Genesis 13:12

Ang Biblia 2011

Si Abram mipuyo sa yuta sa Canaan ug si Lot mipuyo didto sa mga siyudad sa kapatagan, ug gibalhin niya ang iyang tolda hangtod sa Sodoma.

Cross References

Genesis 13:11

Busa gipili ni Lot alang kaniya ang tibuok nga kapatagan sa Jordan, ug mipadulong si Lot sa silangan. Ug sa ingon, nagbulag sila gikan sa usa ug usa.

Genesis 14:12

Gidala usab nila si Lot, nga anak sa igsoon ni Abram nga didto magpuyo sa Sodoma lakip ang iyang kabtangan ug sila namiya.

Genesis 14:2

kining mga haria nakiggubat batok kang Bera nga hari sa Sodoma ug batok kang Birsa nga hari sa Gomora ug batok kang Sinab nga hari sa Adma, ug batok kang Semeber nga hari sa Zeboim, ug batok sa hari sa Bela, nga mao ang Zoar.

Genesis 19:1

Unya ang duha ka anghel miabot didto sa Sodoma sa pagkagabii ug si Lot naglingkod didto sa ganghaan sa Sodoma. Sa dihang nakita sila ni Lot, mitindog siya sa pagdawat kanila ug mihapa siya sa yuta.

Genesis 19:24

Unya ang Sodoma ug Gomora gipaulanan sa Ginoo ug asupri ug kalayo nga gikan sa langit.

Genesis 19:25

Ug gilaglag niya ang mga siyudad ug ang tibuok nga walog, uban sa tanan nga mga namuyo niadtong mga siyudara, ug ang nagtubo sa yuta.

Genesis 19:29

Ug mao kadto nga sa dihang gilaglag sa Dios ang mga siyudad sa walog, ang Dios nahinumdom kang Abraham ug gipagawas si Lot gikan sa taliwala sa kalaglagan, sa paglaglag niya sa mga siyudad nga gipuy-an ni Lot.

Salmo 26:5

gidumtan nako ang pundok sa mga tigbuhat ug daotan, ug dili ako molingkod uban sa mga daotan.

1 Mga Taga-Corinto 15:33

Ayaw kamo pagpahisalaag, “Ang daotang pakig-uban makadaot sa maayong pamatasan.”