maihap ug ang mga balas sa dagat dili matakos, padaghanon usab nako ang kaliwat ni David nga akong alagad ug ang mga Levihanon nga mga pari nga nag-alagad kanako.”

Numeros 23:10

Kinsa ba ang makaihap sa abog ni Jacob o makaihap sa ikaupat nga bahin sa Israel? Tugoti ako nga mamatay sa kamatayon sa matarong, ug himoa nga ang akong kataposan mahisama sa iyang kataposan!”

Deuteronomio 1:10

Ang Ginoo nga inyong Dios nagpadaghan kaninyo, ug tan-awa, niining adlawa kamo sama sa mga bituon sa langit ang gidaghanon.

Mga Hebreo 11:12

Busa gikan sa usa ka tawo, kaniya nga sama ra sa patay na, misanay ang mga kaliwatan nga sama ka daghan sa mga bituon sa kalangitan ug nga ingon sa dili maisip nga balas sa kabaybayonan.

Gipadayag 7:9

Human niini akong nakita ang usa ka dakong panon sa katawhan nga walay bisan kinsa nga makaihap, gikan sa tanang kanasoran, gikan sa tanang kabanayan ug katawhan ug pinulongan, nagtindog sa atubangan sa trono ug sa atubangan sa Nating Karnero, nagsul-ob ug puti nga bisti nga tag-as ug nagkupot ug mga palwa sa palmera,

Mga Maghuhukom 6:3

Kay sa diha nga ang nga Israelinhon magpugas, ang mga Midianhon ug ang mga Amalekanhon ug ang katawhan sa silangan moabot ug mosulong kanila.

Mga Maghuhukom 6:5

Kay sila moabot uban sa ilang mga baka ug sa ilang mga tolda, moabot sama sa mga dulon ang gidaghanon. Sila ug ang ilang mga kamilyo dili maihap, mao nga nalaglag nila ang yuta sa ilang pagsulod.