Genesis 12:8

Ang Biblia 2011

Unya mibalhin siya didto sa kabukiran dapit sa silangan sa Betel ug gipabarog niya ang iyang tolda. Dapit sa kasadpan niini mao ang Betel ug ang Ai dapit sa silangan. Ug nagtukod siya didto ug usa ka halaran alang sa Ginoo ug nagtawag sa ngalan sa Ginoo.

Cross References

Genesis 13:18

Ug gibalhin ni Abram ang iyang tolda, ug miadto ug gipahimutang kini dapit sa dagkong mga kahoy ni Mamre nga nahimutang sa Hebron ug nagpabarog siya didto ug usa ka halaran alang sa Ginoo.

Genesis 13:3

Ug siya mipadayon gikan sa Negeb hangtod sa Betel, didto sa dapit nga unang nahimutangan sa iyang tolda, sa taliwala sa Betel ug sa Ai,

Genesis 13:4

sa dapit diin sa una nagbuhat siya ug halaran. Ug didto si Abram nagtawag sa ngalan sa Ginoo.

Genesis 21:33

Ug si Abraham nagtanom ug usa ka kahoy nga tamarisko didto sa Beer-seba ug didto mitawag siya sa ngalan sa Ginoo nga walay kataposan nga Dios.

Genesis 22:9

Sa dihang miabot sila sa dapit nga giingon kaniya sa Dios, si Abraham naghimo didto ug usa ka halaran ug gipahiluna niya pag-ayo ang kahoy ug gigapos niya si Isaac nga iyang anak ug gipahimutang niya siya sa halaran, sa ibabaw sa sugnod.

Genesis 26:25

Busa si Isaac nagtukod didto ug usa ka halaran ug mitawag sa ngalan sa Ginoo, ug gipatindog niya didto ang iyang tolda ug ang mga sulugoon ni Isaac nagkalot ug usa ka atabay.

Genesis 28:19

Ug kadtong dapita ginganlan niya ug Betel apan sa sinugdan ang ngalan niadtong lungsora Luz.

Genesis 31:25

Unya naapsan ni Laban si Jacob. Gipatindog na ni Jacob ang iyang tolda didto sa kabukiran, ug gibutang usab ni Laban uban sa iyang mga kadugo ang iyang tolda didto sa kabukiran sa Gilead.

Genesis 33:20

Ug gipatindog niya didto ang usa ka halaran, ug kini ginganlan niya, “Dios, ang Dios ni Israel.”

Genesis 35:3

Ug manindog kita ug manungas ngadto sa Betel aron magbuhat ako didto ug usa ka halaran alang sa Dios nga nagtubag kanako sa adlaw sa akong kagul-anan ug nag-uban kanako bisan diin ako miadto.”

Genesis 35:7

Ug nagtukod siya didto ug usa ka halaran, ug gitawag ang maong dapit ug El-Betel kay didto nagpakita kaniya ang Dios, sa pagkagiw niya gikan sa iyang igsoon.

Genesis 4:26

Ug kang Seth usab natawo ang usa ka anak nga lalaki ug gitawag niya ang iyang ngalan nga Enos. Unya ang mga tawo nagsugod sa pagtawag sa ngalan sa Ginoo.

Genesis 8:20

Unya si Noe nagbuhat ug usa ka halaran alang sa Ginoo, ug nagkuha siya gikan sa tanan nga mananap nga hinlo ug sa tanan nga langgam nga hinlo ug naghalad siya ug mga halad nga sunogon didto sa halaran.

Nehemias 11:31

Ang katawhan sa Benjamin nagpuyo usab sukad sa Geba hangtod sa Mikmas, sa Aija, sa Betel ug sa mga balangay niini,

Salmo 116:4

Unya misangpit ako sa ngalan sa Ginoo, “O Yahweh, luwasa ang akong kinabuhi, nangamuyo ako kanimo!”

Exodo 17:15

Ug si Moises nagpatindog ug usa ka halaran ug iya kining ginganlan ug “Ang Ginoo mao ang akong bandila.”

Isaias 10:28

Siya mibiya gikan sa Rimon, siya miabot sa Aiat; siya miagi sa Migron, didto sa Mikmas gitipigan niya ang iyang kabtangan;

Joel 2:32

Ug mahitabo nga si bisan kinsa nga magtawag sa ngalan sa Ginoo maluwas, kay didto sa Bukid sa Zion ug sa Jerusalem atua didto ang nakaikyas sumala sa giingon sa Ginoo, ug taliwala sa mga salin mao kadtong tawgon sa Ginoo.

Mga Buhat 2:21

Ug mahitabo nga si bisan kinsa nga magtawag sa ngalan sa Ginoo, maluwas.’

1 Mga Taga-Corinto 1:2

Alang sa iglesia sa Dios nga anaa sa Corinto, kanila nga gibalaan pinaagi kang Cristo Jesus, ang mga gitawag nga balaan uban sa tanan nga nagtawag diha sa tanang dapit sa ngalan sa atong Ginoong Jesu-Cristo, ilang Ginoo ug atoa usab:

Mga Hebreo 11:9

Tungod sa pagtuo siya mipuyo didto sa yuta sa saad, nga daw diha siya sa laing yuta, nagpuyo siya sa mga tolda uban kang Isaac ug Jacob nga mga manununod sa mao rang saad uban kaniya.

Josue 18:22

ang Bet-araba, ang Zemaraim, ang Betel,

Josue 22:10

Sa dihang miabot sila sa kayutaan duol sa Jordan diha sa yuta sa Canaan, ang mga Rubenhanon, ang mga Gadhanon ug ang katunga sa banay ni Manases naghimo ug usa ka halaran duol sa Jordan, usa ka dakong halaran.

Josue 7:2

Si Josue nagpadala ug mga tawo gikan sa Jerico ngadto sa Ai nga duol sa Bet-aven, dapit sa silangan sa Betel ug miingon kanila, “Pangadto kamo ug panid-i ang yuta.” Ug ang katawhan nangadto ug naniid sa Ai.

Josue 8:12

Nagdala siya ug mga lima ka libo ka tawo ug iyang gitago sa taliwala sa Betel ug sa Ai, dapit sa kasadpan sa siyudad.

Josue 8:17

Walay bisan usa ka tawo nga nahibilin sa Ai o sa Betel nga wala mogukod sa Israel. Ilang gibiyaan ang siyudad nga binuksan ug gigukod ang Israel.

Josue 8:3

Busa si Josue mitindog ug ang tanang tawo nga manggugubat aron moadto sa Ai. Ug nagpili si Josue ug 30,000 ka kusgan ug isog nga mga tawo ug iyang gipalakaw sila sa pagkagabii.

Josue 8:30

Unya si Josue nagtukod ug usa ka halaran didto sa bukid sa Ebal alang sa Ginoo, ang Dios sa Israel.

Josue 8:9

Busa gipaadto sila ni Josue ug nangadto sila sa dapit nga ilang tagoan ug mipabilin sila sa taliwala sa Betel ug sa Ai, dapit sa kasadpan sa Ai, apan niadtong gabhiona si Josue mipahulay uban sa katawhan.

Mga Maghuhukom 6:24

Unya si Gideon naghimo ug usa ka halaran didto alang sa Ginoo ug gitawag kini, Ang Ginoo mao ang kalinaw. Hangtod niining adlawa nagtindog pa kini didto sa Opra nga ila sa mga kaliwat ni Abieser.

1 Samuel 30:27

Kini alang kanila nga atua sa Betel, sa Ramot, sa Negeb, ug sa Jatir,