Genesis 12:18

Ang Biblia 2011

Unya ang Paraon mipatawag kang Abram ug siya miingon kaniya, “Unsa ba kining imong gibuhat kanako? Nganong wala man ikaw motug-an kanako nga siya imong asawa?

Cross References

Genesis 12:19

Nganong miingon man ikaw, ‘Siya akong igsoon,’ tungod niini gikuha nako siya aron akong maasawa? Busa karon, ania ang imong asawa, kuhaa ug lakaw na.”

Genesis 20:3

Apan ang Dios miadto kang Abimelek pinaagi sa damgo sa pagkagabii ug miingon kaniya, “Tan-awa, daw patay na ikaw tungod sa babaye nga imong gikuha, kay siya asawa sa usa ka tawo.”

Genesis 29:25

Ug sa pagkabuntag na, nakita niya nga si Lea diay. Ug miingon siya kang Laban, “Unsa kining imong gibuhat kanako? Wala ba ako mag-alagad kanimo alang kang Raquel? Ngano nga gilimbongan man nimo ako?”

Genesis 3:13

Ug ang Ginoong Dios miingon sa babaye, “Unsa man kining imong gibuhat?” Ug ang babaye miingon, “Ang bitin milingla kanako, ug mikaon ako.”

Genesis 31:26

Ug si Laban miingon kang Jacob, “Unsa man kining imong gibuhat, nga gitikasan man nimo ako, ug gidala nimo ang akong mga anak nga babaye sama sa mga binihag sa espada?

Genesis 4:10

Ug ang Ginoo miingon, “Unsa man ang imong gibuhat? Ang tingog sa dugo sa imong igsoon nagtuaw kanako gikan sa yuta.

Genesis 44:15

Si Jose miingon kanila, “Unsa bang buhata kini nga gibuhat ninyo? Wala ba kamo mahibalo nga ang tawo nga sama kanako makahimo sa pagtagna?”

2 Samuel 3:24

Unya si Joab miadto sa hari ug miingon, “Unsa man kining imong gibuhat? Mianhi si Abner kanimo, nganong gipalakaw man nimo siya, ug karon wala na hinuon siya.

Exodo 32:21

Unya si Moises miingon kang Aaron, “Unsa bay gibuhat niining katawhan kanimo nga nagdala man ikaw ug usa ka dakong sala nganha kanila?”

Mga Panultihon 21:1

Ang kasingkasing sa hari diha sa kamot sa Ginoo sama sa mga bul-og sa tubig; palikoon niya kini bisan asa nga buot niya.

Josue 7:19

Unya si Josue miingon kang Acan, “Anak ko, ihatag ang himaya sa Ginoo, ang Dios sa Israel ug dayega siya. Ug sultihi ako karon kon unsay imong nabuhat; ayaw kini itago kanako.”

Mga Maghuhukom 2:2

ug ayaw kamo paghimo ug kasabotan uban sa mga nagpuyo niining yutaa. Gub-a ang ilang mga halaran.’ Apan wala ninyo tumana ang akong sugo. Unsa man kining inyong gibuhat?

1 Samuel 14:43

Unya si Saul miingon kang Jonatan, “Suginli ako kon unsay imong gibuhat.” Ug si Jonatan misulti kaniya, “Ako mitilaw ug diyotay nga dugos sa tumoy sa sungkod nga diha sa akong kamot, ug ania karon ako mamatay gayod.”