Genesis 11:1

Ang Biblia 2011

Niadtong panahona ang tibuok nga yuta may usa lamang ka pinulongan, ug naggamit ug samang mga pulong.

Cross References

Genesis 10:32

Kini sila mao ang mga kabanayan sa mga anak nga lalaki ni Noe sumala sa ilang mga kaliwatan, sa ilang mga nasod ug gikan kanila ang mga nasod mikaylap dinhi sa yuta human sa lunop.

Genesis 11:2

Ug nahitabo nga sa dihang mipanaw sila gikan sa silangan, nakakaplag sila ug usa ka patag sa yuta sa Sinar ug didto mipuyo sila.

Genesis 11:6

Ug miingon ang Ginoo, “Tan-awa, sila usa lamang ka katawhan ug may usa lamang ka pinulongan silang tanan, ug kini sinugdanan lamang sa bisan unsa nga ilang buot buhaton, ug wala unyay dili mahimo sa buot nilang buhaton.

Isaias 19:18

Nianang adlawa may lima ka siyudad sa yuta sa Ehipto nga mosulti sa pinulongan sa Canaan, ug manumpa ngadto sa Ginoo sa mga panon, ang usa niini tawgon ug Siyudad sa Adlaw.

Sofonias 3:9

Kay nianang panahona usbon nako ang sinultihan sa mga katawhan ngadto sa lunsay nga pinulongan, aron silang tanan magtawag sa ngalan sa Ginoo, ug mag-alagad kaniya uban ang hiniusa nga pag-uyon.

Mga Buhat 2:6

Ug tungod niini nga kabanha, ang daghang mga tawo nagpundok ug sila nangalibog kay ang matag usa kanila nakadungog nga gisulti ang ilang kaugalingong sinultihan.