Genesis 1:27

Ang Biblia 2011

Busa gibuhat sa Dios ang tawo sumala sa iyang kaugalingong dagway, sumala sa dagway sa Dios gibuhat niya sila, lalaki ug babaye iyang gibuhat sila.

Cross References

Genesis 2:18

Ug miingon ang Ginoong Dios, “Dili maayo nga ang tawo mag-inusara; buhatan nako siya ug kaabag nga angay kaniya.”

Genesis 2:7

Ug giumol sa Ginoong Dios ang tawo nahimo nga gikan sa abog sa yuta ug gihuyop niya ngadto sa ilong niini ang gininhawa sa kinabuhi, ug ang tawo nahimo nga buhing binuhat.

Genesis 9:6

Si bisan kinsa nga magpaagas ug dugo sa tawo, pinaagi sa tawo ang iyang dugo paagason, kay gibuhat sa Dios ang tawo sama sa iyang dagway.

Salmo 139:14

Gidayeg ko ikaw, kay makalilisang ug katingalahan ang pagbuhat kanako, Katingalahan ang imong mga buhat! Nahibalo ako niana pag-ayo;

Ecclesiastes 7:29

Tan-awa, mao lamang kini ang akong nakaplagan, nga ang tawo gihimo nga matarong sa Dios; apan sila nangita ug daghang mga pamaagi.

Isaias 43:7

ang tanan nga gitawag pinaagi sa akong ngalan, nga akong gibuhat alang sa akong himaya, nga akong giumol ug gibuhat.”

Jeremias 29:6

Pangasawa kamo ug panganak kamo ug mga anak nga lalaki ug mga anak nga babaye. Pagkuha ug maasawa sa inyong mga anak nga lalaki, ug ihatag ang inyong mga anak nga babaye diha sa kaminyoon aron sila manganak ug mga anak nga lalaki ug mga anak nga babaye. Sanay kamo didto ug ayaw pagpakunhod.

Malaquias 2:15

Wala ba ang bugtong nga Dios maghimo ug magsangkap kanato sa espiritu sa kinabuhi? Ug unsa ang iyang gitinguha? Diosnon nga kaliwat. Busa pagbantay kamo sa inyong kaugalingon, ug ayaw itugot nga adunay usa nga magmaluibon sa asawa sa inyong pagkabatan-on.

Mateo 19:4

Siya mitubag nga nag-ingon, “Wala ba kamo makabasa nga ang nagbuhat kanila sa sinugdan nagbuhat kanila nga lalaki ug babaye,

Marcos 10:6

Apan sukad sa sinugdan sa kabuhatan, ‘Ang Dios nagbuhat kanila nga lalaki ug babaye.’

Mga Taga-Efeso 2:10

Kay kita iyang mga binuhat, gihimo diha kang Cristo Jesus alang sa mga maayong buhat nga giandam nang daan sa Dios aron nga niini magkinabuhi kita.

Mga Taga-Efeso 4:24

ug sa pagsul-ob sa bag-ong pagkatawo nga gibuhat sumala sa dagway sa Dios diha sa matuod nga pagmakatarong ug pagkabalaan.

Deuteronomio 4:32

“Kay pangutana karon mahitungod sa mga panahon nga miagi, nga diha kaniadto kaninyo, sukad sa adlaw nga gibuhat sa Dios ang tawo sa kalibotan, ug pangutana gikan sa usa ka tumoy sa langit ngadto sa lain, kon ang ingon niana ka dakong butang nahitabo ba o nadungog.

Mga Taga-Colosas 1:15

Siya mao ang dagway sa dili makita nga Dios, ang panganay sa tibuok nga kabuhatan.

Mga Taga-Colosas 1:26

ang misteryo nga natago sulod sa mga kapanahonan ug mga kaliwatan apan karon gipadayag na ngadto sa iyang mga balaan.

Mga Taga-Colosas 3:10

ug gikasul-oban na sa bag-ong kinaiya nga gibag-o diha sa kahibalo, sumala sa dagway sa magbubuhat niini.

Mga Maghuhukom 21:22

Ug sa diha nga ang ilang mga amahan o ang ilang mga igsoon moanhi aron sa pagsumbong kanamo, kami moingon kanila, ‘Ihatag sila sa maayong kabubut-on kanamo tungod kay kami wala magkuha ug maasawa sa matag lalaki pinaagi sa gubat o naghatag kanila ug maasawa nila, kondili mahimo kamong sad-an.’ ”