Genesis 12:7

Ang Biblia 2011

Unya, ang Ginoo mipakita kang Abram ug miingon kaniya, “Sa imong kaliwat ihatag nako kining yutaa.” Ug nagtukod siya didto ug usa ka halaran alang sa Ginoo nga nagpakita kaniya.

Cross References

Genesis 12:8

Unya mibalhin siya didto sa kabukiran dapit sa silangan sa Betel ug gipabarog niya ang iyang tolda. Dapit sa kasadpan niini mao ang Betel ug ang Ai dapit sa silangan. Ug nagtukod siya didto ug usa ka halaran alang sa Ginoo ug nagtawag sa ngalan sa Ginoo.

Genesis 13:15

Kay ang tanang yuta nga imong nakita, ihatag nako kanimo ug sa imong kaliwatan hangtod sa kahangtoran.

Genesis 13:17

Tindog, lakaw sa gitas-on ug sa gilapdon niini nga yuta kay ihatag ko kini kanimo.”

Genesis 13:18

Ug gibalhin ni Abram ang iyang tolda, ug miadto ug gipahimutang kini dapit sa dagkong mga kahoy ni Mamre nga nahimutang sa Hebron ug nagpabarog siya didto ug usa ka halaran alang sa Ginoo.

Genesis 13:4

sa dapit diin sa una nagbuhat siya ug halaran. Ug didto si Abram nagtawag sa ngalan sa Ginoo.

Genesis 15:18

Niadtong adlawa ang Ginoo naghimo ug usa ka kasabotan uban kang Abram, nga nag-ingon, “Sa imong mga kaliwat ihatag nako kining yutaa, gikan sa suba sa Ehipto hangtod sa dako nga suba, ang suba nga Eufrates,

Genesis 17:1

Sa dihang 99 na ang panuigon ni Abram, ang Ginoo, nagpakita kaniya ug miingon, “Ako mao ang Dios nga Labing Gamhanan, pagkinabuhi nga dili masaway sa akong atubangan.

Genesis 17:3

Unya si Abram mihapa ug ang Dios miingon kaniya,

Genesis 17:8

Ug ihatag nako nganha kanimo ug sa imong kaliwatan nga sunod kanimo ang yuta diin ikaw milangyaw, ang tibuok nga yuta sa Canaan aron mapanag-iya ninyo sa dayon, ug ako mahimo nga ilang Dios.”

Genesis 18:1

Ug ang Ginoo mipakita kang Abraham didto sa kakahoyan ni Mamre, samtang naglingkod siya dapit sa pultahan sa iyang tolda diha sa kainit sa adlaw.

Genesis 22:9

Sa dihang miabot sila sa dapit nga giingon kaniya sa Dios, si Abraham naghimo didto ug usa ka halaran ug gipahiluna niya pag-ayo ang kahoy ug gigapos niya si Isaac nga iyang anak ug gipahimutang niya siya sa halaran, sa ibabaw sa sugnod.

Genesis 24:7

Ang Ginoo, ang Dios sa langit, nga mikuha kanako gikan sa balay sa akong amahan ug gikan sa yuta nga akong natawhan ug misulti kanako ug nanumpa kanako, ‘Ngadto sa imong kaliwatan ihatag nako kining yutaa,’ siya magsugo sa iyang anghel una kanimo ug ikaw magkuha ug maasawa sa akong anak gikan didto.

Genesis 26:25

Busa si Isaac nagtukod didto ug usa ka halaran ug mitawag sa ngalan sa Ginoo, ug gipatindog niya didto ang iyang tolda ug ang mga sulugoon ni Isaac nagkalot ug usa ka atabay.

Genesis 26:3

Puyo dinhi niining yutaa, ug ako mag-uban kanimo ug ikaw akong panalanginan, kay kanimo ug sa imong kaliwatan, ihatag nako kining tanang mga yuta ug tumanon nako ang gipanumpa nako kang Abraham nga imong amahan.

Genesis 28:13

Ug didto ang Ginoo nagtindog sa ibabaw niini, ug miingon, “Ako mao ang Ginoo, ang Dios ni Abraham nga imong amahan ug ang Dios ni Isaac. Ang yuta nga imong gihigdaan ihatag ko kanimo ug sa imong kaliwatan.

Genesis 28:4

Ihatag unta niya ang panalangin ni Abraham nganha kanimo ug sa imong kaliwat uban kanimo aron mapanununod nimo ang yuta nga imong gilangyawan nga gihatag sa Dios kang Abraham.”

Genesis 32:30

Ug ginganlan ni Jacob kadtong dapita ug Peniel, nga nag-ingon, “Nakita nako ang Dios sa nawong ug nawong ug nagpabilin ako nga buhi.”

Genesis 33:20

Ug gipatindog niya didto ang usa ka halaran, ug kini ginganlan niya, “Dios, ang Dios ni Israel.”

Genesis 35:12

Ug ang yuta nga gihatag nako kang Abraham ug kang Isaac, ihatag nako kanimo ug sa imong mga kaliwat sunod kanimo.”

Genesis 35:7

Ug nagtukod siya didto ug usa ka halaran, ug gitawag ang maong dapit ug El-Betel kay didto nagpakita kaniya ang Dios, sa pagkagiw niya gikan sa iyang igsoon.

Genesis 50:24

Ug si Jose miingon sa iyang mga igsoon nga lalaki, “Hapit na ako mamatay apan ang Dios magduaw kaninyo ug magdala kaninyo gikan niining yutaa ngadto sa yuta nga gisaad niya kang Abraham, kang Isaac ug kang Jacob.”

Genesis 8:20

Unya si Noe nagbuhat ug usa ka halaran alang sa Ginoo, ug nagkuha siya gikan sa tanan nga mananap nga hinlo ug sa tanan nga langgam nga hinlo ug naghalad siya ug mga halad nga sunogon didto sa halaran.

2 Samuel 24:25

Ug si David nagtukod didto ug usa ka halaran alang sa Ginoo ug naghalad ug mga halad nga sunogon ug mga halad sa pakigdait. Busa ang Ginoo nagpatalinghog sa mga hangyo alang sa yuta ug ang kamatay sa Israel mihunong.

1 Mga Hari 18:32

Gigamit niya ang mga bato sa pagtukod ug usa ka halaran sa ngalan sa Ginoo ug siya naghimo ug usa ka kanal libot sa halaran ug ang gidak-on niini kasudlan ug duha ka dagkong takos nga binhi.

1 Cronicas 16:16

ang kasabotan nga iyang gihimo uban kang Abraham, ang iyang saad nga gipanumpa kang Isaac,

1 Cronicas 16:18

nga nag-ingon, “Kanimo ihatag nako ang yuta sa Canaan ingon nga imong bahin nga panulundon.”

2 Cronicas 20:11

tan-awa, gibalosan nila kami pinaagi sa pag-anhi aron sa paghingilin kanamo gikan sa imong pagpanag-iya, nga imong gihatag kanamo aron mapanunod.

2 Cronicas 20:7

Wala ba nimo, O among Dios, papahawaa ang mga nagpuyo niining yutaa gikan sa atubangan sa imong katawhan nga Israel ug ihatag kini hangtod sa kahangtoran ngadto sa kaliwatan ni Abraham nga imong higala?

Esdras 3:2

Unya mitindog si Jesua nga anak ni Josadak ug ang iyang kaubang mga pari ug si Zerubabel nga anak ni Sealtiel ingon man ang iyang mga kadugo, ug ilang gitukod ang halaran sa Dios sa Israel, aron halaran kini ug mga halad nga sunogon ingon nga nasulat kini diha sa Balaod ni Moises, ang tawo sa Dios.

Exodo 17:15

Ug si Moises nagpatindog ug usa ka halaran ug iya kining ginganlan ug “Ang Ginoo mao ang akong bandila.”

Exodo 24:4

Ug gisulat ni Moises ang tanang pulong sa Ginoo. Misayo siya pagbangon sa pagkabuntag ug nagtukod ug usa ka halaran didto sa tiilan sa bukid, ug nagpabarog ug napulo ug duha ka haliging bato, sumala sa napulo ug duha ka banay sa Israel.

Exodo 32:13

Hinumdomi si Abraham, si Isaac ug si Israel nga imong mga alagad, nga imong gipanumpaan sa imong kaugalingon, ug ikaw miingon kanila, ‘Padaghanon nako ang inyong kaliwat sama sa mga bituon sa langit ug kining tibuok nga yuta nga akong gisaad, akong ihatag sa inyong kaliwatan, ug sila makapanunod niini hangtod sa kahangtoran.’ ”

Exodo 33:1

Unya ang Ginoo miingon kang Moises, “Lakaw ug tungas, ikaw ug ang katawhan nga imong gidala gikan sa yuta sa Ehipto padulong sa yuta nga akong gipanumpa kang Abraham, kang Isaac ug kang Jacob, nga nag-ingon, ‘Ngadto sa imong kaliwatan ihatag ko kini.’

Exodo 6:3

Ako mipakita kang Abraham, kang Isaac ug kang Jacob, ingon nga Dios nga Labing Gamhanan apan sa akong ngalan, Yahweh, wala ako magpaila kanila.

Exodo 6:4

Gihimo usab nako ang akong kasabotan uban kanila, aron sa paghatag kanila sa yuta sa Canaan, ang yuta nga ilang gipuy-an ingon nga mga langyaw.

Jeremias 3:18

Nianang mga adlawa ang balay sa Juda mokuyog sa balay sa Israel ug silang duha mogula gikan sa yuta sa amihanan ngadto sa yuta nga akong gihatag sa inyong mga katigulangan ingon nga usa ka panulundon.

Numeros 26:53

“Pinaagi niini, ang yuta bahinon ingon nga usa ka panulondon sumala sa gidaghanon sa mga ngalan.

Numeros 32:11

‘Sa pagkatinuod walay si bisan kinsa sa mga tawo nga migula gikan sa Ehipto, sukad sa 20 ka tuig ang panuigon ug pataas nga makakita sa yuta nga akong gipanumpa nga ihatag kang Abraham, kang Isaac ug kang Jacob, tungod kay sila wala mosunod kanako sa bug-os,

Mga Buhat 7:5

Apan wala niya siya hatagi ug panulundon dinhi bisan na lang ug igong katumban sa tiil, apan nagsaad nga ihatag kini ngadto kaniya ingon nga iyaha ug ngadto sa iyang kaliwatan nga mosunod kaniya, bisan pa ug wala siyay anak.

Roma 9:8

Sa ato pa, ang mga anak sa Dios dili mao kadtong mga anak sa unod kondili ang isipon nga iyang mga kaliwat mao kadtong mga anak sumala sa saad.

Mga Taga-Galacia 3:16

Karon ang mga saad gihatag kang Abraham ug sa iyang kaliwat. Wala ingna, “Ug sa mga kaliwatan,” nga daw ingon ug daghan, kondili, “Ug sa imong kaliwat,” ingon nga usa ra, nga mao si Cristo.

Mga Taga-Galacia 4:28

Karon, mga igsoon, kita sama kang Isaac, mga anak sa saad.

Deuteronomio 1:8

Tan-awa, akong gigahin ang yuta sa atubangan ninyo. Panulod kamo ug panag-iyaha ninyo ang yuta nga gipanumpa sa Ginoo ngadto sa inyong katigulangan, ngadto kang Abraham, kang Isaac ug kang Jacob, nga ihatag kanila ug sa ilang mga sumusunod nga kaliwatan.’

Deuteronomio 30:20

mahigugma sa Ginoo nga inyong Dios, motuman sa iyang tingog ug dili mobulag kaniya. Kay kini nagkahulogan ug kinabuhi nganha kaninyo ug gitas-on sa mga adlaw aron kamo makapuyo didto sa yuta nga gipanumpa sa Ginoo ngadto sa inyong katigulangan, kang Abraham, kang Isaac ug kang Jacob aron ihatag kanila.”

Deuteronomio 34:4

Ug miingon kaniya ang Ginoo, “Kini mao ang yuta nga gipanumpa nako kang Abraham, kang Isaac ug kang Jacob, nga ako nag-ingon, ‘Ihatag nako kini sa imong kaliwatan.’ Gipatan-aw ko ikaw niini sa imong mga mata apan dili ikaw makaadto didto.”

Deuteronomio 6:10

“Ug sa diha nga ang Ginoo nga inyong Dios magdala kaninyo ngadto sa yuta nga gipanumpa niya ngadto sa inyong katigulangan, kang Abraham, kang Isaac ug kang Jacob, aron ihatag kaninyo, uban ang dagko ug matahom nga mga siyudad nga wala ninyo tukora

Deuteronomio 9:5

Dili tungod sa inyong pagkamatarong o sa pagkaligdong sa inyong kasingkasing nga makasulod kamo aron sa pagpanag-iya sa ilang yuta, kondili tungod sa pagkadaotan niining mga nasod nga ang Ginoo nga inyong Dios naghingilin kanila gikan sa inyong atubangan ug nga aron mapamatud-an niya ang pulong nga gipanumpa sa Ginoo sa inyong katigulangan, kang Abraham, kang Isaac ug kang Jacob.

Mga Hebreo 11:13

Diha sa pagtuo kini silang tanan nangamatay nga wala makadawat sa mga gisaad kanila, apan gikan sa layo sila makakita niini ug nahinangop ug miila nga sila mga dumuduong ug mga langyaw lamang dinhi sa yuta.

Mga Hebreo 11:8

Tungod sa pagtuo si Abraham mituman sa diha nga gitawag siya sa pag-adto sa usa ka dapit nga iyang madawat ingon nga panulundon, ug siya miadto nga wala mahibalo kon asa siya paingon.

Josue 1:6

Pagmalig-on ug pagmaisogon kay ikaw ang maghimo nga kining katawhan makaangkon sa yuta nga akong gisaad sa ilang katigulangan nga akong ihatag kanila.

Josue 22:10

Sa dihang miabot sila sa kayutaan duol sa Jordan diha sa yuta sa Canaan, ang mga Rubenhanon, ang mga Gadhanon ug ang katunga sa banay ni Manases naghimo ug usa ka halaran duol sa Jordan, usa ka dakong halaran.

Josue 8:30

Unya si Josue nagtukod ug usa ka halaran didto sa bukid sa Ebal alang sa Ginoo, ang Dios sa Israel.

Mga Maghuhukom 6:24

Unya si Gideon naghimo ug usa ka halaran didto alang sa Ginoo ug gitawag kini, Ang Ginoo mao ang kalinaw. Hangtod niining adlawa nagtindog pa kini didto sa Opra nga ila sa mga kaliwat ni Abieser.

1 Samuel 7:17

Unya siya adto mouli sa Rama kay atua man didto ang iyang balay, ug didto nagpahamtang usab siya sa hustisya alang sa Israel, ug didto naghimo siya ug usa ka halaran alang sa Ginoo.