Genesis 1:24

Ang Biblia 2011

Unya ang Dios miingon, “Motungha diha sa yuta ang mga buhing binuhat sumala sa ilang mga matang, mga kahayopan, ug mga mananap sa yuta nga nagkamang ug mga ihalas nga mananap sumala sa ilang mga matang.” Ug nahimo kini.

Cross References

Genesis 1:23

Dihay kagabhion ug dihay kabuntagon, ikalima nga adlaw.

Genesis 2:19

Ug giumol sa Ginoong Dios gikan sa yuta ang tanang mga mananap sa kapatagan ug ang tanan nga langgam sa kalangitan, ug gidala niya sila ngadto sa tawo aron makita niya kon unsay ingalan niya kanila. Ug ang tanan nga gingalan sa tawo sa mga mananap nga buhi, mao na ang ngalan niini.

Genesis 6:20

Sa matag matang sa langgam ug sa matag matang sa mga hayop ug tanang mga butang nga nagkamang sa yuta sumala sa ilang matang, duha sa matag matang, sila mosulod uban kanimo aron mabuhi sila.

Genesis 7:14

sila ug ang tanan nga mga mananap sumala sa ilang matang, ang tanan nga kahayopan sumala sa ilang matang, ug ang tanan nga mga mananap nga nagkamang sa ibabaw sa yuta sumala sa ilang matang, ug ang tanang mga langgam sumala sa ilang matang, ang tanang nagkalainlaing matang sa langgam.

Genesis 8:19

Ang tanan nga mga mananap ug ang tanan nga mga nagkamang ug ang tanan nga mga langgam, ang tanan nga naglihok sa ibabaw sa yuta, sumala sa ilang matang, nanggawas sa arka.

Job 39:1

“Nahibalo ba ikaw sa panahon nga manganak ang mga kanding sa bukid? Naniid ba ikaw sa pagpanganak sa mga lagsaw?

Job 39:19

“Naghatag ba ikaw ug kusog sa kabayo? Gibistihan ba nimo ug kalig-on ang iyang liog?

Job 39:5

“Kinsa ba ang nagpahigawas sa asno nga ihalas? Kinsa ba ang nagbadbad sa gapos sa asno nga tulin,

Job 39:9

“Andam ba ang baka nga ihalas sa pag-alagad kanimo? Mopalabay ba siya sa kagabhion diha sa imong pasungan?

Job 40:15

“Tan-awa si Behemot nga akong gibuhat sama sa akong pagbuhat kanimo; nagkaon siya sa balili sama sa baka.

Salmo 104:18

Ang habog nga kabukiran alang sa mga kanding nga ihalas; ang mga pangpang mao ang tagoanan sa mga koneho,

Salmo 104:23

Ang tawo mogula ngadto sa iyang buhat ug sa iyang buluhaton hangtod sa kagabhion.

Salmo 148:10

Mga mananap ug tanang kahayopan, mga butang nga nagkamang ug naglupad nga kalanggaman!