Genesis 10:5

Ang Biblia 2011

Gikan kanila misanay ang mga katawhan sa mga kabaybayonan. Kini sila mao ang mga kaliwat ni Jafet nga nagpuyo sa ilang kayutaan; ang matag usa adunay ilang pinulongan, sumala sa ilang mga panimalay diha sa ilang mga nasod.

Cross References

Genesis 10:20

Mao kini sila ang mga kaliwat ni Ham, sumala sa ilang mga kabanayan, sa ilang mga pinulongan, sa ilang mga yuta ug sa ilang mga nasod.

Genesis 10:25

Ngadto kang Eber nangatawo ang duha ka anak nga lalaki, ang ngalan sa usa mao si Peleg kay sa iyang panahon nabahinbahin ang yuta, ug ang ngalan sa iyang igsoon mao si Joctan.

Genesis 10:32

Kini sila mao ang mga kabanayan sa mga anak nga lalaki ni Noe sumala sa ilang mga kaliwatan, sa ilang mga nasod ug gikan kanila ang mga nasod mikaylap dinhi sa yuta human sa lunop.

Genesis 10:4

Ang mga anak nga lalaki ni Javan: si Eliseo, si Tarsis, si Kitim, ug si Dodanim.

Genesis 10:6

Ang mga anak nga lalaki ni Ham: si Cus, si Ehipto, si Put ug si Canaan.

Genesis 9:19

Kining tulo mao ang mga anak nga lalaki ni Noe ug gikan kanila napuno ang tibuok nga yuta.

Ester 10:1

Si Hari Ahasuero nagpabuhis sa yuta ug sa mga pulo sa dagat.

Salmo 72:10

Ang mga hari sa Tarsis ug sa mga kapuloan maghatag unta kaniya ug buhis: ang mga hari sa Sheba ug sa Seba magdala unta ug mga gasa!

Isaias 11:11

Nianang adlawa ang Ginoo magbakyaw sa iyang kamot sa ikaduhang higayon aron sa pagbawi sa salin sa iyang katawhan nga nahibilin, gikan sa Asiria, sa Ehipto, sa Patros, sa Etiopia, sa Elam, sa Sinar, sa Hamat, ug gikan sa mga pulo sa dagat.

Isaias 24:15

Busa diha sa silangan himayaa ninyo ang Ginoo; diha sa kabaybayonan, ang ngalan sa Ginoo, ang Dios sa Israel.

Isaias 40:15

Tan-awa, ang mga nasod sama sa usa ka tinulo gikan sa timba, ug giisip ingon nga abog sa timbangan; tan-awa, iyang gipunit ang mga pulo sama sa pino nga abog.

Isaias 41:5

Ang mga pulo nakakita, ug nangalisang, ang mga kinatumyan sa yuta nangurog; sila nanuol ug nanganhi.

Isaias 42:10

Pag-awit ngadto sa Ginoo ug usa ka bag-ong awit, ang pagdayeg kaniya gikan sa kinatumyan sa yuta! Padahunoga ang kadagatan ug ang tanan nga anaa niini, ang kapuloan ug ang mga nagpuyo niini.

Isaias 42:4

Siya dili maluya o mapukan, hangtod nga mapatunhay na niya ang hustisya diha sa yuta ug ang mga pulo maghulat sa iyang balaod.

Isaias 49:1

Pamati kanako, O mga pulo, ug pagpatalinghog, kamo nga mga katawhan gikan sa layo. Gitawag ako sa Ginoo gikan sa tagoangkan, gikan sa ginhawaan sa akong inahan iya na akong ginganlan.

Isaias 51:5

Ang akong pagkamatarong duol na, ang akong pagluwas migula na, ug ang akong mga bukton maghukom sa mga katawhan, ang kapuloan maghulat kanako, ug sa akong bukton sila maglaom.

Isaias 59:18

Sumala sa ilang binuhatan, siya usab magbalos, kaligutgot ngadto sa iyang mga kabatok, panimalos ngadto sa iyang kaaway, sa mga pulo siya magpahamtang sa tumbas.

Isaias 60:9

Kay ang mga pulo maghulat kanako, ug ang mga barko sa Tarsis mag-una, aron sa pagdala sa imong mga anak nga lalaki gikan sa layo, dala ang ilang plata ug ang ilang bulawan, alang sa ngalan sa Ginoo nga imong Dios, ug alang sa Balaan sa Israel, tungod kay siya naghimaya kanimo.

Jeremias 2:10

Tabok ngadto sa mga kabaybayonan sa Cipro, ug tan-awa, ug pagpaadto ngadto sa Kedar ug susiha pag-ayo; tan-awa kon aduna bay ingon nianang butanga.

Jeremias 25:22

ang tanang mga hari sa Tiro, ang tanang mga hari sa Sidon, ug ang tanang mga hari sa kabaybayonan tabok sa dagat;

Ezequiel 26:15

“Mao kini ang giingon sa Ginoong Dios sa Tiro: Dili ba ang mga pulo mangurog sa kagahob sa imong pagkapukan, sa diha nga ang mga samaran mag-agulo, sa diha nga ang pagpamatay himoon sa taliwala nimo?

Ezequiel 26:18

Karon ang mga pulo mangurog sa adlaw sa imong pagkapukan; Oo, ang mga pulo nga anaa sa dagat mangalisang sa imong pagkawala.’

Daniel 11:18

Human niini, siya moatubang ngadto sa mga kabaybayonan ug ilogon ang daghan niini apan ang usa ka pangulo magtapos sa iyang pagkamabiaybiayon, ang iyang pagkamapahitas-on mosumbalik gayod kaniya.

Sofonias 2:11

Ang Ginoo mahimong makalilisang alang kanila; iyang pagutman ang tanang mga dios sa yuta, ug ngadto kaniya managyukbo, ang matag usa diha sa iyang dapit, ang tanang kayutaan sa mga nasod.

Deuteronomio 32:8

Sa diha nga gihatag sa Labing Halangdon ngadto sa mga nasod ang ilang panulundon, sa diha nga gibahinbahin niya ang mga anak sa mga tawo, gibutang niya ang mga utlanan sa mga katawhan sumala sa gidaghanon sa mga anak sa Dios.