Genesis 12:11

Ang Biblia 2011

Sa dihang hapit na siya mosulod sa Ehipto, siya miingon kang Sarai nga iyang asawa, “Nasayod ako nga ikaw usa ka babaye nga matahom sud-ongon,

Cross References

Genesis 12:14

Sa pagsulod ni Abram sa Ehipto nakita sa mga Ehiptohanon nga ang babaye maanyag kaayo.

Genesis 20:13

Ug sa dihang gipagula ako sa Dios sa paglangyaw gikan sa balay sa akong amahan, ako miingon kang Sarah, ‘Kini mao ang kaluoy nga imong ipakita kanako, nga sa tanan nga dapit diin kita makaabot, moingon ikaw mahitungod kanako, “Siya akong igsoon.” ’ ”

Genesis 20:2

Ug miingon si Abraham mahitungod kang Sarah nga iyang asawa, “Siya akong igsoon.” Ug si Abimelek nga hari sa Gerar, nagsugo ug gikuha niya si Sarah.

Genesis 24:16

Ang dalaga maanyag kaayo nga tan-awon, ulay, wala pay lalaki nga nakatandog kaniya. Nanaog siya ngadto sa tuboran ug gipuno niya ang iyang banga ug misaka siya.

Genesis 26:7

Sa diha nga ang mga tawo niadtong dapita nangutana kaniya mahitungod sa iyang asawa, siya miingon, “Siya akong igsoon.” Kay nahadlok siya sa pag-ingon, “Siya akong asawa,” kay naghunahuna siya, “tingali ug patyon ako sa mga tawo niining dapita tungod kang Rebecca,” kay maanyag siya nga tan-awon.

Genesis 29:17

Ang mga mata ni Lea malomo apan si Raquel maanyag ug madanihon.

Genesis 6:2

ang mga anak nga lalaki sa Dios nakakita nga ang mga anak nga babaye sa mga tawo maanyag ug nangasawa sila sumala sa ilang napili.

2 Samuel 11:2

Nahitabo nga sa usa ka hapon niana, sa dihang mibangon sa David gikan sa iyang higdaanan ug naglakawlakaw sa ibabaw sa atop sa balay sa hari, iyang nakita ang usa ka babaye nga naligo ug ang babaye maanyag kaayo.

1 Mga Hari 1:4

Ug ang dalaga maanyag kaayo, ug siya nahimong tig-atiman sa hari ug nag-alagad kaniya. Apan wala siya hilabti sa hari.

Mga Panultihon 21:30

Walay kaalam, walay salabotan, walay tambag nga magpulos batok sa Ginoo.

Mga Panultihon 29:25

Ang kahadlok sa tawo nagbutang ug usa ka lit-ag, apan siya nga nagsalig sa Ginoo layo sa kakuyaw.

Awit sa mga Awit 1:14

Ang akong hinigugma alang kanako sama sa usa ka pungpong sa ihalas nga mga bulak, diha sa parasan sa En-gedi.

1 Samuel 25:3

Ang ngalan sa tawo mao si Nabal ug ang ngalan sa iyang asawa mao si Abigail. Ang babaye maayo ug pagpanabot ug maanyag, apan ang tawo bangis ug daotan ang iyang mga binuhatan ug siya kaliwat ni Caleb.