Genesis 11:30

Ang Biblia 2011

Unya si Sarai dili makaanak, busa wala siyay anak.

Cross References

Genesis 11:31

Ug gikuha ni Tera si Abram nga iyang anak ug si Lot nga anak ni Haran, iyang apo, ug si Sarai nga iyang umagad, asawa ni Abram nga iyang anak. Ug nanglakaw sila gikan sa yuta sa Ur sa mga Caldeanhon, aron moadto sa yuta sa Canaan. Apan sa pag-abot nila sa Haran, mipuyo sila didto.

Genesis 25:21

Ug nag-ampo si Isaac sa Ginoo alang sa iyang asawa, tungod kay siya dili makaanak ug ang Ginoo mitubag sa iyang pag-ampo ug nagsamkon si Rebecca nga iyang asawa.

Genesis 29:31

Sa dihang nakita sa Ginoo nga gikasilagan si Lea, giablihan niya ang iyang taguangkan apan si Raquel wala makaanak.

Salmo 113:9

Ang babaye nga dili manganak gihatagan niya ug panimalay, naghimo kaniya nga malipayon nga inahan sa mga anak. Dayega ang Ginoo!

Lucas 1:36

Ug tan-awa, ang imong kadugo nga si Elisabet, bisan sa iyang kagulangon, nagsamkon usab ug usa ka bata nga lalaki, ug kini karon mao na ang ikaunom nga bulan niya, niadtong giingon nga dili makaanak.

Lucas 1:7

Apan wala silay anak kay si Elisabet dili man makaanak, ug silang duha mga tigulang na.

Mga Maghuhukom 13:2

Ug dihay usa ka tawo nga taga-Zora, sa banay sa mga Danihanon, nga ang ngalan mao si Manoa ug ang iyang asawa dili makaanak ug walay anak.

1 Samuel 1:2

Siya adunay duha ka asawa, ang ngalan sa usa mao si Hana ug ang ngalan sa usa mao si Penina. Si Penina adunay mga anak, apan si Hana walay anak.

1 Samuel 1:5

Apan ngadto kang Hana mihatag siya ug duha ka bahin kay gihigugma man niya si Hana bisan ang Ginoo nagtak-op sa iyang taguangkan.