Genesis 12:2

Ang Biblia 2011

Ug akong buhaton gikan kanimo ang usa ka dako nga nasod, ug ikaw panalanginan nako ug himoong bantogan ang imong ngalan, aron ikaw mahimo nga usa ka panalangin.

Cross References

Genesis 13:16

Buhaton nako ang imong mga kaliwat nga ingon sa abog sa yuta, nga kon adunay tawo nga makaihap sa abog sa yuta, ang imong kaliwatan usab mahimong maihap.

Genesis 15:5

Ug gipagula niya siya ug giingnan, “Hangad sa langit ug ihapa ang mga bituon kon makahimo ka ba sa pag-ihap kanila.” Ug siya miingon kaniya, “Ingon usab niana ang imong kaliwatan.”

Genesis 17:20

Ug mahitungod usab kang Ismael, ikaw gipatalinghogan nako. Tan-awa panalanginan nako siya ug himoon nga mabungahon ug padaghanon sa hilabihan gayod. Mahimo siyang amahan sa napulo ug duha ka pangulo ug buhaton nako siya nga usa ka dakong nasod.

Genesis 18:18

nga si Abraham mahimo man gayod nga usa ka dako ug lig-on nga nasod, ug diha kaniya panalanginan ang tanang mga nasod sa yuta?

Genesis 18:19

Dili, kay gipili nako siya aron magsugo sa iyang mga anak ug panimalay nga sunod kaniya aron magsubay sila sa dalan sa Ginoo, pinaagi sa pagbuhat sa pagkamatarong ug sa hustisya, aron ang Ginoo magpadangat kang Abraham niadtong gisaad kaniya.”

Genesis 19:29

Ug mao kadto nga sa dihang gilaglag sa Dios ang mga siyudad sa walog, ang Dios nahinumdom kang Abraham ug gipagawas si Lot gikan sa taliwala sa kalaglagan, sa paglaglag niya sa mga siyudad nga gipuy-an ni Lot.

Genesis 24:1

Unya si Abraham tigulang na ug taas na kaayo ang panuigon, ug ang Ginoo nagpanalangin kang Abraham sa tanang butang.

Genesis 24:35

Ang Ginoo nagpanalangin pag-ayo sa akong agalon ug nahimo siyang bantogan ug gihatagan niya siya ug mga panon sa kahayopan, ug plata ug bulawan, mga sulugoon nga lalaki ug babaye, mga kamilyo ug mga asno.

Genesis 25:11

Human sa kamatayon ni Abraham, si Isaac nga iyang anak gipanalanginan sa Dios. Ug mipuyo si Isaac sa Beer-lahai-roi.

Genesis 26:3

Puyo dinhi niining yutaa, ug ako mag-uban kanimo ug ikaw akong panalanginan, kay kanimo ug sa imong kaliwatan, ihatag nako kining tanang mga yuta ug tumanon nako ang gipanumpa nako kang Abraham nga imong amahan.

Genesis 26:4

Padaghanon nako ang imong mga kaliwat sama sa mga bituon sa langit ug ihatag nako sa imong kaliwatan kining tanang mga yuta, ug ang tanang mga nasod sa yuta mapanalanginan tungod sa imong kaliwat,

Genesis 27:29

Mag-alagad kanimo ang mga katawhan, ug ang mga nasod mangyukbo kanimo. Mahimo ikaw nga agalon sa imong mga igsoon, ug mangyukbo unta kanimo ang mga anak sa imong inahan. Matinunglo unta ang magtunglo kanimo, ug mapanalanginan ang nagpanalangin kanimo!”

Genesis 28:14

Ug ang imong mga kaliwat mahimong sama sa abog sa yuta ug mokatap kamo ngadto sa kasadpan, sa silangan, sa amihanan ug sa habagatan. Ug pinaagi kanimo ug sa imong kaliwatan panalanginan ang tanan nga mga kabanayan sa yuta.

Genesis 35:11

Ug ang Dios miingon kaniya, “Ako mao ang Dios nga Labing Gamhanan, pagmabungahon ka ug sanay, usa ka nasod ug pundok sa mga nasod maggikan kanimo ug ang mga hari maggikan kanimo.

Genesis 46:3

Unya siya miingon, “Ako mao ang Dios, ang Dios sa imong amahan. Ayaw kahadlok sa pag-adto sa Ehipto kay didto himoon ko ikaw nga usa ka dakong nasod.

2 Samuel 7:9

Ug giubanan ko ikaw bisan diin ikaw moadto, ug gipuo nako ang tanan nimong mga kaaway gikan sa imong atubangan, ug himoon nakong bantogan ang imong ngalan sama sa ngalan sa mga bantogang tawo sa kalibotan.

1 Mga Hari 1:47

Ug dugang pa, ang mga sulugoon sa hari miadto aron sa pagpahalipay sa atong agalon nga si Hari David, nga nag-ingon, ‘Ang imong Dios maghimo unta sa ngalan ni Solomon nga bantogan pa kay sa imong ngalan, ug maghimo unta sa iyang trono nga gamhanan pa kay sa imong trono.’ Ug ang hari miyukbo diha sa higdaanan.

Job 35:8

Ang imong pagkamakasasala makaangin sa tawo nga sama sa imong kaugalingon, ug ang imong pagkamatarong, sa anak sa tawo.

Salmo 107:38

Tungod sa iyang panalangin sila modaghan pag-ayo, ug dili niya kuhaan ang ilang kahayopan.

Exodo 1:7

Apan ang mga kaliwat ni Israel nagmabungahon ug midaghan pag-ayo ug misanay ug nahimong lig-on sa hilabihan gayod ug nalukop nila ang yuta.

Exodo 32:10

Busa karon, pasagdi ako nga ang akong kaligutgot mosilaob batok kanila ug puohon nako sila, apan ikaw buhaton nga usa ka dakong nasod.”

Isaias 51:2

Tan-aw kamo kang Abraham nga inyong amahan, ug kang Sara nga nanganak kaninyo; kay sa siya pa lamang usa gitawag nako siya, ug gipanalanginan nako siya, ug gipadaghan.

Ezequiel 34:26

Sila ug ang mga dapit nga naglibot sa akong bungtod buhaton nako nga usa ka panalangin, ug akong ipadala ang ulan sa iyang panahon, kini mahimong mga ulan sa panalangin.

Miqueas 7:20

Ikaw magpakita ug pagkamatinud-anon ngadto kang Jacob ug gugmang walay paglubad ngadto kang Abraham, sumala sa imong gipanumpa sa among katigulangan gikan pa sa karaang mga adlaw.

Zacarias 8:13

Ug ingon nga nahimo kamong sanglitanan sa pagtunglo sa mga nasod, O balay sa Juda ug balay sa Israel, luwason usab nako kamo, ug kamo mahimong panalangin. Ayaw kamo kahadlok, hinuon lig-ona ang inyong mga kamot.”

Numeros 14:12

Hampakon nako sila pinaagi sa kamatay ug isalikway nako sila aron dili makapanunod ug himoon ko ikaw nga usa ka nasod nga dako pa ug gamhanan pa kay kanila.”

Numeros 22:12

Ug ang Dios miingon kang Balaam, “Dili ka mouban kanila; dili ka magtunglo sa katawhan kay gipanalanginan sila.”

Numeros 23:20

Tan-awa, ako nakadawat ug sugo sa pagpanalangin; ug siya nagpanalangin ug ako dili makabakwi niini.

Roma 4:11

Gidawat niya ang pagtuli ingon nga usa ka ilhanan o silyo sa pagkamatarong nga iyang naangkon pinaagi sa pagtuo, bisan sa wala pa siya matuli. Kini aron mahimo siya nga amahan sa tanang magtutuo bisan ug dili tinuli ug aron maisip ngadto kanila ang pagkamatarong.

Mga Taga-Galacia 3:14

aron nga pinaagi kang Cristo Jesus ang panalangin kang Abraham mahiadto sa mga Gentil, aron nga pinaagi sa pagtuo kita makadawat sa gisaad nga Espiritu.

Mga Taga-Galacia 3:7

Busa inyong makita nga ang mga tawo nga adunay pagtuo mao ang mga anak ni Abraham.

Deuteronomio 26:5

“Ug isulti sa atubangan sa Ginoo nga imong Dios, ‘Ang akong amahan usa ka Aramhanon nga naglatagaw ug milugsong siya ngadto sa Ehipto ug mipuyo didto, diyotay lamang ang gidaghanon ug didto nahimo siyang usa ka nasod, dako, gamhanan ug daghan.