Genesis 12:12

Ang Biblia 2011

busa kon makakita kanimo ang mga Ehiptohanon, sila makaingon, ‘Iya kining asawa,’ ug ako patyon nila ug ikaw tugotan nila nga mabuhi.

Cross References

Genesis 20:11

Ug si Abraham miingon, “Gibuhat ko kini kay naghunahuna ako nga ang pagkahadlok ngadto sa Dios wala niining dapita ug ako patyon nila tungod sa akong asawa.

Genesis 26:7

Sa diha nga ang mga tawo niadtong dapita nangutana kaniya mahitungod sa iyang asawa, siya miingon, “Siya akong igsoon.” Kay nahadlok siya sa pag-ingon, “Siya akong asawa,” kay naghunahuna siya, “tingali ug patyon ako sa mga tawo niining dapita tungod kang Rebecca,” kay maanyag siya nga tan-awon.

Mga Panultihon 29:25

Ang kahadlok sa tawo nagbutang ug usa ka lit-ag, apan siya nga nagsalig sa Ginoo layo sa kakuyaw.

Mateo 10:28

Ayaw ninyo kahadloki kadtong mopatay sa lawas apan dili makahimo pagpatay sa kalag apan kahadloki hinuon ninyo ang makahimo paglaglag sa kalag ug lawas didto sa imperno.

1 Samuel 27:1

Si David miingon diha sa iyang kasingkasing, “May adlaw ra nga mahanaw ako pinaagi sa kamot ni Saul; wala nay maayo pa alang kanako gawas nga moikyas ako ngadto sa yuta sa mga Filistihanon. Unya si Saul mawad-an ug paglaom sa pagpangita kanako sa sulod sa mga utlanan sa Israel, ug makalingkawas ako gikan sa iyang kamot.”