Genesis 1:28

Ang Biblia 2011

Ug gipanalanginan sila sa Dios, ug ang Dios miingon kanila, “Sanay kamo ug panaghan, ug lukpa ang yuta ug dumalaha kini ug kamo ang maggahom ibabaw sa mga isda sa dagat, ug sa mga langgam sa kalangitan, ug sa tanan nga buhing binuhat nga naglihok sa ibabaw sa yuta.”

Cross References

Genesis 1:22

Gipanalanginan sila sa Dios nga nag-ingon, “Sanay ug panaghan kamo ug lukpa ninyo ang tubig sa kadagatan ug managhan ang mga langgam diha sa yuta.”

Genesis 17:16

Ako magpanalangin kaniya ug hatagan ko usab ikaw ug anak nga lalaki gikan kaniya. Ako magpanalangin kaniya ug siya mahimo nga inahan sa mga nasod ug ang mga hari sa mga katawhan maggikan kaniya.”

Genesis 17:20

Ug mahitungod usab kang Ismael, ikaw gipatalinghogan nako. Tan-awa panalanginan nako siya ug himoon nga mabungahon ug padaghanon sa hilabihan gayod. Mahimo siyang amahan sa napulo ug duha ka pangulo ug buhaton nako siya nga usa ka dakong nasod.

Genesis 24:60

Ug gipanalanginan nila si Rebecca, ug miingon sila kaniya, “Among igsoon, mahimo unta ikaw nga inahan sa liboan ka libo ug maangkon unta sa imong kaliwatan ang ganghaan niadtong nagdumot kanila.”

Genesis 26:24

Ug mipakita kaniya ang Ginoo niadtong gabhiona ug miingon, “Ako mao ang Dios ni Abraham nga imong amahan. Ayaw kahadlok kay ako nag-uban kanimo ug ikaw panalanginan nako, ug padaghanon nako ang imong mga kaliwat tungod kang Abraham nga akong sulugoon.”

Genesis 33:5

Sa dihang giyahat ni Esau ang iyang mga mata ug nakita niya ang mga babaye ug ang mga bata, siya miingon, “Kinsa ba kini sila nga kuyog kanimo?” Ug si Jacob miingon, “Ang mga bata nga tungod sa kaluoy sa Dios gihatag niya sa imong ulipon.”

Genesis 49:25

pinaagi sa Dios sa imong amahan nga motabang kanimo, ug sa Dios nga Labing Gamhanan nga magpanalangin kanimo, sa mga panalangin nga gikan sa langit sa itaas, sa mga panalangin sa kahiladman nga anaa sa ilalom, mga panalangin sa dughan ug sa taguangkan.

Genesis 5:2

Lalaki ug babaye gibuhat niya sila, ug gipanalanginan niya sila ug ginganlan sila nga “Tawo” sa dihang gibuhat sila.

Genesis 6:1

Sa dihang misugod sa pagdaghan ang mga tawo sa ibabaw sa yuta ug may nangatawo kanila nga mga anak nga babaye,

Genesis 8:17

Ug ipagula uban kanimo ang tanang buhing binuhat uban kanimo, ang tanan nga unod, ang mga langgam ug ang kahayopan ug ang tanan nga nagkamang sa ibabaw sa yuta aron sila mosanay diha sa yuta ug magmabungahon ug modaghan sila sa ibabaw sa yuta.”

Genesis 9:1

Ug gipanalanginan sa Dios si Noe ug ang iyang mga anak, ug miingon kanila, “Sanay kamo ug panaghan, ug pun-a ninyo ang yuta.

Genesis 9:7

Pagmabungahon ug panaghan kamo, sanay kamo pag-ayo sa ibabaw sa yuta ug panaghan kamo diha niini.”

1 Cronicas 26:5

si Amiel ang ikaunom, si Isacar ang ikapito, si Peuletai ang ikawalo, tungod kay ang Dios nagpanalangin man kaniya.

1 Cronicas 4:10

Si Jabes nagsangpit sa Dios sa Israel, nga nag-ingon, “O, hinaot unta nga panalanginan nimo ako ug padak-an ang akong utlanan ug nga ang imong kamot mag-uban kanako ug ikaw maglikay kanako gikan sa kadaotan aron dili kini makadaot kanako!” Ug ang Dios mihatag kaniya sa iyang gipangayo.

Job 39:11

Magsalig ba ikaw kaniya tungod kay siya kusgan kaayo, o ibilin ba nimo kaniya ang imong buluhaton?

Job 42:12

Gipanalanginan sa Ginoo ang ulahing mga adlaw ni Job labaw pa kay sa una niya nga panahon. Ug siya may napulo ug upat ka libo ka karnero, ug unom ka libo ka kamilyo, usa ka libo ka baka nga igdadaro, ug usa ka libo ka asno nga baye.

Salmo 107:38

Tungod sa iyang panalangin sila modaghan pag-ayo, ug dili niya kuhaan ang ilang kahayopan.

Salmo 115:16

Ang kalangitan mao ang kalangitan sa Ginoo, apan gihatag niya ang yuta ngadto sa mga anak sa mga tawo.

Salmo 69:34

Padayega kaniya ang langit ug ang yuta, ang kadagatan ug ang tanan nga naglihok diha kanila.

Salmo 8:6

Gihatagan nimo siya ug gahom sa pagdumala sa mga binuhat sa imong mga kamot; ang tanan gibutang nimo ilalom sa iyang mga tiil,

Salmo 8:7

ang tanang mga karnero ug mga baka, ug usab ang mga mananap sa kapatagan,

Isaias 45:18

Kay mao kini ang giingon sa Ginoo, nga nagbuhat sa kalangitan (siya Dios!), nga nag-umol sa yuta ug naghimo niini, (siya nagtukod niini; siya wala maghimo niini nga samok, siya nag-umol niini aron puy-an!): “Ako mao ang Ginoo, ug wala nay lain.

Levitico 26:9

Ako mag-atiman kaninyo ug himoon ko kamo nga mabungahon ug padaghanon ug lig-onon nako ang akong kasabotan uban kaninyo.

1 Timoteo 4:3

nga magdili sa pagminyo, magdili sa mga pagkaon nga gibuhat sa Dios nga dawaton uban sa pagpasalamat sa mga magtutuo ug nahibalo sa kamatuoran.