Genesis 13:10

Ang Biblia 2011

Giyahat ni Lot ang iyang mga mata, ug nakita niya nga ang kapatagan sa Jordan daghan ug tubig sama sa tanaman sa Ginoo, sama sa yuta sa Ehipto paingon sa Zoar. Kini sa wala pa laglaga sa Ginoo ang Sodoma ug ang Gomora.

Cross References

Genesis 11:27

Mao kini ang mga kaliwat ni Tera. Si Tera nahimong amahan ni Abram, ni Nahor ug ni Haran; ug si Haran mao ang amahan ni Lot.

Genesis 13:11

Busa gipili ni Lot alang kaniya ang tibuok nga kapatagan sa Jordan, ug mipadulong si Lot sa silangan. Ug sa ingon, nagbulag sila gikan sa usa ug usa.

Genesis 13:9

Dili ba anaa man ang tibuok nga yuta sa atubangan nimo? Naghangyo ako kanimo, bulag gikan kanako. Kon adto ikaw sa wala, ako adto sa tuo, kon ikaw sa tuo, ako sa wala.”

Genesis 14:2

kining mga haria nakiggubat batok kang Bera nga hari sa Sodoma ug batok kang Birsa nga hari sa Gomora ug batok kang Sinab nga hari sa Adma, ug batok kang Semeber nga hari sa Zeboim, ug batok sa hari sa Bela, nga mao ang Zoar.

Genesis 14:8

Unya ang hari sa Sodoma, ang hari sa Gomora, ang hari sa Adma, ang hari sa Zeboim ug ang hari sa Bela nga mao ang Zoar migula ug misalmot sa gubat didto sa walog sa Sidim

Genesis 3:6

Ug sa dihang nakita sa babaye nga ang kahoy maayong kaonon ug nga kini makalipay sa mga mata ug nga ang kahoy angay nga tinguhaon aron mahimong maalamon, mikuha siya sa bunga niini ug mikaon. Ug gihatagan niya ang iyang bana nga uban kaniya ug mikaon siya.

Genesis 47:6

Ang yuta sa Ehipto anaa sa atubangan nimo, papuy-a sa labing maayong yuta ang imong amahan ug ang imong mga igsoon. Papuy-a sila sa yuta sa Gosen ug kon ikaw adunay nahibaloan nga takos nga tawo diha kanila, ibutang sila ingon nga piniyalan sa akong kahayopan.”

Genesis 6:2

ang mga anak nga lalaki sa Dios nakakita nga ang mga anak nga babaye sa mga tawo maanyag ug nangasawa sila sumala sa ilang napili.

1 Mga Hari 7:46

Didto sa kapatagan sa Jordan gihulma kini sa hari diha sa kulonon nga yuta sa taliwala sa Sucot ug Zaretan.

Job 40:23

Tan-awa, kon ang usa ka suba sulog kaayo, siya dili mahadlok; anaa kaniya ang pagsalig, bisan pa kon motubo ang tubig sa Jordan hangtod sa iyang baba.

Salmo 107:34

ang tabunok nga yuta ngadto sa asinon nga dapit, tungod sa pagkadaotan nila nga nagpuyo niini.

Isaias 15:5

Ang akong kasingkasing nagtuaw alang sa Moab; ang iyang mga kagiw nangikyas ngadto sa Zoar, sa Eglat-selisiya. Kay diha sa tungasan sa Luhit sila mitungas nga naghilak; sa agianan sa Horonaim sila mipatugbaw ug usa ka pagtuaw sa kalaglagan;

Isaias 51:3

Kay ang Ginoo maghupay sa Zion; iyang hupayon ang tanan niyang mga dapit nga nangaguba, ug himoon niya ang iyang kamingawan nga sama sa Eden, ug ang iyang disyerto nga sama sa tanaman sa Ginoo; kalipay ug kasadya makaplagan diha kaniya, ang pagpasalamat ug ang tingog sa huni.

Jeremias 48:34

“Mituaw ang Hesbon ug ang Eleale; hangtod sa Jahas sila nagpagula sa ilang mga tingog, gikan sa Zoar ngadto sa Horanaim ug sa Eglat-selishiya. Kay ang katubigan usab sa Nimrim nahimong biniyaan.

Ezequiel 16:46

Ug ang imong magulang nga babaye mao ang Samaria, nga nagpuyo uban sa iyang mga anak nga babaye dapit sa amihanan nimo. Ug ang imong manghod nga babaye nga nagpuyo dapit sa habagatan mao ang Sodoma uban sa iyang mga anak nga babaye.

Ezequiel 16:49

Mao kini ang kasal-anan sa imong igsoon nga Sodoma: siya ug ang iyang mga anak nga babaye adunay garbo, nanubra nga pagkaon ug mauswagong kasayon, apan wala motabang sa kabos ug sa nanginahanglan.

Ezequiel 28:13

Ikaw didto sa Eden, ang tanaman sa Dios; ang tanang mahalon nga bato maoy imong hapin, ang kornalina, ang topasyo, ug ang haspe, ang krisolito, ang berilo, ug ang onyx, ang sapiro, ug ang karbungko, ug ang esmeralda; ug hinimo sa bulawan ang imong kuwentas ug ang imong mga kinulit. Sa adlaw sa pagbuhat kanimo kini giandam.

Ezequiel 31:8

Ang mga cedro sa tanaman sa Dios dili makalabaw niini, o ang mga aguho makatupong sa mga sanga niini, ug ang mga kahoyng platano daw sa wala lamang kon itandi sa iyang mga salingsing; walay kahoy sa tanaman sa Dios nga sama niini sa katahom.

Ezequiel 31:9

Gibuhat ko kini nga matahom diha sa kadaghan sa iyang mga sanga, ug ang tanang mga kahoy sa Eden, ang anaa sa tanaman sa Dios nangasina niini.

Ezequiel 47:18

“Sa silangang bahin, ang utlanan mosubay tungatunga sa Hauran ug sa Damasco, ubay sa Jordan, tungatunga sa Gilead ug sa yuta sa Israel, ngadto sa dagat sa silangan hangtod sa Tamar. Kini mao ang silangang bahin.

Joel 2:3

Ang kalayo maglamoy diha sa ilang atubangan, ug sa luyo nila magsiga ang kalayo. Ang yuta sama sa tanaman sa Eden sa ilang atubangan, apan iniglabay nila biniyaan nga kamingawan, ug walay makaikyas gikan kanila.

Deuteronomio 34:3

ang Negeb, ug ang Kapatagan nga mao ang walog sa Jerico nga siyudad sa mga palmera, hangtod sa Zoar.