Genesis 1:26

Ang Biblia 2011

Unya ang Dios miingon, “Buhaton nato ang tawo sumala sa atong dagway, ingon nga sama kanato. Sila ang maggahom ibabaw sa mga isda sa dagat ug sa mga langgam sa kahanginan, ug sa tanang kahayopan ug sa tanang ihalas nga mananap sa kalibotan ug sa tanan nga nagkamang sa yuta.”

Cross References

Genesis 11:7

Dali, manganaog kita ug libogon nato ang ilang mga pinulongan aron sila dili na magkasinabot sa ilang sinultihan ang usa ug usa.”

Genesis 2:19

Ug giumol sa Ginoong Dios gikan sa yuta ang tanang mga mananap sa kapatagan ug ang tanan nga langgam sa kalangitan, ug gidala niya sila ngadto sa tawo aron makita niya kon unsay ingalan niya kanila. Ug ang tanan nga gingalan sa tawo sa mga mananap nga buhi, mao na ang ngalan niini.

Genesis 3:22

Ug ang Ginoong Dios miingon, “Tan-awa, ang tawo nahimo nga sama sa usa kanato, nahibalo sa maayo ug sa daotan. Ug karon tingali unya ug mokab-ot siya ug mokuha usab gikan sa kahoy sa kinabuhi ug mokaon, ug mabuhi hangtod sa kahangtoran.”

Genesis 5:1

Mao kini ang talaan sa mga kaliwat ni Adan. Sa diha nga gibuhat sa Dios ang tawo, gibuhat niya siya sumala sa dagway sa Dios.

Genesis 9:6

Si bisan kinsa nga magpaagas ug dugo sa tawo, pinaagi sa tawo ang iyang dugo paagason, kay gibuhat sa Dios ang tawo sama sa iyang dagway.

Job 35:10

Apan walay nag-ingon, ‘Hain ba ang Dios nga akong Magbubuhat, nga naghatag ug mga awit diha sa kagabhion,

Job 39:11

Magsalig ba ikaw kaniya tungod kay siya kusgan kaayo, o ibilin ba nimo kaniya ang imong buluhaton?

Job 5:23

Kay ikaw makig-abin sa mga bato sa kapatagan, ug ang mga mananap sa kapatagan makigdait kanimo.

Salmo 100:3

Ilha ninyo nga ang Ginoong Dios. Siya mao ang nagbuhat kanato, ug kita iya; kita iyang katawhan, ang mga karnero sa iyang sibsibanan.

Salmo 149:2

Pamayaa si Israel diha sa iyang Magbubuhat, palipaya ang mga anak sa Zion diha sa ilang Hari.

Ecclesiastes 7:29

Tan-awa, mao lamang kini ang akong nakaplagan, nga ang tawo gihimo nga matarong sa Dios; apan sila nangita ug daghang mga pamaagi.

Awit sa mga Awit 1:11

Buhatan namo ikaw ug mga sinapid nga bulawan nga gibutangan ug plata.

Isaias 45:18

Kay mao kini ang giingon sa Ginoo, nga nagbuhat sa kalangitan (siya Dios!), nga nag-umol sa yuta ug naghimo niini, (siya nagtukod niini; siya wala maghimo niini nga samok, siya nag-umol niini aron puy-an!): “Ako mao ang Ginoo, ug wala nay lain.

Isaias 6:8

Unya akong nadungog ang tingog sa Ginoo nga nag-ingon, “Kinsa man ang akong ipadala, ug kinsay moadto alang kanamo?” Unya miingon ako, “Ania ako, paadtoa ako.”

Isaias 64:8

Apan karon, O Ginoo, ikaw mao ang among Amahan, kami yuta nga kulonon, ug ikaw mao ang among magkukulon; kaming tanan binuhat sa imong kamot.

Jeremias 27:6

Karon gihatag na nako kining tibuok nga yuta ngadto sa kamot ni Nabucodonosor nga hari sa Babilonia, nga akong alagad, ug gihatag usab nako kaniya ang mga mananap sa kapatagan aron sa pag-alagad kaniya.

Juan 14:23

Si Jesus mitubag ug miingon kaniya, “Kon ang usa ka tawo nahigugma kanako, siya magtuman sa akong pulong, ug ang akong Amahan mahigugma kaniya ug moanha kami kaniya ug kami mopuyo uban kaniya.

Juan 5:17

Apan si Jesus mitubag kanila, “Ang akong Amahan nagpadayon sa pagbuhat ug ako nagbuhat.”

Mga Buhat 17:20

Kay gidad-an nimo ang among mga dalunggan ug mga katingalahang butang, busa buot unta kaming mahibalo unsay kahulogan niining mga butanga.”

Mga Buhat 17:26

Siya nagbuhat sa tanang nasod sa katawhan gikan sa usa ka tawo aron mopuyo sa tanang dapit sa yuta, human niya maandam ang mga gitakda nga kapanahonan ug ang mga utlanan sa mga dapit nga ilang puy-an,

1 Mga Taga-Corinto 11:7

Dili kinahanglan sa lalaki nga magtabon sa iyang ulo kay dagway ug himaya man siya sa Dios, apan ang babaye mao ang himaya sa lalaki.

2 Mga Taga-Corinto 3:18

Ug kitang tanan, nga dili tinabonan ang nawong, sa nagsud-ong kita sa himaya sa Ginoo sama diha sa salamin, giusab kita ngadto sa pagkasama sa iyang dagway gikan sa himaya ngadto sa himaya kay kini gikan man sa Ginoo, ang Espiritu.

2 Mga Taga-Corinto 4:4

Diha kanila ang mga hunahuna sa mga dili magtutuo gibutaan sa dios niining panahona, aron dili sila makakita sa kahayag sa Maayong Balita sa himaya ni Cristo nga mao ang dagway sa Dios.

Mga Taga-Efeso 4:24

ug sa pagsul-ob sa bag-ong pagkatawo nga gibuhat sumala sa dagway sa Dios diha sa matuod nga pagmakatarong ug pagkabalaan.

Mga Taga-Colosas 1:15

Siya mao ang dagway sa dili makita nga Dios, ang panganay sa tibuok nga kabuhatan.

Mga Taga-Colosas 3:10

ug gikasul-oban na sa bag-ong kinaiya nga gibag-o diha sa kahibalo, sumala sa dagway sa magbubuhat niini.

Santiago 3:7

Kay ang tanang matang sa mga mananap ug mga langgam, sa mga nagkamang ug sa mga mananap sa dagat mapaanad ug gipaanad sa tawo.

Santiago 3:9

Pinaagi sa dila gidayeg nato ang Ginoo ug Amahan, ug pinaagi niini gitunglo nato ang mga tawo nga binuhat sumala sa dagway sa Dios.

1 Juan 5:7

Ang Espiritu mao ang nagpamatuod niini, kay ang Espiritu mao ang kamatuoran.