Genesis 13:14

Ang Biblia 2011

Unya ang Ginoo misulti kang Abram, human si Lot mibulag kaniya, “Iyahat karon ang imong mga mata, ug tan-awa sukad sa imong nahimutangan ngadto sa amihanan ug ngadto sa habagatan ug ngadto sa silangan ug ngadto sa kasadpan.

Cross References

Genesis 13:10

Giyahat ni Lot ang iyang mga mata, ug nakita niya nga ang kapatagan sa Jordan daghan ug tubig sama sa tanaman sa Ginoo, sama sa yuta sa Ehipto paingon sa Zoar. Kini sa wala pa laglaga sa Ginoo ang Sodoma ug ang Gomora.

Genesis 28:14

Ug ang imong mga kaliwat mahimong sama sa abog sa yuta ug mokatap kamo ngadto sa kasadpan, sa silangan, sa amihanan ug sa habagatan. Ug pinaagi kanimo ug sa imong kaliwatan panalanginan ang tanan nga mga kabanayan sa yuta.

Isaias 49:18

Iyahat ang imong mga mata sa palibot ug tan-awa, kini silang tanan magtigom, manganha kanimo. Ingon nga ako buhi, nag-ingon ang Ginoo, ikaw magbutang kanila ingon nga usa ka dayandayan, ug magbakos kanila sama sa usa ka pangasaw-onon.

Isaias 60:4

Ilingi ang imong mga mata sa palibot, ug tan-aw; silang tanan nagtigom, sila nanganha kanimo; ang imong mga anak nga lalaki manganha kanimo gikan sa layo, ug ang imong mga anak nga babaye dad-on nga sinapwang sa mga bukton.

Deuteronomio 3:27

Tungas sa kinatumyan sa Pisga ug iyahat ang imong mga mata ngadto sa kasadpan ug ngadto sa amihanan ug ngadto sa habagatan ug ngadto sa silangan, ug tan-awa pinaagi sa imong mga mata kay dili ikaw makalabang niining Jordan.

Deuteronomio 34:1

Unya si Moises mitungas gikan sa mga kapatagan sa Moab ngadto sa bukid sa Nebo paingon sa kinatumyan sa Pisga nga atbang sa Jerico. Ug gipakita kaniya sa Ginoo ang tibuok nga yuta sa Gilead hangtod sa Dan,