Genesis 11:31

Ang Biblia 2011

Ug gikuha ni Tera si Abram nga iyang anak ug si Lot nga anak ni Haran, iyang apo, ug si Sarai nga iyang umagad, asawa ni Abram nga iyang anak. Ug nanglakaw sila gikan sa yuta sa Ur sa mga Caldeanhon, aron moadto sa yuta sa Canaan. Apan sa pag-abot nila sa Haran, mipuyo sila didto.

Cross References

Genesis 10:19

Ug ang kayutaan sa mga Canaanhon nagsukad sa Sidon, padulong sa Gerar, ngadto sa Gaza, ngadto sa Sodoma, sa Gomora, sa Adma, ug sa Zeboim, hangtod sa Lasa.

Genesis 11:32

Ug ang mga adlaw ni Tera 205 ka tuig, ug namatay si Tera didto sa Haran.

Genesis 12:4

Busa milakaw si Abram sumala sa gisulti sa Ginoo kaniya ug miuban kaniya si Lot. Si Abram nagpanuigon ug 75 ka tuig sa pagpahawa niya sa Haran.

Genesis 12:5

Ug gidala ni Abram si Sarai nga iyang asawa ug si Lot nga anak sa iyang igsoon ug ang tanan nilang kabtangan nga ilang natigom ug ang mga tawo nga ilang natigom sa Haran, ug migikan sila ngadto sa yuta sa Canaan ug miabot sila sa yuta sa Canaan.

Genesis 14:12

Gidala usab nila si Lot, nga anak sa igsoon ni Abram nga didto magpuyo sa Sodoma lakip ang iyang kabtangan ug sila namiya.

Genesis 15:7

Ug siya miingon kaniya, “Ako mao ang Ginoo nga nagdala kanimo gikan sa Ur sa mga Caldeanhon aron sa paghatag kanimo niining yutaa, ug maimo kini.”

Genesis 24:10

Unya ang ulipon mikuha ug napulo ka kamilyo sa iyang agalon ug milakaw. Nagdala siya sa tanang matang sa mga piniling gasa gikan sa bahandi sa iyang agalon. Ug migikan siya ug miadto sa Mesopotamia, ngadto sa lungsod ni Nahor.

Genesis 24:15

Sa wala pa siya makahuman sa pagsulti, si Rebecca nga anak ni Betuel nga anak ni Milca nga asawa ni Nahor nga igsoon ni Abraham, migula dala ang iyang banga diha sa iyang abaga.

Genesis 27:43

Busa karon, anak ko, tumana ang akong tingog; tindog ug kagiw ngadto kang Laban nga akong igsoon didto sa Haran.

Genesis 28:10

Ug si Jacob mibiya sa Beer-seba ug mipadulong sa Haran.

2 Mga Hari 19:12

Nakaluwas ba kanila ang mga dios sa mga nasod, ang mga nasod nga gilaglag sa akong katigulangan: ang Gozan, ang Haran, ang Rezef ug ang katawhan sa Eden nga diha sa Tel-asar?

Nehemias 9:7

Ikaw mao ang Ginoo, ang Dios, nga nagpili kang Abram ug nagdala kaniya gikan sa Ur sa mga Caldeanhon ug naghatag kaniya sa ngalan nga Abraham.

Job 1:17

Samtang nagsulti pa siya, may lain na usab nga miabot ug miingon, “Ang mga Caldeanhon naghimo ug tulo ka pundok, ug misulong sa mga kamilyo ug gidala kini, ug ilang gipamatay ang mga sulugoon pinaagi sa sulab sa espada ug ako na lamang ang nakaikyas aron sa pagsugilon kanimo.”

Isaias 37:12

Nakaluwas ba kanila ang mga dios sa mga nasod nga gipanglaglag sa akong katigulangan: ang Gosan, ang Haran, ang Resef, ug ang katawhan sa Eden nga diha sa Telesar?

Mga Hebreo 11:8

Tungod sa pagtuo si Abraham mituman sa diha nga gitawag siya sa pag-adto sa usa ka dapit nga iyang madawat ingon nga panulundon, ug siya miadto nga wala mahibalo kon asa siya paingon.