Genesis 1:22

Ang Biblia 2011

Gipanalanginan sila sa Dios nga nag-ingon, “Sanay ug panaghan kamo ug lukpa ninyo ang tubig sa kadagatan ug managhan ang mga langgam diha sa yuta.”

Cross References

Genesis 1:21

Busa gibuhat sa Dios ang dagkong mga mananap sa dagat ug ang tanang buhing binuhat nga naglihok nga milukop sa katubigan, sumala sa ilang mga matang ug ang tanang langgam nga may pako, sumala sa ilang mga matang. Ug nakita sa Dios nga kini maayo.

Genesis 1:23

Dihay kagabhion ug dihay kabuntagon, ikalima nga adlaw.

Genesis 1:28

Ug gipanalanginan sila sa Dios, ug ang Dios miingon kanila, “Sanay kamo ug panaghan, ug lukpa ang yuta ug dumalaha kini ug kamo ang maggahom ibabaw sa mga isda sa dagat, ug sa mga langgam sa kalangitan, ug sa tanan nga buhing binuhat nga naglihok sa ibabaw sa yuta.”

Genesis 30:27

Apan si Laban miingon kaniya, “Kon imo akong tugotan sa pagsulti niini, nahibaloan nako pinaagi sa panagna nga ang Ginoo nagpanalangin kanako tungod kanimo.

Genesis 30:30

Kay kaniadto diyotay pa ang imo sa wala pa ako makaanhi ug kini midaghan pag-ayo. Ug ang Ginoo nagpanalangin kanimo bisan asa ako moadto. Ug karon kanus-a man ako magtagana alang usab sa akong kaugalingon nga panimalay?”

Genesis 35:11

Ug ang Dios miingon kaniya, “Ako mao ang Dios nga Labing Gamhanan, pagmabungahon ka ug sanay, usa ka nasod ug pundok sa mga nasod maggikan kanimo ug ang mga hari maggikan kanimo.

Genesis 8:17

Ug ipagula uban kanimo ang tanang buhing binuhat uban kanimo, ang tanan nga unod, ang mga langgam ug ang kahayopan ug ang tanan nga nagkamang sa ibabaw sa yuta aron sila mosanay diha sa yuta ug magmabungahon ug modaghan sila sa ibabaw sa yuta.”

Genesis 9:1

Ug gipanalanginan sa Dios si Noe ug ang iyang mga anak, ug miingon kanila, “Sanay kamo ug panaghan, ug pun-a ninyo ang yuta.

Job 40:15

“Tan-awa si Behemot nga akong gibuhat sama sa akong pagbuhat kanimo; nagkaon siya sa balili sama sa baka.

Job 42:12

Gipanalanginan sa Ginoo ang ulahing mga adlaw ni Job labaw pa kay sa una niya nga panahon. Ug siya may napulo ug upat ka libo ka karnero, ug unom ka libo ka kamilyo, usa ka libo ka baka nga igdadaro, ug usa ka libo ka asno nga baye.

Salmo 107:31

Papasalamata sila sa Ginoo tungod sa iyang gugmang walay paglubad, tungod sa iyang mga katingalahang buhat alang sa mga anak sa mga tawo!

Salmo 107:38

Tungod sa iyang panalangin sila modaghan pag-ayo, ug dili niya kuhaan ang ilang kahayopan.

Salmo 128:3

Ang imong asawa mahisama sa mabungahon nga paras, sulod sa imong panimalay Ang imong mga anak mahisama sa mga saha nga olibo, libot sa imong lamisa.

Mga Panultihon 10:22

Ang panalangin sa Ginoo makapadato, ug siya wala magdugang ug kasubo niini.

Levitico 26:9

Ako mag-atiman kaninyo ug himoon ko kamo nga mabungahon ug padaghanon ug lig-onon nako ang akong kasabotan uban kaninyo.